జగ్గారెడ్డికి 14 రోజుల రిమాండ్.. చంచల్‌గూడకి తరలింపు

మనుషుల అక్రమ రవాణా, నకిలీ పాస్‌పోర్టుల కేసులో కాంగ్రెస్ నేత, మాజీ ఎమ్మెల్యే జగ్గారెడ్డికి న్యాయస్థానం 14 రోజుల రిమాండ్ విధించింది. ఉదయం సిద్దిపేటలో ఆయన్ను అరెస్ట్ చేసిన తర్వాత గాంధీలో వైద్య పరీక్షల అనంతరం జగ్గారెడ్డిని పోలీసులు సిటి సివిల్ కోర్టులో హాజరుపరిచారు.

న్యాయమూర్తి ఆయనకు 14 రోజుల రిమాండ్ విధించడంతో జగ్గారెడ్డిని చంచల్‌గూడ జైలుకు తరలించారు. 2004 ప్రాంతలో నకిలీ ధ్రువపత్రాలతో ముగ్గురిని అమెరికాకు అక్రమంగా పంపించినట్లు పోలీసుల దర్యాప్తులో తేలింది. ఈ కేసులో భాగంగా జగ్గారెడ్డిని అదుపులోకి తీసుకున్నారు.