యూట్యూబ్ స్టార్, బిగ్ బాస్‌ ఫేమ్ గంగవ్వను టీఆర్ఎస్ వర్కింగ్ ప్రెసిడెంట్, తెలంగాణ మంత్రి కేటీఆర్ కలిశారు. ఆదివారం కరీంన‌గ‌ర్ క‌ళోత్స‌వ ముగింపు వేడుక‌లకు హాజ‌రైన కేటీఆర్.. గంగవ్వను ఆత్మీయ ఆలింగనం చేసుకున్నారు.
యూట్యూబ్ స్టార్, బిగ్ బాస్‌ ఫేమ్ గంగవ్వను టీఆర్ఎస్ వర్కింగ్ ప్రెసిడెంట్, తెలంగాణ మంత్రి కేటీఆర్ కలిశారు. ఆదివారం కరీంన‌గ‌ర్ క‌ళోత్స‌వ ముగింపు వేడుక‌లకు హాజ‌రైన కేటీఆర్.. గంగవ్వను ఆత్మీయ ఆలింగనం చేసుకున్నారు. వేదికపై ప్రసంగించే సమయంలో గంగవ్వ గురించి మాట్లాడిన కేటీఆర్.. గంగవ్వను సోషల్ మీడియాలో చూసిందే తప్ప ఎప్పుడూ కలవలేదని చెప్పారు. గంగవ్వ మంచిది కాబట్టి ఏదో తనను మహేష్ బాబు అన్నదని.. అలా అంటే మహేష్ బాబు ఫీల్ అవుతారని అన్నారు. గంగవ్వా ఎందుకైనా మంచిది ఒకసారి కళ్లు టెస్ట్ చేయించుకోవాలని సరదాగా కామెంట్ చేశారు. అదే సమయంలో గంగవ్వ మై విలేజ్ షోలో తాను పాల్గొంటానని మాట ఇచ్చారు. తాను కూడా మై విలేజ్ షో ద్వారా నాలుగు విషయాలు నెర్చుకుంటానని చెప్పారు.
ఇదిలా ఉంటే.. గంగవ్వను ఆత్మీయ ఆలింగనం చేసుకన్న ఫొటోను తెలంగాణ డిజిట‌ల్ మీడియా డైరెక్ట‌ర్ కొణతం దిలీప్ ట్విట్టర్‌లో పోస్టు చేశారు. దీనిపై స్పందించిన కేటీఆర్.. పాపులర్, పక్కా లోకల్ యూ ట్యూబ్ స్టార్ గంగవ్వను కలవడం ఆనందంగా ఉందని అన్నారు. గంగవ్వ మై విలేజ్ షోకి తాను అతిథిగా వస్తానని ఆమెకు ప్రామిస్ చేశారు. ప్రస్తుతం కేటీఆర్ ట్వీట్ సోషల్ మీడియాలో వైరల్‌గా మారింది.
Pleasure meeting the popular & Pakka local You Tube star Gangavva Garu 😊
Promised her that I’ll be a guest on her My Village Show asap https://t.co/0Lr5aDQEiI
గంగవ్వ నువ్వు మాట్లాడితే నేను మాట్లాడలేను 😀pic.twitter.com/iaGjAldYNj
— 𝐉𝐚𝐲𝐚𝐧𝐭𝐡 𝐆𝐨𝐮𝐝 🇸𝐈𝐍𝐆𝐋𝐄 (@jayanthgoudK)మై విలేజ్ షో యూట్యూబ్ చానెల్ ద్వారా గుర్తింపు తెచ్చుకున్నారు గంగవ్వ. ఆ గుర్తింపుతోనే ఆమె తెలుగు బిగ్ బాస్‌ షోలో కూడా కంటెస్టెంట్‌గా పాల్గొన్నారు. అక్కడ కూడా తనదైన ముద్ర వేశారు.