ఢిల్లీ లిక్కర్ స్కాంలో ఈడీ నోటీసులు: నేడు సుప్రీంకోర్టుకు కవిత
By narsimha lode | First Published Mar 17, 2023, 9:52 AM ISTఢిల్లీ లిక్కర్ స్కాంలో ఈడీ నోటీసులు జారీ చేయడంతో మరోసారి సుప్రీంకోర్టును ఆశ్రయించనున్నారు కల్వకుంట్ల కవిత. ఈ నెల 20న విచారణకు రావాలని కవితకు నిన్న ఈడీ నోటీసులు జారీ
చేసింది.
హైదరాబాద్: బీఆర్ఎస్ ఎమ్మెల్సీ కల్వకుంట్ల కవిత శుక్రవారంనాడు సుప్రీంకోర్టును ఆశ్రయించనున్నారు. తన పిటిషన్ ను త్వరగా విచారణ చేయాలని సుప్రీంకోర్టును కోరనుంది కవిత. ఈ నెల 20వ తేదీన విచారణకు రావాలని కవితకు ఈడీ అధికారులు నోటీసులు జారీ చేసిన నేపథ్యంలో సుప్రీంకోర్టు ను ఆశ్రయించనున్నారు కవిత
ఢిల్లీ లిక్కర్ స్కాంలో ఈ నెల 11వ తేదీన తొలిసారిగా ఈడీ విచారణకు కవిత హాజరయ్యారు. ఈ నెల 16వ తేదీన కవిత రెండో దఫా ఈడీ విచారణకు హాజరు కావాల్సి ఉంది. అయితే నిన్న ఈడీ విచారణకు కవిత హాజరు కాలేదు. ఈడీ అడిగిన సమాచారాన్ని బీఆర్ఎస్ ప్రధాన కార్యదర్శి సోమా భరత్ ద్వారా కవిత ఈడీ కార్యాలయానికి పంపారు. అంతేకాదు తాను విచారణకు హాజరు కాలేనని ఈడీకి లేఖ పంపారు. సుప్రీంకోర్టులో తన పిటిషన్ ఉందని ఆ లేఖలో పేర్కొన్నారు.
Latest Videos
undefined
సుప్రీంకోర్టు నిర్ణయం వచ్చిన తర్వాత విచారణకు హాజరు కానున్నట్టుగా ఆ లేఖలో ఆమె పేర్కొన్నారు. కానీ, ఈ లేఖను అందుకున్న ఈడీ అధికారులు నిన్న మరోసారి కవితకు సమన్లు పంపారు. ఈ నెల 20వ తేదీన విచారణకు రావాలని ఆదేశించారు. ఈ నోటీసుల నేపథ్యంలో కవిత ఇవాళ సుప్రీంకోర్టును ఆశ్రయించే అవకాశం ఉంది.
ఈ నెల 15వ తేదీనే కవిత సుప్రీంకోర్టులో పిటిషన్ దాఖలు చేసిన విషయం తెలిసిందే. ఈడీ విచారణపై స్టే కోరారు. మహిళలను ఈడీ అధికారులు విచారించడాన్ని ఆ పిటిషన్ లో సవాల్ చేశారు. ఈ పిటిషన్ పై ఈ నెల 24న విచారణ చేయనున్నట్టుగా సుప్రీంకోర్టు తెలిపింది. తాజాగా ఈడీ నోటీసులు జారీ చేయడంతో ఇవాళ సుప్రీంకోర్టును కవిత ఆశ్రయించే అవకాశం ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి