లంచం కేసులో ఎస్‌ఐకి ఐదేళ్ల జైలుశిక్ష విధించిన కరీంనగర్ ఏసీబీ కోర్టు
By Mahesh Rajamoni | First Published Aug 23, 2023, 1:58 AM ISTKarimnagar: లంచం కేసులో ఎస్‌ఐకి కరీంనగర్ ఏసీబీ కోర్టు ఐదేళ్ల జైలుశిక్ష విధించింది. ఒక కేసును నిర్వీర్యం చేసి, చార్జిషీట్ దాఖ‌లు చేయ‌డానికి పోలీసు సబ్‌ ఇన్‌స్పెక్టర్ ఐదు వేల రూపాయ‌ల లంచం డిమాండ్ చేశాడు. ఇవ్వ‌కుంటే అతని పేరును కూడా చార్జిషీట్ లో చేరుస్తానంటూ బెదిరించాడు. ఈ క్ర‌మంలోనే బాధితుడు ఏసీబీని ఆశ్రయించాడు. లంచం తీసుకుంటుండగా ఎస్ఐ ప‌ట్టుప‌డ్డాడు.
Karimnagar ACB court: లంచం కేసులో ఎస్‌ఐకి కరీంనగర్ ఏసీబీ కోర్టు ఐదేళ్ల జైలుశిక్ష విధించింది. ఒక కేసును నిర్వీర్యం చేసి, చార్జిషీట్ దాఖ‌లు చేయ‌డానికి పోలీసు సబ్‌ ఇన్‌స్పెక్టర్ ఐదు వేల రూపాయ‌ల లంచం డిమాండ్ చేశాడు. ఇవ్వ‌కుంటే అతని పేరును కూడా చార్జిషీట్ లో చేరుస్తానంటూ బెదిరించాడు. ఈ క్ర‌మంలోనే బాధితుడు ఏసీబీని ఆశ్రయించాడు. లంచం తీసుకుంటుండగా ఎస్ఐ ప‌ట్టుప‌డ్డాడు.
ఈ లంచం కేసుకు సంబంధించిన పూర్తి వివ‌రాలు ఇలా ఉన్నాయి.. 2006 ఏప్రిల్‌లో రూ.5వేలు లంచం తీసుకున్నారనే ఆరోపణలపై సబ్‌ ఇన్‌స్పెక్టర్‌కు కరీంనగర్ ఏసీబీ కోర్టు ఐదేళ్ల జైలుశిక్ష విధించింది. కామారెడ్డి జిల్లా వివేకానంద కాలనీకి చెందిన రంగ ధర్మగౌడ్ ఉపాధి వెతుక్కుంటూ దుబాయ్ వెళ్లి డ్రైవర్‌గా పనిచేస్తున్నాడు. ఇటీవ‌లే ఆయ‌న తన ఇంటికి తిరిగివ‌చ్చారు. అయితే, అతని పెద్ద కుమారుడు నరేష్ అదే ప్రాంతానికి చెందిన ఒక అమ్మాయిని ప్రేమిస్తున్నాడు.
Latest Videos
undefined
చాలా కాలంగా ప్రేమించుకుంటున్న వారు ఇద్ద‌రు క‌లిసి పారిపోయారు. ఈ నేపథ్యంలో ఆమె తండ్రి నరేష్ తన కుమార్తెను కిడ్నాప్ చేశాడని పేర్కొంటూ పోలీసులకు ఫిర్యాదు చేశాడు. పోలీసులు నరేష్‌ను అదుపులోకి తీసుకున్నారు. ధర్మా గౌడ్ ఆ తర్వాత భారతదేశానికి వచ్చి అప్పటి కామారెడ్డి ఎస్ఐ మురళీధర్‌ను కలిశాడు, కేసును నిర్వీర్యం చేసి చార్జిషీట్‌ను సిద్ధం చేసేందుకు రూ.6వేలు లంచం ఇవ్వాలని డిమాండ్ చేశాడు. చెల్లించకుంటే ధర్మాగౌడ్ పేరును కూడా చేర్చుతానని హెచ్చరించాడు.
ఎస్ఐ బెదిరింపులు, లంచం డిమాండ్ నేపథ్యంలో రంగ ధర్మాగౌడ్ నిజామాబాద్ ఏసీబీ యూనిట్ అధికారులను ఆశ్రయించాడు. 2006 ఏప్రిల్ 4న లంచం తీసుకుంటుండగా ఎస్ఐ మురళీధర్‌ను రెడ్‌హ్యాండెడ్‌గా పట్టుకున్నారు. ప్రస్తుతం సంగారెడ్డి పోలీసు శిక్షణ కళాశాలలో పనిచేస్తున్న మురళీధర్‌కు జైలు శిక్షతో పాటు రూ.10 వేల జరిమానా కూడా విధించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి