'అవి సంస్కరణ కేంద్రాలు' ..  జైళ్ల సంస్కరణ దిశగా సీఎం యోగి అడుగులు.. 

జైళ్లను 'సుధార్ గ్రహ్'(సంస్కరణ గృహాలు)గా ఏర్పాటు చేయాల్సిన అవసరాన్ని ఉందని యూపీ సీఎం యోగి ఆదిత్యనాథ్ తెలిపారు. రాష్ట్రంలో కొత్త జైలు చట్టం తయారీకి సంబంధించి ఆదేశాలు జారీ చేసినట్లు అధికారిక ప్రకటన వెలువడింది. 

యూపీ ముఖ్యమంత్రి యోగి ఆదిత్యనాథ్ గురువారం జరిగిన ఉన్నత స్థాయి సమావేశంలో జైళ్ల పరిస్థితిని సమీక్షించారు.  జైలు సంస్కరణలకు ముఖ్యమైన మార్గదర్శకాలను అందించారు. జైళ్లను 'సంస్కరణ గృహాలు'గా నెలకొల్పాల్సిన ఆవశ్యకతను తెలియజేస్తూ..  రాష్ట్రంలో కొత్త జైలు చట్టాన్ని రూపొందించాలని ముఖ్యమంత్రి ఆదేశించారు. ప్రస్తుతం జైలులో ఉన్న ఖైదీలకు సంబంధించి జైలు చట్టం 1894, ఖైదీల చట్టం 1900 అమల్లో ఉన్నాయని సీఎం యోగి అన్నారు. ఈ రెండు చట్టాలు స్వాతంత్ర్యానికి పూర్వం నుండి వాడుకలో ఉన్నాయనీ, వీటిలో చాలా నిబంధనలు మారుతున్న పరిస్థితులకు అనుకూలంగా లేవనీ అన్నారు.

జైలు చట్టం 1894 యొక్క ఉద్దేశ్యం నేరస్థులను క్రమశిక్షణతో అదుపులో ఉంచడంపై దృష్టి పెట్టింది. అయితే మనం సంస్కరణ,  పునరావాసంపై దృష్టి పెట్టాలనీ, అటువంటి పరిస్థితిలో భవిష్యత్తును దృష్టిలో ఉంచుకుని, కొత్త చట్టాలను అమలు చేయాలని అధికారులను ఆదేశించారు. మోడల్ ప్రిజన్ యాక్ట్ 2023ని భారత ప్రభుత్వం ఇటీవలే రూపొందించిందని ఆయన గుర్తు చేశారు. ఖైదీల సంస్కరణ,పునరావాసం దృష్ట్యా ఈ మోడల్ చట్టం చాలా ఉపయోగకరంగా ఉందని, ఈ మోడల్ చట్టం ప్రకారం.. రాష్ట్ర అవసరాలను దృష్టిలో ఉంచుకుని రాష్ట్ర కొత్త జైలు చట్టం సిద్ధం చేయాలని తెలిపారు. 

త్వరలో ఓపెన్ జైలు ఏర్పాటు: 

ఇటీవల కొత్త జైలు మాన్యువల్‌కు రాష్ట్ర మంత్రివర్గం ఆమోదం తెలిపింది. జైలు సంస్కరణల్లో ఇదొక కీలక పరిణామం. జైళ్లను మెరుగైన దిద్దుబాటు కేంద్రాలుగా నెలకొల్పేందుకు ప్రయత్నాలు చేయాలనీ,  ఈ క్రమంలో  ఓపెన్ జైళ్ల ఏర్పాటు ఉపయోగకరంగా ఉంటుందని అన్నారు. ప్రస్తుతం లక్నోలో సెమీ ఓపెన్ జైలు నడుస్తోంది. బహిరంగ జైలు ఏర్పాటుకు తగిన ప్రతిపాదిత ప్రతిపాదనను సిద్ధం చేయాలని అధికారులను ఆదేశించారు. 

జైళ్లను 'సంస్కరణ గృహాలు'గా ఏర్పాటు చేయాల్సి ఉంటుందని ముఖ్యమంత్రి అన్నారు. ఇందుకోసం అవసరమైన ప్రతి చర్య తీసుకోవాలి. ఖైదీల భద్రత మదింపు, ఫిర్యాదుల పరిష్కారం, జైలు అభివృద్ధి మండలి, ఖైదీల పట్ల ప్రవర్తనలో మార్పు, మహిళా ఖైదీలు, ట్రాన్స్‌జెండర్లకు ప్రత్యేక వసతి కల్పించడం వంటి ఏర్పాట్లను దృష్టిలో పెట్టుకోవాలని అన్నారు. 

నేరాలకు అలవాటైన వారి ప్రత్యేక బ్యారక్‌లు: దేశానికి, సమాజానికి అలవాటైన నేరస్తులు, ఉగ్రవాదులు వంటి పెద్ద ముప్పుగా పరిణమించే ఖైదీల కోసం హైసెక్యూరిటీ బ్యారక్‌లు సిద్ధం చేయాలి. వారి భద్రత కోసం ఉన్నత ప్రమాణాలను ఖచ్చితంగా పాటించాలి. దీనితో పాటు జైళ్లలో మొబైల్ ఫోన్లు వంటి నిషేధిత వస్తువులను వాడితే కఠిన శిక్ష అనే నిబంధనను అమలు చేయాలని తెలిపారు.

సాంకేతికత వినియోగంపై దృష్టి: జైలు పరిపాలనలో పారదర్శకత తీసుకురావాలనే అంశంపై, సాంకేతికతను గరిష్ట వినియోగం అవసరమని సీఎం అన్నారు. ప్రస్తుతం రాష్ట్రంలోని జైళ్లలో ఖైదీల ప్రవేశం/నిష్క్రమణ ఈ-జైలు ద్వారా జరుగుతోంది. ఖైదీల ఇన్ఫర్మేషన్ మేనేజ్‌మెంట్ సిస్టమ్, విజిటర్ మేనేజ్‌మెంట్ సిస్టమ్, ఈ-కస్టడీ సర్టిఫికెట్, పోలీస్ ఇంటెలిజెన్స్ సిస్టమ్‌ను అమలు చేస్తారు. రాష్ట్రంలోని జైళ్లలో 4200 కంటే ఎక్కువ సీసీటీవీ కెమెరాలు ఏర్పాటు చేయబడ్డాయి, వీటిని ప్రధాన కార్యాలయంలో ఏర్పాటు చేసిన వీడియోవాల్‌ల ద్వారా నిరంతరం పర్యవేక్షిస్తారు, వీటిపై హెచ్చరికలు కూడా అందుతాయి. దీనికి మంచి ఫలితాలు కూడా వస్తున్నాయి.

ఇది మాత్రమే కాదు.. వీడియోవాల్‌తో డ్రోన్ కెమెరాలను అనుసంధానం చేసి పర్యవేక్షించాలని ముఖ్యమంత్రి చెప్పారు. కోర్టులతో వీడియో కాన్ఫరెన్స్‌ ఏర్పాటు, జైళ్లలో శాస్త్రోక్త, సాంకేతిక జోక్యం తదితరాలను కూడా అమలు చేయాలని తెలిపారు. కొత్త చట్టాన్ని సిద్ధం చేసేటప్పుడు ఇది గుర్తుంచుకోవాలని తెలిపారు. జైలులో సత్ప్రవర్తనను ప్రోత్సహించేందుకు ఖైదీలు న్యాయ సహాయం, పెరోల్, ఫర్లో, ముందస్తు విడుదల వంటి ప్రయోజనాలను పొందాలన్నారు. కొత్త చట్టంలో దీనికి సంబంధించి స్పష్టమైన నిబంధనలు రూపొందించాలని ఆదేశించారు.