Maxima Max Pro X1: తక్కువ ధరలో లభించే మేడ్ ఇన్ ఇండియా స్మార్ట్‌వాచ్‌..!
By team telugu | First Published May 15, 2022, 1:48 PM ISTదేశీయ స్మార్ట్‌వాచ్‌ల తయారీదారు Maxima తాజాగా Max Pro X1 అనే సరికొత్త బడ్జెట్ స్మార్ట్‌వాచ్‌ను మార్కెట్లో విడుదల చేసింది. ఇది పూర్తిగా మేడ్- ఇన్-ఇండియా వాచ్.
బడ్జెట్ ధరల్లోనే స్మార్ట్‌వాచ్‌లను ఉత్పత్తి చేసే దేశీయ తయారీదారు Maxima తాజాగా మరొ సరికొత్త స్మార్ట్‌వాచ్‌ Max Pro X1ని భారత మార్కెట్లో విడుదల చేసింది. ఈ సరికొత్త Maxima Max Pro X1 స్మార్ట్‌వాచ్‌ చతురస్రాకారపు డయల్‌ను కలిగి ఉంది. ఈ వాచ్ మెటల్-బకిల్ స్ట్రాప్-ఆన్ మెకానిజంతోనే పనిచేస్తుంది. వాచ్‌లో ‘అడ్వాన్స్‌డ్ రియల్‌టెక్ చిప్‌సెట్’ (RTL8762CK) ఉంది. ఇది వాటర్ రెసిస్టెన్స్ కూడా. ఇందుకోసం 3ATM రేటింగ్‌ కలిగి ఉంది. ఈ స్మార్ట్‌వాచ్‌ గరిష్టంగా 10 రోజుల బ్యాటరీ బ్యాకప్ అందిస్తుందని కంపెనీ తెలిపింది. Maxima కంపెనీ తమ ఉత్పత్తులను క్రికెటర్ సూర్య కుమార్ యాదవ్ ద్వారా ప్రమోట్ చేయిస్తోంది.
మాక్సిమా మ్యాక్స్ ప్రో X1 ధర రూ. 1,999 గా నిర్ణయించారు. ఈ స్మార్ట్‌వాచ్‌ను వినియోగదారులు మాక్సిమా అధికారిక వెబ్‌సైట్ ద్వారా రిటైల్ స్టోర్లలో కొనుగోలు చేయవచ్చు. ఇది బ్లాక్, పింక్, గ్రీన్ అనే మూడు కలర్ ఆప్షన్‌లలో లభిస్తుంది.
Latest Videos
undefined
ఫీచర్లు, స్పెసిఫికేషన్లు ఎలా ఉన్నాయి..?
Maxima Max Pro X1 స్మార్ట్‌వాచ్‌ చతురస్రాకారంలో 1.4-అంగుళాల IPS డిస్‌ప్లేను కలిగి ఉంది. ఇది 240×280 పిక్సెల్ రిజల్యూషన్, 500 నిట్స్ బ్రైట్‌నెస్‌తో వచ్చింది. ప్యాకేజీలో భాగంగా సిలికాన్ పట్టీ ఇంకా మాగ్నెటిక్ ఛార్జర్ ఇస్తున్నారు. డిస్‌ప్లే ఇమేజ్‌ని కస్టమైజ్ చేసుకోవడానికి 100కి పైగా క్లౌడ్-ఆధారిత వాచ్ ఫేస్‌లను ఎంచుకోవచ్చు. బ్లూటూత్ ద్వారా ఆండ్రాయిడ్ స్మార్ట్‌ఫోన్‌లు, ఆపిల్ ఐఫోన్‌లతో కనెక్ట్ చేసుకోవచ్చు.
ఈ స్మార్ట్‌వాచ్‌లో Spo2 మానిటర్, స్లీప్ ట్రాకింగ్, హార్ట్ బీట్ ట్రాకింగ్ లాంటి బేసిక్ ఫీచర్లతో పాటు ఎన్నో రకాల గేమ్‌లు, రోజువారీ వ్యాయామ లక్ష్యాలను ట్రాక్ చేయగల స్పోర్ట్స్ మోడ్‌లను కలిగి ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి