హైదరాబాద్ జూబ్లీహిల్స్‌లో కారు బీభత్సం.. మద్యం మత్తులో డ్రైవ్ చేసిన యువతులు..!

హైదరాబాద్‌లోని జూబ్లీహిల్స్ చెక్‌పోస్ట్ సమీపంలో కారు బీభత్సం సృష్టించింది. అధిక వేగంతో దూసుకొచ్చి డివైడర్‌ను ఢీకొట్టింది. ఈ ఘటన అనంతరం కారులోని వ్యక్తులు అక్కడి నుంచి పారిపోయారు. అయితే ప్రమాద సమయంలో కారు అధిక వేగంతో దూసుకొస్తుండటంతో జనం భయంతో పరుగులు తీశారు. ఈ ఘటనపై సమాచారం అందుకున్న పోలీసులు వెంటనే అక్కడికి చేరుకున్నారు. అయితే మద్యం మత్తులో యువతులు కారును నడిపినట్టుగా తెలుస్తోంది. మద్యం మత్తులో వారు కారులో షికార్లు చేస్తుండగా ఈ ఘటన చోటు చేసుకున్నట్టుగా సమాచారం. 

కారు ఫిల్మ్ నగర్ వైపు నుంచి చెక్ పోస్ట్ వైపునకు వస్తుండగా ఈ ప్రమాదం జరిగింది. కారు రోడ్డుపై ప్రమాదానికి గురైన కారు రోడ్డుపై నిలిపోవడంతో టోయింగ్ వాహనంతో పోలీసు స్టేషన్ కు తరలించారు. ఈ ఘటనపై కేసు నమోదుచేసిన పోలీసులు దర్యాప్తు చేస్తున్నారు. కారు ఎవరిదనే విషయం తెలియాల్సి ఉన్నది.