చార్‌ధామ్ యాత్ర: ఇప్పటివరకు 2.50 లక్షల మందికి పైగా భక్తుల నమోదు

Dehradun: ఉత్తరాఖండ్ లోని చార్ ధామ్ యాత్ర భారతదేశంలో అత్యంత ప్రాచుర్యం పొందిన హిందూ తీర్థయాత్రలలో ఒకటి. హిమాలయాల్లో ఉన్న బద్రీనాథ్, కేదార్ నాథ్, గంగోత్రి, యమునోత్రి అనే నాలుగు పుణ్యక్షేత్రాల సందర్శనే ఈ చార్‌ధామ్ యాత్ర.  

Chardham Yatra: చార్‌ధామ్ యాత్ర కోసం ఇప్పటివరకు 2.50 లక్షల మంది భక్తులు రిజిస్టర్ చేసుకున్నారని ఉత్తరాఖండ్ టూరిజం డెవలప్‌మెంట్ కౌన్సిల్ (యూటీడీసీ) సోమవారం తెలిపింది. కేదార్ నాథ్ ధామ్ కు 1.39 లక్షల రిజిస్ట్రేషన్లు జరిగాయి. బద్రీనాథ్ ధామ్ సందర్శనకు 1.14 లక్షల రిజిస్ట్రేషన్లు జరిగాయని యూటీడీసీ తెలిపింది.

గంగోత్రి-యమనోత్రి తలుపులు ఏప్రిల్ 22న యాత్రికులకు తెరుచుకోనున్నాయి. కేదార్ నాథ్ ఏప్రిల్ 25న, బద్రీనాథ్ ధామ్ ఏప్రిల్ 27న తెరుచుకోనున్నాయి. చార్‌ధామ్ యాత్రకు రుద్రప్రయాగ్ జిల్లా యంత్రాంగం సన్నాహాలు ప్రారంభించిందని అధికారులు శనివారం తెలిపారు. జిల్లా యంత్రాంగం కేదార్ నాథ్ ధామ్, కేదార్ నాథ్ పాదచారుల మార్గాల్లో మంచును తొలగించడం ప్రారంభించిందని అధికారులు వెల్ల‌డించారు.  చార్‌ధామ్ యాత్ర సందర్భంగా దర్శనం కోసం టోకెన్లు జారీ చేస్తామని యూటీడీసీ గతంలో తెలిపింది.

ఉత్తరాఖండ్ లోని చార్ ధామ్ యాత్ర భారతదేశంలో అత్యంత ప్రాచుర్యం పొందిన హిందూ తీర్థయాత్రలలో ఒకటి. హిమాలయాల్లో ఉన్న బద్రీనాథ్, కేదార్ నాథ్, గంగోత్రి, యమునోత్రి అనే నాలుగు పుణ్యక్షేత్రాల సందర్శనే ఈ చార్‌ధామ్ యాత్ర. ఎత్తైన పుణ్యక్షేత్రాలు ప్రతి సంవత్సరం సుమారు ఆరు నెలలు మూసివేయబడతాయి, వేసవిలో (ఏప్రిల్ లేదా మే) తెరుచుకుంటాయి. శీతాకాలం (అక్టోబర్ లేదా నవంబర్) ప్రారంభంతో ఈ ఆల‌యాలు మూసివేయబడతాయి.

ఇదిలావుండ‌గా, ఈసారి చార్ ధామ్ యాత్ర సందర్భంగా బద్రీనాథ్ నగర పంచాయతీ బద్రీనాథ్  ధామ్ యాత్రికులను తీసుకెళ్లే హెలికాప్టర్ ఆపరేటర్ల నుంచి ఎకో టూరిస్ట్ ఫీజును వసూలు చేయ‌నున్న‌ట్టు తెలిపింది. ఒక్కో విమానానికి రూ.1,000 ఫీజుగా నిర్ణయించారు. దేవ్ దర్శని వద్ద ఉన్న బారియర్ వద్ద ధామ్ కు యాత్రికులు, పర్యాటకులను తీసుకెళ్లే వాహనాల నుంచి వసూలు చేసిన ఎకో టూరిస్ట్ ఫీజును ఈ యాత్ర సీజన్ నుంచి కాప్టర్ కంపెనీల నుంచి వసూలు చేయనున్నట్లు సంబంధిత వర్గాలు తెలిపాయి. నగర పంచాయతీ కూడా ఫీజుల సవరణకు చర్యలు ప్రారంభించింది.