NEWS
టీం ఇండియా కెప్టెన్ విరాట్ కొహ్లీ, బాలీవుడ్ అందాల తార అనుష్క శర్మ.. ఇటీవలే వివాహ బంధంతో ఒక్కటయ్యారు. పెళ్లి ఇటలీలో చేసుకోగా గురువారం దేశరాజధాని ఢిల్లీలో గ్రాండ్ గా రిసెప్షన్ ఏర్పాటు చేసిన సంగతి తెలిసిందే. ఈ రిసెప్షన్ కి ప్రధాని నరేంద్రమోదీ హాజరై.. నూతన దంపతులకు శుభాకాంక్షలు తెలిపారు.
రిసెప్షన్ కి వచ్చే అతిథులు ఎవరూ.. గిఫ్ట్ లు తేవద్దని విరుష్క జంట మరీ మరీ చెప్పారట. అయినప్పటకీ ప్రధాని మోదీ.. నూతన దంపతులకు గిఫ్ట్ తీసుకువచ్చారు. ఇంతకీ ఆ గిఫ్ట్ ఏంటో తెలుసా..? రోజా పూలు. కాకపోతే.. ఆ పూలకి ఓ ప్రత్యేకత ఉంది. ఆ రెండు పూలను మోదీ విదేశాల నుంచి తెప్పించారట. ఒక్కో పువ్వు ఖరీదు రూ.5లక్షలు. ఆ పువ్వు త్వరగా ఎండిపోదట. అంతేకాకుండా ఏడు రోజుల పాటు దాని నుంచి సువాసనలు వెదజల్లుతాయట. దేశ ప్రధాని హోదాలో ఉన్న వ్యక్తి.. బహుమతి ఇస్తే.. అది సాధారణంగా ఉండదని రుజువైంది. ఆ బహుమతి అందుకున్న విరుష్క జంట ఎంతో సంతోషించింది.