ఉమేష్ పాల్ హత్య కేసులో నిందితుడైన గ్యాంగ్‌స్టర్ అతిక్ అహ్మద్ తరపు లాయర్ అరెస్ట్

Prayagraj: ఉమేష్ పాల్ హత్య కేసులో వాంటెడ్ గా ఉన్న గ్యాంగ్ స్టర్- పొలిటీషియన్ అతిక్ అహ్మద్ లాయర్ విజయ్ మిశ్రాను పోలీసులు అరెస్టు చేశారు. మిశ్రాను ధూమన్ గంజ్ పోలీస్ స్టేషన్ అధికారులు ఆదివారం అరెస్టు చేశారని డిప్యూటీ పోలీస్ కమిషనర్ (సిటీ) దీపక్ భూకర్ తెలిపారు. క్రిమినల్ లా (సవరణ) చట్టం, షెడ్యూల్డ్ కులాలు అండ్ షెడ్యూల్డ్ తెగల (అత్యాచారాల నిరోధక) చట్టం, పేలుడు పదార్థాల చట్టం స‌హా భారతీయ శిక్షాస్మృతిలోని ప‌లు కేసులు అతనిపై పెండింగ్ లో ఉన్నాయ‌ని తెలిపారు. 

మిశ్రాను లక్నోలోని ఓ హోటల్ బయట అరెస్టు చేశామనీ, చట్టపరమైన చర్యలు తీసుకుంటున్నామని పోలీసు వర్గాలు తెలిపాయి. 2005లో బీఎస్పీ ఎమ్మెల్యే రాజు పాల్ హత్య కేసులో ప్రధాన సాక్షిగా ఉన్న ఉమేష్ పాల్, అతని ఇద్దరు సెక్యూరిటీ గార్డులను ఫిబ్రవరి 24న కాల్చి చంపారు. ఈ కేసులో ప్రధాన నిందితుడైన అహ్మద్, అతని సోదరుడు అష్రఫ్ ఏప్రిల్ లో ఇక్కడి మెడికల్ కాలేజీ సమీపంలో దుండగులు జరిపిన కాల్పుల్లో మరణించారు. ఉమేష్ పాల్ హత్య కేసులో మరో వాంటెడ్ నిందితురాలు అహ్మద్ భార్య షైస్తా పర్వీన్ పరారీలో ఉంది.

దోపిడీ కేసులో కూడా మిశ్రాను విచారించారు. మే 21న ప్రయాగ్ రాజ్ జిల్లాలో ఓ ప్లైవుడ్ వ్యాపారి నుంచి రూ.3 కోట్లు డిమాండ్ చేశారనే ఆరోపణలపై ఆయనపై కేసు నమోదైంది. ప్రయాగ్ రాజ్ లోని అత్తర్సుయా పోలీస్ స్టేషన్ లో ఇచ్చిన ఫిర్యాదులో, దరియాబాద్ కు చెందిన వ్యాపారి, ముతిగంజ్ ప్రాంతంలో దుకాణం కలిగి ఉన్న సయ్యద్ అహ్మద్ మిశ్రా తన నుండి రూ .1.20 లక్షల విలువైన వస్తువులను అప్పుగా కొనుగోలు చేశాడనీ, కానీ తన బకాయిలను చెల్లించడానికి నిరాకరించాడని ఆరోపించారు.

ఏప్రిల్ 20న మిశ్రా సయీద్ కు ఫోన్ చేసి అతిక్, అతని అనుచరుల పేరిట రూ.3 కోట్లు డిమాండ్ చేశాడని ఫిర్యాదులో పేర్కొన్నారు. ఇదిలావుండగా, మిశ్రా తనపై వచ్చిన ఆరోపణలను ఖండించారు. త‌న ప్రతిష్టను దెబ్బతీసే కుట్రలో భాగంగా ఎఫ్ఐఆర్ తనపై పూర్తిగా తప్పుడు ఆరోపణలు చేస్తుందని పేర్కొన్నారు.