Telangana Election Results 2023: తెలంగాణ అసెంబ్లీ ఎన్నికల ఫలితాలపై మంత్రి కేటీఆర్ స్పందించారు. కాంగ్రెస్ పార్టీకి ఆల్ ది బెస్ట్ చెప్పారు. రెండు సార్లు బీఆర్ఎస్ కు అధికారం ఇచ్చిన తెలంగాణ ప్రజలకు ధన్యవాదాలు తెలిపారు.
Telangana Election Results 2023: తెలంగాణ అసెంబ్లీ ఎన్నికల ఫలితాలు ఓ స్పష్టతకు వస్తున్నాయి. కాంగ్రెస్ పార్టీ భారీ మెజారిటీ దిశగా దూసుకుపోతోంది. ఆ పార్టీయే తెలంగాణలో అధికారం చేపట్టబోతోందని దాదాపుగా ఖరారు అయ్యింది. ముచ్చటగా మూడో సారి అధికారం చేపట్టాలని భావించిన బీఆర్ఎస్ ఆశ నెరవేరలేదు. దీంతో కాంగ్రెస్ శ్రేణుల్లో ఉత్సాహం కనిపిస్తుండగా.. బీఆర్ఎస్ కార్యకర్తలు, నాయకుల్లో నిరాశకు గురయ్యారు.
Karimnagar Election Results 2023 : వెనకబడ్డ బండి సంజయ్.. 10 వేల ఓట్లకు పైగా ముందంజలో గంగుల కమలాకర్
అయితే ఈ ఫలితాలపై మంత్రి కేటీఆర్ తాజాగా స్పందించారు. నిన్న సాయంత్రం వరకు ఫలితాలు తమకు అనుకూలంగా వస్తాయని ధీమాతో ఉన్న ఆయన.. ప్రజలు ఇచ్చిన తీర్పును అంగీకరించారు. ఈ విషయాన్ని ‘ఎక్స్’ (ట్విట్టర్) వేదికగా పంచుకున్నారు. బీఆర్ఎస్ పార్టీకి రెండు సార్లు అధికారాన్ని కట్టబెట్టిన తెలంగాణ ప్రజలకు ఆయన ఈ సందర్భంగా ధన్యవాదాలు తెలిపారు.
Grateful to the people of Telangana for giving two consecutive terms of Government 🙏
Not saddened over the result today, but surely disappointed as it was not in expected lines for us. But we will take this in our stride as a learning and will bounce back…
ఈరోజు వచ్చిన ఫలితాలు తమను బాధించలేదని మంత్రి కేటీఆర్ అన్నారు. కానీ నిరాశకు గురి చేశాయని చెప్పారు. ఈ ఫలితాలను ఒక పాఠంగా తీసుకొని తిరిగి పుంజుకుంటామని తెలిపారు. తెలంగాణ అసెంబ్లీ ఎన్నికల్లో విజయం సాధించిన కాంగ్రెస్ పార్టీకి ఆయన అభినందనలు చెప్పారు. ఆ పార్టీకి ఆల్ ది బెస్ట్ తెలిపారు.
This one ain’t gonna age well 😁
Missed the mark https://t.co/IUN1vKdTsc
కొంత సమయం తరువాత చేసిన మరో ట్వీట్ లో కాస్తా హాస్యాన్ని జోడించారు. శనివారం సాయంత్రం ఆయన చేసిన ట్వీట్ ను రీ ట్వీట్ చేస్తూ.. ఈ సారి మిస్ ఫైర్ అయ్యిందంటూ స్మైలీ ఇమోజీ పెట్టారు. ఫలితాలు తమకు అనుకూలంగానే వస్తాయని చెబుతూ నిన్న సాయంత్రం ఆయన గన్ తో షూట్ చేస్తున్నట్టు ఉన్న ఫొటోను షేర్ చేస్తూ ట్వీట్ చేశారు. ఆ ట్వీట్ ను తాజాగా రీట్వీట్ చేశారు.