తెలంగాణ కాంగ్రెస్ ఎన్నికల వ్యూహకర్తగా వున్న సునీల్ కనుగోలు కార్యాలయంలో హైదరాబాద్ సైబర్ క్రైమ్ పోలీసులు సోదాలు నిర్వహించడం కలకలం రేపుతోంది.
కాంగ్రెస్ స్ట్రాటజీ టీమ్ హెడ్ ఆఫీసులో హైదరాబాద్ సైబర్ క్రైమ్ పోలీసులు సోదాలు నిర్వహించడం కలకలం రేపుతోంది. తెలంగాణ కాంగ్రెస్ స్ట్రాటజీ టీమ్ హెడ్‌గా వున్నారు సునీల్ కనుగోలు. సీఎం కేసీఆర్‌, తెలంగాణ ప్రభుత్వానికి వ్యతిరేకంగా పోస్టులు పెడుతున్నారని ఆరోపణలు రావడంతోనే ఈ సోదాలు జరిగినట్లుగా తెలుస్తోంది. విషయం తెలుసుకున్న కాంగ్రెస్ నేతలు, కార్యకర్తలు సునీల్ కార్యకర్తలు సునీల్ కార్యాలయానికి భారీగా చేరుకుంటున్నారు. మాదాపూర్ ఇనార్బిట్ మాల్ దగ్గర సునీల్ కార్యాలయం వుంది. తనిఖీల సందర్భంగా కంప్యూటర్, ల్యాప్‌టాప్‌ను పోలీసులు సీజ్ చేశారు. సోదాల సమయంలో కార్యాలయంలోని సిబ్బంది సెల్‌ఫోన్లు సైతం ఆఫ్ చేయించారు పోలీసులు. గత కొంతకాలంగా కాంగ్రెస్ కోసం పనిచేస్తోంది ఎస్‌కే టీమ్. దీనికి సంబంధించిన మరిన్ని వివరాలు తెలియాల్సి వుంది.