హైదరాబాద్ లో శివారులో భారీ అగ్నిప్రమాదం... కాలిబూడిదైన పరుపుల కర్మాగారం
By Arun Kumar P | First Published Aug 20, 2023, 10:52 AM ISTహైదరాబాద్ లో మరో అగ్నిప్రమాదం చోటుచేసుకుంది. మైలార్ దేవ్ పల్లిలోని ఓ పరుపుల కర్మాగారంలో మంటలు చెలరేగి ఆస్తినష్టం సంభవించింది.
హైదరాబాద్ : రాజధాని నగరం హైదరాబాద్ లో వరుస అగ్నిప్రమాదాలు కొనసాగుతూనే వున్నాయి. తాజాగా రాజేంద్రనగర్ పరిధిలోని మైలార్ దేవ్ పల్లిలో ఓ పరుపుల తయారీ కర్మాగారంలో మంటలు చెలరేగాయి. ఒక్కసారిగా మంటలు ఎగసిపడటంతో స్థానికులు భయాందోళనకు గురయ్యారు.
హైదరాబాద్ శివారులోని మైలార్ దేవ్‌పల్లి టాటా నగర్ లో పరుపుల తయారీ పరిశ్రమ వుంది. శనివారం పనులు ముగించుకుని పరిశ్రమకు తాళం వేసి వెళ్లిపోయాడు యజమాని. ఈ క్రమంలో రాత్రి ఎలా అగ్గి రాజుకుందో తెలీదుగానీ ఆదివారం తెల్లవారుజాముకు కంపనీ మొత్తం మంటలు వ్యాపించాయి. కంపనీలో మంటలు ఎగసిపడటం గమనించిన స్థానికులు ఫైర్ సిబ్బందికి సమాచారం అందించారు.
Latest Videos
undefined
Read More హైద్రాబాద్ బహదూర్‌పురాలో ఒరిగిన నాలుగంతస్తుల భవనం: భయాందోళనల్లో స్థానికులు
దట్టమైన పొగలతో మంటలు అంతకంతకు పెరుగుతుండటంతో స్థానికులు భయాందోళనకు గురయ్యారు. అయితే అగ్నిమాపక సిబ్బంది ఘటనాస్థలికి చేరుకుని ఫైరింజన్ల సాయంతో మంటలను అదుపులోకి తీసుకువచ్చారు. అయితే ఈ అగ్నిప్రమాదంలో ఎలాంటి ప్రాణనష్టం జరగకున్నా రూ.15లక్షల వరకు ఆస్తి నష్టం జరిగినట్లు సమాచారం. షాట్ సర్క్యూట్ కారణంగానే మంటలు చెలరేగినట్లు అనుమానిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి