NEWS
పవర్ స్టార్ పవన్ కళ్యాణ్ హీరోగా, త్రివిక్రమ్ శ్రీనివాస్ దర్శకత్వంలో తెరకెక్కుతున్న తాజా చిత్రం అజ్ఞాతవాసి. ఇప్పటికే వీరిద్దరి కాంబినేషన్ లో జల్సా, అత్తారింటికి దారేది చిత్రాలు ప్రేక్షకుల ముందుకు వచ్చి సందడి చేశాయి. ఈ రెండు సినిమాలు బిగ్ హిట్ గా నిలిచిన సంగతి అందరికీ తెలిసిందే. ఈ సినిమాలు ఎంత హిట్టో.. ఆ సినిమాలోని పాటలు కూడా అంతే హిట్టయ్యాయి. మరోసారి బ్లాక్ బస్టర్ కొట్టడానికి సిద్ధమైన పవన్-త్రివిక్రమ్ ల ఈ అజ్ఞాతవాసి సినిమా మ్యూజిక్ ని బుధవారం విడుదల చేశారు. మరి ఈ సినిమా పాటలు జనాలను ఎంత మేర మ్యాజిక్ చేస్తున్నాయో.. ఇప్పుడు చూద్దాం.. ఈ సినిమాలో పవన్ సరసన క్రేజీ హీరోయిన్స్. కీర్తిసురేష్, అను ఎమ్మాన్యుయల్ లు నటిస్తున్నారు.ఈ చిత్రానికి సంగీతం అనిరుధ్ రవిచందర్ అందించారు. తెలుగులో ఓ సినిమాకి సంగీతం అందించడం అనిరుధ్ కి ఇదే తొలిసారి కావడం విశేషం.
1. ధగ ధగమనే..(సాంగ్).. అనిరుధ్..(సింగర్) శ్రీమణి( లిరిక్స్)
‘‘ధగధగమనే తూరుపు దిశ’’.. ఈ సాంగ్ ని మ్యూజిక్ డైరెక్టర్ కమ్ సింగర్ అనిరుధ్ పాడారు. అనిరుధ్ కెరియర్ లో బెస్ట్ సాంగ్ గా నిలిచే అవకాశం ఉంది. ఈ పాటకి అనురుధ్ వాయిస్ మరో ప్లస్. ఒకవైపు రాక్ సాంగ్ విన్న ఫీలింగ్ కలుగుతూనే మరోవైపు క్లాసీగా ఉంది. పవన్ కి పర్ ఫెక్ట్ ఇంట్రో సాంగ్ ఇది.
2.బయటకొచ్చి చూస్తే..(సాంగ్), అనిరుధ్( సింగర్), శ్రీమణి( లిరిక్స్)
‘‘బయటకొచ్చి చూస్తే టైంఏమో’’.. ఈ సాంగ్ ని ఆడియో ఫంక్షన్ కి ముందుగానే విడుదల చేశారు. విడుదల చేసిన కొద్ది సేపటికే వైరల్ గా మారింది. ఈ స్వీట్ మెలడీ సాంగ్.. మ్యూజిక్ లవర్స్ ని ఇప్పటికే కట్టిపడేసింది.
3.స్వాగతం కృష్ణ..(సాంగ్).. నిరంజనా రామన్( సింగర్)
‘‘స్వాగతం కృష్ణ’’.. ఈ సాంగ్ ఒక భక్తిపాట. దీని ఒరిజినల్ కంపోజర్ ఓతుకాడు వెంకటసుబ్బియార్. దీనిని అనిరుధ్ ఈ సినిమా కోసం ఉపయోగించారు. ఈ ట్రెడిషనల్ కర్నాటక పాటన నింరజనా రామన్ చాలా అద్భుతంగా ఆలపించారు. బ్యాక్ గ్రౌండ్ మ్యూజిక్ అనురుధ్ చాలా తెలివిగా అందించారు. అత్తారింటికి దారేదిలో దేవదేవం పాటకి ఎంత గుర్తింపు వచ్చిందో అంతే గుర్తింపు ఈ పాటకి వస్తుందనడంలో సందేహం లేదు.
4.గాలివాలుగా..(సాంగ్), అనిరుధ్( సింగర్), సిరివెన్నెల సీతారామశాస్త్రి( లిరిక్స్)
‘బయటకొచ్చి చూస్తే’ ఈ పాట తర్వాత విడుదలైన మరో పాట ‘గాలి వాలుగా’. ఈ పాట కూడా విడుదలైన కొద్ది సేపటికే మ్యూజిక్ లవర్స్ ని కట్టిపడేసింది. ఈ పాటకి స్పానిష్ టచ్ ఇచ్చినట్లుగా ఉంది. ఈ పాటకి అనిరుధ్ గిటార్, వయోలిన్ ఎక్కువగా వినియోగించారు. అనిరుధ్ పాడిన విధానం కూడా చాలా బాగుంది.
5.ఏబీ ఎవరో నీ బేబీ(సాంగ్), నకష్ అజిజ్, అర్జున్ చాందీ(సింగర్స్), శ్రీమణి(లిరిక్స్)
ఈ పాట కూడా వినడానికి బాగుంది. నకష్ అజిజ్, అర్జున్ చాందీలు ఈ పాట పాడారు. బీట్స్ బాగున్నాయి. ఓవరాల్ గా పర్వాలేదనిపిస్తోంది.