నా చివరి శ్వాస వరకు నీతోనే...సానియా మీర్జా ఎమోషనల్ పోస్ట్
By telugu team | First Published Oct 31, 2019, 1:30 PM ISTతన చివరి శ్వాస వరకు తన కొడుకుతోనే ఉంటానంటూ ఆమె పెట్టిన పోస్టు అభిమానులను ఆకట్టుకుంటోంది. తన ముద్దుల కుమారుడిని ఎత్తుకొని సానియా ఫోటో కూడా షేర్ చేసింది. ఇంతకీ ఆ పోస్టులో సానియా మీర్జా ఏం రాసిందంటే...
టెన్నిస్ స్టార్ సానియా మీర్జా ముద్దుల కుమారుడు ఇజాన్ తొలి పుట్టిన రోజు జరుపుకున్నాడు. కుటుంబసభ్యుల సమక్షంలో ఇజాన్ మొదటి పుట్టిన రోజుని అక్టోబర్ 30వ తేదీన ఘనంగా నిర్వహించారు. ఈ సందర్భంగా సానియా తన కొడుకు గురించి సోషల్ మీడియాలో ఓ పోస్టు పెట్టింది. ఆ పోస్టు మొత్తం చాలా ఎమోషనల్ గా ఉంది.
తన చివరి శ్వాస వరకు తన కొడుకుతోనే ఉంటానంటూ ఆమె పెట్టిన పోస్టు అభిమానులను ఆకట్టుకుంటోంది. తన ముద్దుల కుమారుడిని ఎత్తుకొని సానియా ఫోటో కూడా షేర్ చేసింది. ఇంతకీ ఆ పోస్టులో సానియా మీర్జా ఏం రాసిందంటే...
Latest Videos
undefined
‘‘ సరిగ్గా సంవత్సరం క్రితం నువ్వు ఈ ప్రపంచంలోకి వచ్చావు.అప్పటి నుంచి నువ్వే మా ప్రపంచం అయ్యావు. నువ్వు పుట్టిన రోజే నవ్వావు. ఆ రోజు నుంచి ఆ నవ్వులను మాతో పంచుతూనే ఉన్నావు. నువ్వు ఎక్కడికి వెళితే...అక్కడ ఆ నవ్వులు విరబూస్తున్నాయి. నువ్వు స్వచ్ఛమైన వాడివి. ఐలవ్ యూ. ఈ రోజు నేను నీకు ప్రామిస్ చేస్తున్నాను. నా చివరి శ్వాస వరకు నేనే నీకు తోడుగా ఉంటాను. నువ్వు కోరుకున్న ప్రతిదీ భగవంతుడు నీకు ఇవ్వాలని ఆ దేవుని ప్రార్థిస్తున్నాను. సంతోషంగా, ఆనందంతో నీ జీవితం సాగిపోవాలని కోరుకుంటున్నాను. ఇజాన్ ని మాకు ఇచ్చినందుకు అల్లాకి థ్యాంక్స్’’ అని ఆమె తన కుమారుడిని ఉద్దేశించి పోస్టు చేశారు.
మరో పోస్టులో ఓ వీడియోని విడుదల చేశారు. అందులో సానియా సోదరి ఆనమ్ మీర్జాతో బర్త్ డే బాయ్ ఇజాన్ ఆడుకుంటున్నాడు. ఈ రెండు పోస్టులు సానియా అభిమానులను ఆకట్టుకుంటున్నాయి. నెటిజన్లు కూడా సానియా కుమారుడికి పుట్టిన రోజు శుభాకాంక్షలు తెలియజేస్తున్నారు.
We’ve been looking forward to today for a bit now 😅 #Izzy ☝🏽
A post shared by Sania Mirza (@mirzasaniar) on Oct 30, 2019 at 12:02am PDT
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి