భార్యను, మేనల్లుడును కాల్చి చంపి.. తానూ ఆత్మహత్య చేసుకున్న సీనియర్ పోలీసు అధికారి...

పూణెలో ఓ పోలీసు అధికారి తన భార్య, మేనల్లుడిని తుపాకీతో కాల్చి చంపాడు. ఆ తరువాత అతనూ కాల్చుకుని ఆత్మహత్య చేసుకున్నాడు.   

పూణె : మహారాష్ట్రలోని పూణెలో విషాద ఘటన వెలుగుచూసింది. నగరంలోని ఓ 57 ఏళ్ల అసిస్టెంట్ కమీషనర్ ఆఫ్ పోలీస్ (ఏసీపీ) సోమవారం తన భార్యను, మేనల్లుడిని తుపాకీతో కాల్చి చంపి.. ఆ తరువాత తానూ ఆత్మహత్య చేసుకున్నాడని ఒక అధికారి తెలిపారు.

బానర్ ప్రాంతంలోని ఏసీపీ భరత్ గైక్వాడ్ బంగ్లా వద్ద తెల్లవారుజామున 3.30 గంటల ప్రాంతంలో ఈ ఘటన జరిగింది. ఈ ఘటనకు గల కారణాలు ఇంకా తెలియరాలేదని చతుర్‌శృంగి పోలీస్ స్టేషన్ అధికారి తెలిపారు. గైక్వాడ్‌ అమరావతి ఏసీపీగా విధులు పూర్తి చేసుకుని ఇంటికి వచ్చారని..  ఆ తరువాత ఈ ఘటన జరిగిందని పోలీసులు తెలిపారు.

"సోమవారం తెల్లవారుజామున 3.30 గంటల సమయంలో, ఏసీపీ మొదట తన భార్య తలపై కాల్పులు జరిపాడు. తుపాకీ కాల్పులు విన్న అతని కొడుకు, మేనల్లుడు పరుగున వచ్చి తలుపు తెరిచారు. వారు తలుపు తెరిచారు. ఆ క్షణంలో, అతను తన మేనల్లుడిపై కాల్పులు జరిపాడు. ఆ బుల్లెట్లు అతని ఛాతీకి తగిలాయి’ అని అధికారి తెలిపారు. 

"ఆ తర్వాత గైక్వాడ్ తన తలపై కాల్చుకున్నాడు. ఈ ఘటనలో తుపాకీ దెబ్బ తిన్న వ్యక్తులు, కాల్చుకున్న వ్యక్తి ముగ్గురు అక్కడికక్కడే మరణించారు" అని అతను చెప్పాడు. మృతుల్లో ఇద్దరిని పోలీసు అధికారి భార్య మోని గైక్వాడ్ (44), మేనల్లుడు దీపక్ (35)గా గుర్తించారు. ఘటనపై విచారణ కొనసాగుతోందని పోలీసులు తెలిపారు.