న‌కిలీ విద్యుత్ క‌నెక్షన్లు: అక్ర‌మంగా విద్యుత్‌ చార్జీలు వసూళ్లు, 14 మంది ఉద్యోగులకు నోటీసులు

Hyderabad: విద్యుత్ శాఖ‌లో అక్రమాలకు పాల్పడిన 14 మంది విద్యుత్ ఉద్యోగులకు నోటీసులు అందాయి. విద్యుత్‌ మీటర్లు వేయకుండా, నకిలీ విద్యుత్‌ కనెక్షన్ల‌తో  వినియోగదారుల నుంచి విద్యుత్‌ చార్జీలు వసూలు చేస్తున్నార‌ని ఆరోప‌ణ‌లు ఉన్నాయి.   

Telangana Electricity Department: విద్యుత్‌ మీటర్లు వేయకుండా, నకిలీ విద్యుత్‌ కనెక్షన్ల‌తో విద్యుత్‌ వినియోగదారుల నుంచి విద్యుత్‌ చార్జీలు వసూలు చేస్తూ.. అక్ర‌మాల‌కు పాల్పడిన 14 మంది ఉద్యోగులకు విద్యుత్‌ శాఖ షోకాజ్‌ నోటీసులు జారీ చేసింది. విద్యుత్‌ మీటర్లు వేయకుండా, నకిలీ విద్యుత్‌ కనెక్షన్ల‌తో విద్యుత్‌ వినియోగదారుల నుంచి విద్యుత్‌ చార్జీలు వసూలు చేస్తున్నార‌ని ఆరోప‌ణ‌లు ఉన్నాయి. ప్రజల ఫిర్యాదులు స్వీకరించిన విద్యుత్ శాఖ విజిలెన్స్ ద్వారా విచారణ జరిపింది. ఆ తర్వాత వారి అవినీతి కథలు వెలుగులోకి వచ్చాయి. విజిలెన్స్ నివేదిక ఆధారంగా నలుగురు ఏడీఏలు, ఒక డీఈ సహా 14 మంది ఉద్యోగులతో పాటు ఇతర ఉద్యోగులకు షోకాజ్ నోటీసులు జారీ చేశారు.

నాగర్ కర్నూలు జిల్లాలో 10,783 మంది విద్యుత్ వినియోగదారులకు నకిలీ బిల్లులు జారీ చేయగా, 4,842 చోట్ల మీటర్లు లేనేలేవు. దీని కారణంగా నెలవారీ బిల్లుల్లో రూ.329 లక్షలు తారుమారు అయినట్లు విచారణలో గుర్తించారు. గ్రామీణ ప్రాంతాల్లో పేద ఎస్సీ, ఎస్టీలు ఉచిత కనెక్షన్లకు మీటర్లు బిగించాల్సి ఉన్నా మీటర్లు బిగించకుండా బిల్లులు వసూలు చేశారు. ఒకే మీటరులో రీడింగులు వెలికితీసి బిల్లులు వచ్చినట్లు విచారణలో తేలింది. 

రికార్డు స్థాయి విద్యుత్ వినియోగం.. 

గురువారం ఉదయం 11.01 గంటలకు తెలంగాణలో అత్యధికంగా 15,497 మెగావాట్ల విద్యుత్ వినియోగం నమోదైంది. అంతకు ముందు మార్చి 15న 15,062 మెగావాట్లకు చేరింది. ఈసారి గరిష్ట విద్యుత్ డిమాండ్ ఇప్పటికే 15,497 మెగావాట్లకు చేరుకోగా, గత ఏడాది మార్చిలో గరిష్ట విద్యుత్ వినియోగం 14,160 మెగావాట్లుగా ఉందని ఇంధన శాఖ అధికారులు పేర్కొన్నారు. రాష్ట్రంలో మార్చి 15న 15,062 మెగావాట్ల విద్యుత్ డిమాండ్ ఉండగా, ఆ తర్వాత వర్షాల కారణంగా కొంత తగ్గిందని, ఆ తర్వాత మళ్లీ పెరిగిందని అధికారులు తెలిపారు.

రాబోయే రోజుల్లో రాష్ట్రంలో విద్యుత్ డిమాండ్ 16 వేల మెగావాట్లు దాటుతుందని, రోజువారీ విద్యుత్ వినియోగం 300 మిలియన్ యూనిట్లు దాటుతుందని అధికారులు అంచనా వేశారు. మార్చిలో గరిష్ట డిమాండ్ 15 వేల మెగావాట్లకు చేరుకుంటుందని అంచనా వేసిన విద్యుత్ వినియోగ విభాగం తగినంత విద్యుత్ సరఫరాకు ప్రణాళిక రూపొందించింది. రాష్ట్ర మొత్తం విద్యుత్ ఉత్పత్తిలో వ్యవసాయ పరిశ్రమ 37 శాతానికి పైగా ఉపయోగిస్తుంది. వేసవిలో వినియోగదారులందరికీ, ముఖ్యంగా రైతులకు ఆటంకాలు రాకుండా విద్యుత్ అందుబాటులో ఉండేలా అన్ని చర్యలు తీసుకుంటామని అధికారులు పేర్కొన్నారు.