డబ్ల్యూడబ్బ్ల్యూఈ మాజీ ఛాంపియన్ బ్రే వ్యాట్ గుండెపోటుతో మృతి..

డబ్ల్యూడబ్బ్ల్యూఈలో బ్రే వ్యాట్ గా... ది ఫైండ్‌గా రెజ్లింగ్ చేసిన విండ్‌హామ్ రోటుండా గుండెపోటుతో మృతి చెందారు. 

వరల్డ్ రెజ్లింగ్ ఎంటర్‌టైన్‌మెంట్ (WWE) స్టార్ బ్రే వ్యాట్ గురువారం మరణించినట్లు కంపెనీ చీఫ్ కంటెంట్ ఆఫీసర్ పాల్ "ట్రిపుల్ హెచ్" లెవెస్క్ సోషల్ మీడియాలో ప్రకటించారు. అతని వయసు 36 సంవత్సరాలు. వ్యాట్ గుండెపోటుతో మరణించాడు.

పాల్ లెవెస్క్ ఈ విషయాన్ని కొన్ని గంటల క్రితం ఎక్స్ లో పోస్ట్ చేసారు. ఆయన ఏం రాసుకొచ్చారంటే..  "WWE హాల్ ఆఫ్ ఫేమర్ మైక్ రోటుండా నుండి ఇప్పుడే కాల్ వచ్చింది, మా డబ్ల్యూడబ్బ్ల్యూఈ  కుటుంబ సభ్యుడు బ్రే అని కూడా పిలువబడే విండ్‌హామ్ రోటుండా మరణించాడన్నవిషాద వార్తను మాకు తెలియజేశాడు. ఈరోజు ఉదయమే ఊహించని విధంగా వ్యాట్ మరణించాడు. అతనికుటుంబం గురించి మేము ఆలోచిస్తున్నాం. ఈ విషాద సమయంలో వారి ప్రైవసీని గౌరవించాలని కోరుతున్నాము" అన్నారు. 

వ్యాట్ అసలు పేరు విండమ్ రొటిండా.. గత కొన్ని నెలలుగా డబ్ల్యూడబ్బ్ల్యూఈలో అంత యాక్టివ్ గా లేరు. బహిర్గతం చేయలేని ఆరోగ్య సమస్యతో బాధపడుతున్నాడు. 2009 నుండి విండమ్ రొటిండా డబ్ల్యూడబ్బ్ల్యూఈతో ఉన్నాడు, 2021 - 2022లో అతను ఆశ్చర్యకరంగా డబ్ల్యూడబ్బ్ల్యూఈనుంచి రిలీజ్ అయ్యాడు. కేవలం ఒక సంవత్సరం తరువాత రోటుండా గత సెప్టెంబరులో డబ్ల్యూడబ్బ్ల్యూఈకి చాలా ఫ్యాన్‌ఫేర్‌తో, టెలివిజన్ రేటింగ్‌లను పెంచడంలో సహాయపడే రహస్యమైన విగ్నేట్‌లతో సహా ఒక రహస్యమైన కథాంశంతో తిరిగి వచ్చింది.

వ్యాట్ డబ్ల్యూడబ్బ్ల్యూఈలో మూడుసార్లు ప్రపంచ ఛాంపియన్, డబ్ల్యూడబ్బ్ల్యూఈ ఛాంపియన్‌షిప్ ఒకసారి , యూనివర్సల్ ఛాంపియన్‌షిప్ రెండుసార్లు దక్కించుకున్నాడు. ఆగస్ట్ 2018 నుండి ఏప్రిల్ 2019 వరకు కొంత విరామం తీసుకున్నాడు. ఆ తరువాత ది ఫైండ్ అనే కొత్త పాత్రతో తిరిగి వచ్చాడు.

వ్యాట్ ది రెజర్లర్ల కుటుంబం. అతని తండ్రి హాల్ ఆఫ్ ఫేమర్ మైక్ రోటుండా. అతని తాత, బ్లాక్‌జాక్ ముల్లిగాన్, ఒక ప్రొఫెషనల్ రెజ్లర్‌గా తన ముద్ర వేశాడు. సంప్రదాయాన్ని కొనసాగిస్తూ, అతని మేనమామలు, బారీ, కెండల్ విండ్‌హామ్ కూడా రెజ్లింగ్ ప్రపంచంలో కెరీర్‌ను కొనసాగించారని వార్తా కథనాలు చెబుతున్నాయి. రెజ్లింగ్ ప్రపంచంలో వీరి వంశం లోతుగా పాతుకుపోయింది. రొటుండా మూడవ తరం రెజ్లర్.