Jana Sena: పవన్ కళ్యాణ్ తెలంగాణ ఎల‌క్ష‌న్ ప్లాన్ మిస్ ఫైర్ అయిందా..?
By Mahesh Rajamoni | First Published Oct 13, 2023, 4:55 PM ISTPawan Kalyan: తెలంగాణ అసెంబ్లీ ఎన్నికల షెడ్యూల్‌ను భారత ఎన్నికల సంఘం (ఈసీఐ) ప్ర‌కటించింది. షెడ్యూల్ ప్రకారం నవంబర్ 10న నామినేషన్లకు చివరి తేదీ కాగా, నవంబర్ 3న ఎన్నికల నోటిఫికేషన్ విడుదల కానుంది. నవంబర్ 30న పోలింగ్, డిసెంబర్ 3న ఓట్ల లెక్కింపు జరగనుంది. అయితే, జనసేన అధినేత పవన్ కళ్యాణ్ తమ పార్టీ తెలంగాణ ఎన్నికల బ‌రిలో దిగుతుంద‌ని ప్ర‌క‌టించ‌డం ఆసక్తిక‌రంగా మారింది.
Telangana Assembly elections 2023: తెలంగాణ అసెంబ్లీ ఎన్నికల షెడ్యూల్‌ను భారత ఎన్నికల సంఘం (ఈసీఐ) ప్ర‌కటించింది. షెడ్యూల్ ప్రకారం నవంబర్ 10న నామినేషన్లకు చివరి తేదీ కాగా, నవంబర్ 3న ఎన్నికల నోటిఫికేషన్ విడుదల కానుంది. నవంబర్ 30న పోలింగ్, డిసెంబర్ 3న ఓట్ల లెక్కింపు జరగనుంది. అయితే, జనసేన అధినేత పవన్ కళ్యాణ్ తమ పార్టీ తెలంగాణ ఎన్నికల బ‌రిలో దిగుతుంద‌ని ప్ర‌క‌టించ‌డం ఆసక్తిక‌రంగా మారింది. తెలంగాణలో నవంబర్ 30వ తేదీన జరగనున్న సార్వత్రిక ఎన్నికలకు సంబంధించి పలు నియోజకవర్గాల్లో జనసేన అభ్యర్థుల గురించి వివ‌రాలు వెల్ల‌డిస్తూ పవన్ కళ్యాణ్ ఇటీవల ఓ పత్రికా ప్రకటన విడుదల చేశారు. అయితే, దీనిపై రాజ‌కీయ వ‌ర్గాల్లో ఆస‌క్తిక‌ర‌మైన చ‌ర్చ సాగుతోంది. తెలంగాణలో బీజేపీ, టీడీపీ, జ‌న‌సేన‌లు క‌లిసి పోటీ చేయ‌నున్నాయ‌నే ఊహాగ‌నాలు వినిపిస్తున్నాయి.
అయితే, జనసేన అధినేత పవన్ కళ్యాణ్ తెలంగాణ ఎన్నికల ప్లాన్ మిస్ ఫైర్ అయింద‌నే చ‌ర్చ కూడా సాగుతోంది. ఎన్నికలకు కేవలం 40-45 రోజుల సమయం ఉన్నందున, అతను ప్రస్తుతం ఇటలీలో తన సినిమా ప్రాజెక్ట్‌లలో ఒకదాని షూటింగ్‌లో ఉండటం ఆశ్చర్యకరమైన విషయం. దీంతో పాటు ఏపీలో నెల‌కొన్న రాజ‌కీయ ప‌రిస్థితులు, అక్క‌డ తెలుగు దేశం పార్టీ (టీడీపీ) తో క‌లిసి ముందుకు సాగ‌డం వంటి విష‌యాల్లో బిజీ బిజీగా ఉన్నారు. ఏపీలో బీజేపీకి జనసేన మిత్ర‌ప‌క్షంగా కొన‌సాగుతోంది. వచ్చే ఎన్నికల్లో క‌లిసి బ‌రిలోకి దిగ‌నున్నాయ‌ని తెలిసిన విష‌యమే. అయితే, తెలంగాణ అసెంబ్లీ ఎన్నికలకు సంబంధించి పవన్ కళ్యాణ్ పత్రికా ప్రకటన బీజేపీ దృష్టిని ఆకర్షించే ప్రయత్నమనీ, దానితో జనసేన పొత్తు పెట్టుకున్నదని స్పష్టమవుతుంది.
Latest Videos
undefined
ఈ విషయం వల్లే బీజేపీ తన వద్దకు చేరుకుంటుందని ఆయన భావించినట్లు సంబంధిత వర్గాలు సూచిస్తున్నాయి. ఆయన ప్లాన్ ప్రకారం, బీజేపీ హైకమాండ్ తన వద్దకు వస్తే, చంద్రబాబు అరెస్టు, జైలు నుంచి విడుదల, పొత్తుల అంశాల‌పై చర్చలు అవ‌కాశ‌ముంది. ఇది వ‌ర‌కు కూడా ఏపీ రాజ‌కీయాల గురించి జనసేన-బీజేపీ చర్చలు జ‌రిగాయి. కానీ తెలంగాణ విషయం రాలేద‌ని సంబంధిత వర్గాలు సైతం ఇదివ‌ర‌కు పేర్కొన్నాయి. జనసేన అభ్యర్థులు తమ ఓట్లను చీల్చవచ్చనే భయంతో బీఆర్ఎస్ తన వద్దకు వచ్చే అవకాశం ఉందన్న ఆశ కూడా ఆయనకు ఉంది. అయితే, వారు కూడా అతని ప్రకటనను పట్టించుకోలేదు. అయితే, బీజేపీ కూడా పవన్ ప్రకటనను పెద్ద‌గా ప‌ట్టించుకోక‌పోవ‌డం గ‌మ‌నించాల్సిన విషయం.
ఈ విఫల ప్రయత్నాలతో నిరుత్సాహానికి గురైన పవన్ కళ్యాణ్ తెలంగాణ ఎన్నికల్లో అభ్యర్థులను నిలబెట్టే ఆలోచనను విరమించుకుని తన సినిమా షూటింగ్ విదేశాల‌కు వెళ్లార‌నే టాక్ కూడా వినిపిస్తోంది. వీటన్నింటి మధ్య, ఆంధ్రప్రదేశ్‌లో టీడీపీకి రక్షకుడిగా పవన్ కళ్యాణ్ చేసిన వ్యాఖ్యలపై నెటిజన్లు వినోదభరితంగా వ్యాఖ్యానించకుండా ఉండలేకపోతున్నారు. చంద్రబాబు అరెస్టు, టీడీపీ-జనసేన పొత్తు, అధికార-ప్ర‌తిప‌క్ష పార్టీల మధ్య మాట‌ల యుద్ధం నేప‌థ్యంలో ఏపీలో ఇప్ప‌టికే రాజ‌కీయం ర‌స‌వ‌త్త‌రంగా మారింది. ఇదే స‌మ‌యంలో తెలంగాణలో దూకుడుమీదున్న కాంగ్రెస్, గ‌ట్టి బలంతో ఉన్న బీఆర్ఎస్, గెలుపుపై ధీమాతో ఉన్న బీజేపీల‌ను జనసేన పెద్ద‌గా ప్ర‌భావితం చేయ‌క‌పోవ‌చ్చున‌నే వాద‌న‌లు కూడా రాజ‌కీయ వ‌ర్గాల్లో వినిపిస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి