తప్పిన ప్రమాదం:ఆదిలాబాద్ లో వాగులో పడిన అంబులెన్స్

డెడ్ బాడీని  తరలిస్తున్న అంబులెన్స్  ఉమ్మడి ఆదిలాబాద్ జిల్లాలో వాగులో  పడింది.ఈ ప్రమాదంలో  అంబులెన్స్ లో  ఉన్న  నలుగురు సురక్షితంగా బయటపడ్డారు. 

ఆదిలాబాద్: ఉమ్మడి  ఆదిలాబాద్ జిల్లాలోని  జైనథ్ మండలం  తరోడా వద్ద  వాగులో అంబులెన్స్ పడింది. ఈ ప్రమాదం నుండి అంబులెన్స్  లో  ఉన్న నలుగురు  సురక్షితంగా బయటపడ్డారు.  

జైనథ్  నుండి మహారాష్ట్రలోని నాందేడ్ వైపు అంబులెన్స్  వెళ్తున్న  సమయంలో ఈ ప్రమాదం జరిగింది. అంబులెన్స్ లో మృతదేహన్ని  నలుగురు వ్యక్తులు తీసుకె
ళ్తున్నారు.ఈ సమయంలో  అంబులెన్స్ ప్రమాదవశాత్తు వాగులో పడిపోయింది. ఈ విషయాన్ని గుర్తించిన  స్థానికులు వెంటనే  పోలీసులకు సమాచారం ఇచ్చారు.  అంబులెన్స్  నుండి  పోలీసులు   నలుగురిని సురక్షితంగా బయటకు తీసుకు వచ్చారు.  అంబులెన్స్ లో  ఉన్న మృతదేహం కోసం పోలీసులు గాలింపు  చర్యలు చేపట్టారు.