ట్రక్కు, ఆర్టీసీ బస్సు ఢీ.. ఆరుగురు మృతి, 10 మందికి గాయాలు.. ఎక్కడంటే ?

ఆర్టీసీ బస్సు, ట్రక్కు ఢీకొన్న ఘటనలో ఆరుగురు మరణించారు. చనిపోయిన వారిలో ఇద్దరు రెండు వాహనాల డ్రైవర్లు ఉన్నారు. ఈ ప్రమాదం ముంబై-నాగ్ పూర్ హైవేపై సింద్ ఖేడ్ రాజా పట్టణం సమీపంలో జరిగింది.

మహారాష్ట్రలోని బుల్ధానా జిల్లాలో మంగళవారం ఉదయం ఘోర రోడ్డు ప్రమాదం జరిగింది. మహారాష్ట్ర ఆర్టీసీ బస్సు ఓ కంటైనర్ ట్రక్కు ఢీకొన్నాయి. ఈ ఘటనలో ఆరుగురు మరణించారు. 10 మందికి గాయాలు అయ్యాయి. రాష్ట్ర రాజధాని ముంబైకి 450 కిలోమీటర్ల దూరంలో ఉన్న జిల్లాలోని పాత ముంబై-నాగ్ పూర్ హైవేపై సింద్ ఖేడ్ రాజా పట్టణం సమీపంలో ఈ ప్రమాదం జరిగింది.

మహారాష్ట్ర రాష్ట్ర రోడ్డు రవాణా సంస్థ (ఎంఎస్ఆర్టీసీ)కి చెందిన బస్సు పూణే నుంచి మెహ్కర్ (బుల్ధానా) వైపు వెళ్తుండగా ట్రక్కును ఢీకొట్టింది. ఈ ఘటనలో ఆరుగురు మృతి అక్కడే మరణించారు. మృతుల్లో నలుగురు బస్సులో ప్రయాణిస్తున్న వారు కాగా.. మిగిలిన ఇద్దరు రెండు వాహనాల బస్సు డ్రైవర్లు ఉన్నట్టు అధికారులు తెలిపారు. ఈ ప్రమాదంలో గాయపడిన 10 మందిని సింద్ ఖేడ్ రాజాలోని ఆసుపత్రికి తరలించారు. ప్రస్తుతం వారంతా అక్కడ చికిత్స పొందుతున్నారు.

ఇదే రాష్ట్రంలోని అమరావతి జిల్లాలో ఓ ట్రక్కు వేగంగా ఎస్‌యూవీని ఢీకొనడంతో ఐదుగురు మరణించారు. మరో ఏడుగురికి గాయాలు అయ్యాయి. రాష్ట్ర రాజధాని ముంబైకి దాదాపు 650 కిలోమీటర్ల దూరంలో ఉన్న అమరావతిలోని ఖల్లార్ పోలీస్ స్టేషన్ పరిధిలోని దర్యాపూర్-అంజంగావ్ రోడ్డులో సోమవారం రాత్రి 11 గంటల సమయంలో ఈ ప్రమాదం జరిగింది.

బాధితుల్లో ఎక్కువ మంది ఒకే కుటుంబానికి చెందిన వారే ఉన్నారు. వీరంతా ఓ కుటుంబ కార్యక్రమంలో పాల్గొని దర్యాపూర్‌కు తిరిగి వస్తున్నారు.ర క్షతగాత్రులను దర్యాపూర్‌లోని ఆసుపత్రికి తరలించామని, అక్కడ వారంతా చికిత్స పొందుతున్నారని అధికారులు తెలిపారు.