మోడీపై వివాదాస్పద వ్యాఖ్యలు: రాహుల్ కు ఈ నెల 13 వరకు బెయిల్ పొడిగింపు

కాంగ్రెస్ పార్టీ అగ్రనేత  రాహుల్ గాంధీకి  సూరత్ సెషన్స్ కోర్టు  బెయిల్ ను పొడిగించింది. 

సూరత్: కాంగ్రెస్ పార్టీ అగ్రనేత  రాహుల్ గాంధీకి  ఈ నెల  13వ తేదీ వరకు  సూరత్  కోర్టు  బెయిల్ ను పొడిగించింది. 2019 ఎన్నికల సమయంలో  కర్ణాటకలో  జరిగిన   ఓ సభలో  రాహుల్ గాంధీ  వివాదాస్పద వ్యాఖ్యలు  చేశారు.  దొగలందరి ఇంటి  పేరు   మోడీ ఎలా ఉంటుందని ఆయన  ప్రశ్నించారు. ఈ విషయమై గుజరాత్ మాజీ మంత్రి , బీజేపీ ఎమ్మెల్యే పూర్ణేష్ మోడీ  పోలీసులకు  ఫిర్యాదు  చేశాడు.ఈ ఫిర్యాదుపై పోలీసులు కేసు నమోదు  చేశారు. ఈ కేసులో ఈ నెల 23న  రాహుల్ గాంధీకి  సూరత్ కోర్టు రెండేళ్ల జైలు శిక్ష విధించింది. అయితే  ఈ కేసులో  రాహుల్ గాంధీ  కోర్టును  బెయిల్  కోరారు . ఈ తీర్పు  ఇచ్చిన వెంటనే రాహుల్ గాంధీకి కోర్టు  బెయిల్ కూడా ఇచ్చింది.  రాహుల్ గాంధీకి  బెయిల్  ను  సూరత్ కోర్టు  ఇవాళ  పొడిగించింది.  ఈ నెల  14వ తేదీ వరకు  బెయిల్ ను పొడిగిస్తున్నట్టు సూరత్  కోర్టు  సోమవారంనాడు  ఆదేశాలు  జారీ చేసింది. 

పరువు నష్టం కేసులో తీర్పుపై స్టే  కోరుతూ  రాహుల్ పిటిషన్

పరువు నష్టం కేసులో  సూరత్ కోర్టు తీర్పుపై స్టే కోరుతూ రాహుల్ గాంధీ  సోమవారంనాడు సెషన్స్ కోర్టులో  అప్పీల్ చేశారు. ఈ పిటిషన్ పై   విచారణను  కోర్టు ఈ నెల  13వ తేదీకి వాయిదా వేసింది.ఈ  పిటిషన్వి పై చారణ  కోసం  రాహుల్ గాంధీ  ఇవాళ  సూరత్ కు  వచ్చారు. రాహుల్ గాంధీతో పాటు  ఆయన   సోదరి ప్రియాంక గాంధీ  కూడా  ఉన్నారు. 

పరువు నష్టం  కేసులో  సూరత్ కోర్టు  రెండేళ్ల జైలు శిక్ష విధించడంతో  రాహుల్ గాంధీపై అనర్హత వేటు పడింది.  ఈ నెల  24న  రాహుల్ గాంధీ  ఎంపీ  పదవికి  అనర్హత పొందారని  లోక్ సభ సెక్రటేరియట్  నోటిఫికేషన్ జారీ చేసింది. రాహుల్ గాంధీపై  అనర్హత  వేటు  వేయడంపై  కాంగ్రెస్ సహా విపక్షాలు తప్పుబడుతున్నాయి.