Rahul Gandhi-ED: నేషనల్ హెరాల్డ్ కేసుకు సంబంధించి రాహుల్ గాంధీని రెండో రోజు ఈడీ విచారిస్తోంది. ఈ క్రమంలోనే భారతీయ జనతా పార్టీపై కాంగ్రెస్ సీనియర్ నాయ‌కుడు, మాజీ కేంద్ర మంత్రి పీ.చిదంబరం ఫైర్ అయ్యారు.
Senior Congress leader P Chidambaram: నేషనల్ హెరాల్డ్ కేసులో కాంగ్రెస్ నాయ‌కుడు రాహుల్ గాంధీని ఎన్‌ఫోర్స్‌మెంట్ డైరెక్టరేట్ ప్రశ్నించడంపై కాంగ్రెస్ సీనియర్ నేత పి చిదంబరం మంగళవారం నాడు భారతీయ జనతా పార్టీ (బీజేపీ) పై వరుస ట్వీట్లలో విమ‌ర్శ‌లు గుప్పించారు."BJP అధికార ప్రతినిధులు దయచేసి ఈ క్రింది ప్రశ్నలకు సమాధానమిస్తారా? PMLA కింద ED దర్యాప్తు ప్రారంభించిన 'షెడ్యూల్డ్ నేరం' ఏది? షెడ్యూల్ చేసిన నేరానికి సంబంధించి FIR నమోదు చేసిన పోలీసు ఏజెన్సీ ఏది? FIR ఎక్కడ ఉంది? ? దయచేసి ఎఫ్‌ఐఆర్ కాపీని మాకు చూపిస్తారా?" అని కేంద్ర మాజీ మంత్రి ట్వీట్ చేశారు.
Will the learned spokespersons of the BJP please answer the following questions:
1. Which is the 'scheduled offence' under PMLA that has triggered an investigation by ED?
2. Which police agency has registered an FIR in respect of the scheduled offence?
"షెడ్యూల్ చేసిన నేరం మరియు ఎఫ్‌ఐఆర్‌కు హాజరుకాకపోవడం, PMLA కింద దర్యాప్తు ప్రారంభించే అధికారం EDకి లేదని మీకు తెలుసా? అంటూ చిదంబరం ప్రశ్నించారు. రాహుల్ గాంధీని ఈడీ వరుసగా రెండో రోజు ప్రశ్నిస్తున్న నేపథ్యంలో చిదంబరం బీజేపీపై దాడులు చేయడం గమనార్హం. కాగా, సోమవారం నాడు రాహుల్ గాంధీని పది గంటలకు పైగా కేంద్ర ఏజెన్సీ కార్యాలయంలో ఉన్నారు. అక్కడ అతన్ని పలు సెషన్‌లలో ఈడీ అధికారులు ప్రశ్నించారు. మనీలాండరింగ్ నిరోధక చట్టం (పిఎమ్‌ఎల్‌ఎ) కింద ఆయన స్టేట్‌మెంట్ ను రికార్డు చేశారు. గాంధీ విచారణ సోమవారం పూర్తి కాకపోవడంతో మంగళవారం మరోసారి ఆయనకు సమన్లు జారీ చేసినట్లు అధికారులు తెలిపారు.
ఇదిలావుండగా, కాంగ్రెస్ మాజీ చీఫ్ కు ఈడీ సమన్లు పంపడాన్ని నిరసిస్తూ కాంగ్రెస్ వీధుల్లోకి వచ్చింది. ప్ర‌భుత్వంపై విమ‌ర్శ‌లు గుప్పిస్తూ విమ‌ర్శ‌లు గుప్పిస్తున్నారు. కెసి వేణుగోపాల్, అధిర్ రంజన్ చౌదరి, గౌరవ్ గొగోయ్, దీపేందర్ సింగ్ హుడా, రంజీత్ రంజన్, ఇమ్రాన్ ప్రతాప్‌గర్హి మరియు ఇతరులతో సహా పలువురు కాంగ్రెస్ నేతలను ఢిల్లీ పోలీసులు అదుపులోకి తీసుకున్నారు. ఇదిలావుండగా,
నేషనల్ హెరాల్డ్ కేసులో కాంగ్రెస్ నేత రాహుల్ గాంధీ మంగళవారం రెండో రోజు ఎన్‌ఫోర్స్‌మెంట్ డైరెక్టరేట్ ఎదుట విచారణకు హాజరయ్యారు. సోమవారం రాహుల్ గాంధీని పదిగంటల పాటు విచారించిన ఈడీ అధికారులు.. మంగళవారం మళ్లీ విచారణకు రావాల్సిందిగా పేర్కింది. ఈ క్రమంలోనే ఆయన నేడు విచారణకు హాజరయ్యారు. అంతకుముందు నిన్నటి మాదిరిగానే రాహుల్ గాంధీ, తన సోదరి ప్రియాంక గాంధీతో కలిసి.. ఏఐసీసీ కార్యాలయానికి చేరుకున్నారు. అక్కడి నుంచి ఈడీ కార్యాలయానికి బయలుదేరి వెళ్లారు. రాహుల్‌తో పాటు ప్రియాంక గాంధీ కూడా ఈడీ కార్యాలయానికి చేరుకున్నారు. ప్రభుత్వానికి వ్యతిరేకంగా సోమవారం తరహాలోనే ఈరోజు కూడా పార్టీ నాయకులు, కార్యకర్తలు పెద్ద ఎత్తున ఆందోళనకు దిగారు.