హైదరాబాద్ లో పేలుడు.. ఒకరు మృతి ?

హైదరాబాద్ లోని బండ్లగూడలో కెమికల్ బ్లాస్ట్ (chemical blast in hyderabad bandlaguda) సంభవించింది. ఈ ఘటనలో ఒకరు చనిపోయినట్టుగా సమాచారం. కెమికల్ డబ్బా తెరవడంతోనే ఈ ప్రమాదం చోటు చేసుకుంది. దీనిపై పోలీసులు దర్యాప్తు జరుపుతున్నారు. 

chemical blast : హైదరాబాద్ లో ఒక్క సారిగా పేలుడు సంభవించింది. ఈ ఘటనలో ఒకరు మరణించినట్టుగా తెలుస్తోంది. మరో వ్యక్తికి గాయాలు అయ్యాయి. బండ్లగూడలో ఈ ప్రమాదం చోటు చేసుకుంది. దీనిపై పోలీసులు దర్యాప్తు జరుపుతున్నారు. వివరాలు ఇలా ఉన్నాయి. 

బండ్లగూడ ప్రాంతంలో ఆదివారం ఓ వ్యక్తి చెత్త సేకరిస్తున్నారు. అయితే ఈ క్రమంలో అతడికి ఓ కెమికల్ డబ్బా దొరికింది. చెత్త సేకరిస్తున్న సమయంలో ఆ డబ్బాలో ఏముందని ఓ నిర్మాణంలో ఉన్న భవనం ముందు దానిని తెరిచాడు. దీంతో ఒక్క సారిగా ఆ కెమికల్ డబ్బా పేలింది. ఈ పేలుడు దాటికి ఘటనా స్థలానికి దగ్గరగా ఉన్న ఓ బిల్డింగ్ అద్దాలు ధ్వంసం అయ్యాయి.

దీనిపై స్థానికులు పోలీసులకు సమాచారం అందించారు. దీంతో వెంటనే వారు ఘటనా స్థలానికి చేరుకున్నారు. అక్కడ పరిస్థితిని సమీక్షించారు. ఈ ఘటనపై పోలీసులు కేసు నమోదు చేసుకున్నారు. దీనిపై దర్యాప్తు జరుపుతున్నారు.