ఇండియాతో సహా ప్రపంచవ్యాప్తంగా ఇన్‌స్టాగ్రామ్ డౌన్.. సోషల్ మీడియాలో మీమ్స్ హల్‌చల్..
By asianet news telugu | First Published Jun 9, 2023, 3:38 PM ISTఫోటో షెరింగ్ అండ్ సోషల్ మీడియా యాప్ ఇన్‌స్టాగ్రామ్ సాంకేతిక సమస్యలను ఎదుర్కొంటోంది. భారతదేశంతో సహా ప్రపంచంలోని చాలా ప్రాంతాల్లో Instagram యాప్ సరిగ్గా పని చేయడం లేదని యూజర్లు ఫిర్యాదు చేస్తున్నరు. దీనిపై సోషల్ మీడియాలో మీమ్స్ చక్కర్లు కొడుతున్నాయి.
న్యూఢిల్లీ: భారత్ సహా ప్రపంచంలోని చాలా దేశాల్లో ఇన్‌స్టాగ్రామ్ వినియోగంలో సాంకేతిక సమస్య తలెత్తుతోంది. చాలా మంది వినియోగదారులు ఇన్‌స్టాగ్రామ్ డౌన్ అయిందని ఫిర్యాదు చేశారు అలాగే ఇన్‌స్టా యాప్‌ని ఉపయోగించలేకపోతున్నట్లు వాపోతున్నారు. దీంతో యూజర్ల ఆగ్రహావేశాలు వెల్లువెత్తాయి. దీని వెనుక డౌన్ డిటెక్టర్. కం కూడా Instagram డౌన్ అయిందని నివేదించింది. యాప్‌ని ఓపెన్ చేసిన తర్వాత ఫీడ్‌ని రిఫ్రెష్ చేయడం సాధ్యపడలేదని పేర్కొన్నారు. కొన్ని టెక్నికల్ సమస్యలు ఉన్నట్లు చూపుతోందని వినియోగదారులు ఫిర్యాదు చేశారు.
చాలా మంది వినియోగదారులు ట్విట్టర్ ద్వారా సాంకేతిక సమస్యలను ఎదుర్కొంటున్నట్లు Instagram గురించి ఫిర్యాదు చేశారు. వారం రోజుల క్రితం, ఇన్‌స్టాగ్రామ్ అమెరికా ఇంకా లండన్‌లో సాంకేతిక సమస్యను ఎదుర్కొంది. ఇన్‌స్టా యాప్‌ని ఉపయోగించలేకపోవడంతో ఇక్కడి వినియోగదారులు ఇబ్బందులు పడ్డారు.
Latest Videos
undefined
మెటా యాజమాన్యంలోని ఇన్‌స్టాగ్రామ్ ఈ విషయంపై స్పందించలేదు. ఇన్‌స్టాగ్రామ్ శక్తివంతమైన సామాజిక సైట్‌గా అవతరించింది. దీనికి ప్రతి నెలా 2.35 బిలియన్ల యాక్టీవ్ వినియోగదారులు ఉన్నారు. ఈ రోజు ఉదయం భారతదేశంలో ఇన్‌స్టాగ్రామ్ లో టెక్నికల్ సమస్య ఏర్పడింది. యాప్‌ను ఉపయోగించలేకపోతున్నామని భారతీయ వినియోగదారులు కూడా ఫిర్యాదు చేశారు.
ఇటీవల ప్రతి 5 రోజులకు Instagram సమస్యను ఎదుర్కొంటోంది. ఇన్‌స్టాగ్రామ్ లో సమస్య కనిపించడంతో సోషల్ మీడియాలో మీమ్స్ కూడా హల్‌చల్ చేస్తున్నాయి.
మరోవైపు , మెటా యాజమాన్యంలోని Instagram అండ్ Facebook కూడా బ్లూటిక్ సబ్‌స్క్రిప్షన్ ప్లాన్‌లను ప్రారంభించాయి. దీని తర్వాత చాలాసార్లు ఇన్‌స్టాగ్రామ్ సాంకేతిక సమస్యలను ఎదుర్కొంటుందని వినియోగదారులు చెప్పారు. మెటా కంపెనీ ఫేస్‌బుక్ ఇంకా ఇన్‌స్టాగ్రామ్ వినియోగదారుల నుండి డబ్బు వసూలు చేయడం ద్వారా భారతదేశంలో వెరిఫైడ్ (బ్లూటిక్) కూడా ప్రారంభించింది.
అయితే మొబైల్‌లో ఫేస్‌బుక్, ఇన్‌స్టాగ్రామ్ వాడుతున్న వారికి పెయిడ్ వెరిఫికేషన్ సదుపాయం బుధవారం నుండే ప్రారంభమైంది.అయితే ఇప్పటికే ఫేస్‌బుక్, ఇన్‌స్టాగ్రామ్‌లో ఫ్రీ వెరిఫికేషన్ బ్లూటిక్ పొందిన వారికి ఈ సదుపాయం ఉచితంగా కొనసాగుతుంది. ఈ విషయాన్ని స్వయంగా మెటా సీఈవో మార్క్ జుకర్‌బర్గ్ తెలిపారు. అయితే, ఇక నుంచి వెరిఫికేషన్ సదుపాయం పొందుతున్న వారికి రుసుము వసూలు చేయబడుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి