ఫేస్‌బుక్‌లో మహిళలకు బూతుకథలు.. పొలిటికల్ ఫ్యామిలీలే టార్గెట్

ఫేస్‌బుక్, ట్విట్టర్ తదితర సామాజిక మాధ్యమాల్లో మహిళలపై అసభ్యంగా బూతులు వాడుతూ పోస్టులు పెడుతున్న యువకుడిని సైబరాబాద్ పోలీసులు అరెస్ట్ చేశారు. కడప జిల్లా కొండారెడ్డిపల్లి మండలం వేములపల్లికి చెందిన రవీందర్ రెడ్డి సోషల్ మీడియా పేజీల్లో మహిళలు, యువతులకు బూతులతో కూడిన మెసేజ్‌లు, పోస్టులు పెడుతున్నాడు.

తెలుగు రాష్ట్రాలకు చెందిన ప్రముఖ రాజకీయ నేతల కుటుంబాలలోని మహిళలు సైతం ఇతని బారినపడ్డారు. దీనిపై కొందరు బాధితులు పోలీసులకు సమాచారం అందించడంతో.. రంగంలోకి దిగిన సైబరాబాద్ నిపుణుల బృందం, ఐపీ నెంబర్ ఆధారంగా రవీందర్ రెడ్డిని అదుపులోకి తీసుకున్నారు. ఇతనిపై 2013లో కడప పోలీస్ స్టేషన్‌లో రౌడీషీట్ సైతం నమోదైనట్లు పోలీసులు గుర్తించారు.