హైద్రాబాద్ లో కుప్పకూలిన స్లాబ్: ఒకరి మృతి, మరో 9 మందికి గాయాలు

హైదరాబాద్: నగరంలోని   ప్రీమియర్ ఎనర్జీస్ సోలార్ కంపెనీలో  ఆదివారం నాడు   స్లాబ్ కూలింది.  ఈ ప్రమాదంలో  ఒకరు  మృతి చెందారు.  మరో 9 మంది గాయపడ్డారు.  గాయపడిన  వారిలో  ఇద్దరి పరిస్థితి విషమంగా  ఉందని   సమాచారం. 

తెలంగాణలోని  స్లాబ్ కూలి కార్మికులు  మృతి చెందిన ఘటనలు  చోటు  చేసుకున్నాయి. హైద్రాబాద్ కూకట్ పల్లిలో  నిర్మాణంలో  భవనం స్లాబ్ కూలి  ఇద్దరు కూలీలు  మృతి చెందారు.  ఈ ఏడాది జనవరి 8న ఈ ఘటన చోటు  చేసుకుంది.   స్లాబ్  కుప్పకూలి  స్లాబ్ కింద పడి  ఇద్దరు  కార్మికులు మృతి చెందారు.  ఐదు రోజుల్లో  రెండు  అంతస్తుల స్లాబ్ లు  ఏర్పాటు  చేశారు.  ఈ స్లాబ్  కుప్పకూలింది. 

ఇదే తరహాలో  మహారాష్ట్రలోని పుణెలో  స్లాబ్ కూలి ఆరుగురు కార్మికులు మృతి చెందిన  ఘటన 2022 ఫిబ్రవరిలో  జరిగింది. 2016లో  పుణెలో  స్లాబ్ కూలిన ఘటనలో 10 మంది కార్మికులు  మృతి చెందారు.