కామారెడ్డిలో అమానుషం: ఆస్తులివ్వలేదని ఆసుపత్రిలోనే తల్లి డెడ్‌బాడీ

ఆస్తులు  ఇవ్వలేదని  తల్లి డెడ్ బాడీని తీసుకెళ్లేందుకు  కుటుంబ సభ్యులు  ముందుకు రాలేదు.  కామారెడ్డి జిల్లాలో ఈ ఘటన చోటు  చేసుకుంది.    

కామారెడ్డి: ఆస్తులు ఇవ్వలేదనే  కారణంగా తల్లి డెడ్ బాడీని  ఇంటికి తీసుకెళ్లేందుకు  కుటుంబ సభ్యులు ముందుకు  రాలేదు.కామారెడ్డి  జిల్లాలో ఈ అమానుష ఘటన చోటు  చేసుకుంది.   

కామారెడ్డి  జిల్లాకు  చెందిన కిష్టవ్వకు  70 ఏళ్లు.   ఆమెకు కూతుళ్లున్నారు.  అయితే ఆమెకు  బ్యాంకులో రూ. 1.70 లక్షల నగదు ఉంది. మరో వైపు ఆస్తులు కూడా  ఉన్నాయని చెబుతున్నారు. ఈ ఆస్తులకు  కిష్టవ్వ బంధువు  నామినీగా  ఉన్నాడు.

అయితే  ఏప్రిల్  21న  కిష్టవ్వ అనారోగ్యంతో  చికిత్స కోసం  కామారెడ్డి ఆసుపత్రిలో  చేరింది.   ఈ విషయం తెలుసుకున్న కూతుళ్లు  ఆసుపత్రికి వచ్చారు. ఆస్తులు  ఇవ్వాలని కిష్టవ్వపై ఒత్తిడి తెచ్చారు. అయితే  ఆస్తులు ఇచ్చేందుకు  ఆమె నిరాకరించింది. దీంతో ఆసుపత్రిలోనే కిష్టవ్వపై  కుటుంబ సభ్యులు దాడి  చేశారని  ప్రచారం సాగుతుంది.  చికిత్స పొందుతూ  ఆసుపత్రిలోనే  ఈ నెల  6వ తేదీ రాత్రి కిష్టవ్వ మృతి చెందింది.  అయితే  ఈ విషయం  కుటుంబ సభ్యులకు వైద్యులు  సమాచారం ఇచ్చారు.  ఆస్తులు  ఇవ్వలేదని   కిష్టవ్వ డెడ్ బాడీ తీసుకెళ్లేందుకు  కుటుంబ సభ్యులు ముందుకు  రాలేదు.  దీంతో  కిష్టవ్వ డెడ్ బాడీని మార్చురీలోనే భద్రపర్చారు  వైద్యులు.