జిమ్ ట్రైనర్ రాహుల్ హత్య కేసులో కొత్త కోణం.. ఆ రోజు వీడియో కాల్ మాట్లాడింది ఎవరితో అంటే ?

రాజేంద్ర నగర్ లో జరిగిన రాహుల్ హత్య కేసులో కొత్త ట్విస్ట్ వెలుగు చూసింది. ఈ ఘటనలో ప్రేమ వ్యవహారం లేదని పోలీసులు నిర్ధారించారు. చిన్న పాటి గొడవే ఈ హత్యకు దారి తీసిందని గుర్తించారు.

ఈ నెల 26వ తేదీన రాహుల్ అనే జిమ్ ట్రైనర్ రాజేంద్రనర్ లో హత్యకు గురయ్యారు. ఈ ఘటన స్థానికంగా కలకలం రేకెత్తించింది. దీనిపై పోలీసులు కేసు నమోదు చేసుకొని దర్యాప్తు చేపట్టారు. అయితే ఈ దర్యాప్తులో కొత్త కోణాలు వెలుగులోకి వస్తున్నాయి. ప్రేమ వ్యవహారమే ఈ హత్యకు కారణమని మొదట భావించినా.. తాజాగా అలాంటిదేమీ లేదని పోలీసులు గుర్తించనట్టు తెలుస్తోంది.

హత్య జరిగిన రోజు రాహుల్ తనతో నిశ్చితార్థం జరిగిన యువతితో వీడియో కాల్ మాట్లాడాడని పోలీసులు నిర్ధారించారు. అయితే ఈ హత్య కేసులో ప్రమేయం ఉందని భావిస్తున్న నలుగురు నిందితులను రాజేంద్ర నగర్ పోలీసులు అరెస్టు చేశారు. కాగా.. ఈ వ్యక్తిగత కారణలే ఈ హత్యకు దారి తీసినట్టు తెలుస్తోంది. 

రాహుల్ తో జరిగిన చిన్న పాటి ఘర్షణే ఈ హత్యకు కారణమయ్యిందని పోలీసులు అనుమానిస్తున్నారు. ఈ కేసుపై పోలీసులు లోతుగా దర్యాప్తు జరిపారు. జిమ్ ట్రైనర్ ను హత మార్చాలని నిందితులు పక్కగా రెక్కీ నిర్వహించారు. రాహుల్ బలం ఏంటో ముందే అంచనా వేసిన దుండుగులు.. పెప్పర్ స్ప్రేను తమ వెంట తీసుకొని వచ్చారు.

జిమ్ లో వర్కౌట్ పూర్తి చేసుకొని రాహుల్ లిఫ్ట్ లో కిందకు వచ్చారు. వెంటనే ఒక్క సారిగా దుండుగులు తమ వెంట తెచ్చుకున్న పెప్పర్ స్ప్రేను కొట్టారు. దీంతో అతడికి ఏం జరుగుతుందో అర్థం కాలేదు. రాహుల్ తేరుకొని పరిస్థితిని అర్థం చేసుుకునే లోపు దారుణానికి ఒడిగట్టారు. అతడిపై కత్తులతో దాడి చేసి హతమార్చారు.