చిన్నతనంలో మొసలిని ఇంటికి తెచ్చిన మోదీ.. ఒకటో తరగతి పాఠ్యాంశంగా ప్రధాని సాహసం..

తమిళనాడులోని ఓ ప్రైవేటు పాఠశాల యాజమాన్యం ప్రధాని నరేంద్ర మోదీ చిన్నతనంలో చేసిన ఓ సాహసాన్ని ఒకటో తరగతి పిల్లల పాఠ్యాంశంగా చేర్చింది. 

తమిళనాడు : ప్రధానమంత్రి Narendra Modi చిన్నతనంలో చేసిన ఓ సాహసాన్ని పాఠ్యాంశంగా ప్రవేశపెట్టారు. Tamilnadu రాష్ట్రంలోని ఓ ప్రైవేటు పాఠశాల యాజమాన్యం ఒకటో తరగతి విద్యార్థులకు దీనిని పాఠంగా పొందుపరిచింది.  2019లో ఓ టీవీ కార్యక్రమంలో మాట్లాడిన  మోడీ…‘నేను కొలనులో స్నానం చేస్తుండగా ఓ మొసలి పిల్లని చూసి దానిని ఇంటికి తీసుకు వచ్చాను.  దానిని చూసి మా అమ్మ తిట్టడం వల్ల తిరిగి ఆ కొలపేలోనే వదిలిపెట్టి వచ్చాను’  అని చెప్పారు.

ఈ సంగతి ఉదాహరణగా చూపించిన యాజమాన్యం.. నరేంద్ర మోడీ భారతదేశానికి 14 వ ప్రస్తుత ప్రధానమంత్రి. ఆయన చిన్నతనం నుంచి ధైర్యసాహసాలను ప్రదర్శించేవారు. బాల్యంలోనే ఓ ముసలి పిల్లను ఇంటికి పట్టుకు వచ్చారు’’ అని పుస్తకంలో ప్రచురించారు.  ప్రధానమంత్రి యావత్ దేశానికి పర్యవేక్షకుడు అని ముద్రించింది.అయితే, ప్రధానమంత్రి చిన్నతనంలోని సాహసాలను గురించి ప్రస్తావించడం, ఆయన ఆ వయసులో సాహనాలు ప్రదర్శించడం ఇదే మొదటిఘటన కాదు. 

గతంలో రన్నడే ప్రకాశన్ ‘బాల్ నరేంద్ర -  చైల్డ్  స్టోరీస్ ఆఫ్ నరేంద్ర  మోడీ’ పేరుతో ఓ పుస్తకాన్ని ప్రచురించారు. ఇందులో మోడీ బాల్యంలో చేసిన అనేక సాహసోపేత విషయాలను వెల్లడించారు. ఈ కథల్లో ఒకటి పాఠకులను విస్మయానికి గురి చేసింది… ‘మోదీ 8వ తరగతిలో ఉన్నప్పుడు కొలనులో స్నానం చేస్తుండగా ఓ మొసలి  దాడి చేసింది. ఆ ప్రమాదంలో మోదీ కాలికి గాయం కాగా.. తొమ్మిది కుట్లు కూడా పడ్డాయి’  అన్నది ఆ కథ సారాంశం. 

ఇదిలా ఉండగా, అగ్నిపథ్ పై దేశవ్యాప్త నిరసనల మధ్య, ప్రధాని నరేంద్ర మోడీ చేసిన ఓ ప్రకటన ఇప్పుడు చర్చనీయాంశంగా మారుతోంది. ‘మంచి ఉద్దేశ్యంతో తీసుకువచ్చిన అనేక మంచి విషయాలు రాజకీయాల్లో చిక్కుకోవడం దేశ "దురదృష్టం"’ అని ఆయన అన్నారు. అయితే ఈ వ్యాఖ్యల్లో ఎక్కడా ప్రత్యక్షంగా అగ్నిపథ్ నిరసనల గురించి అనేలా ప్రధాని నరేంద్ర మోదీ ప్రస్తావించలేదు. అయితే,  రాజకీయ పార్టీలు అగ్నిపథ్ పథకాన్ని వ్యతిరేకిస్తున్న సమయంలో ఈ వ్యాఖ్యలు చేయడంతో దీనికోసమే ఈ వ్యాఖ్యలు చేశారనే ఊహాగానాలు చెలరేగాయి. 

సోమవారం ఉదయం ప్రధాని నరేంద్రమోదీ ప్రగతి మైదాన్ ఇంటిగ్రేటెడ్ ట్రాన్సిట్ కారిడార్‌లోని ప్రధాన సొరంగం, ఐదు అండర్‌పాస్‌లను ప్రారంభించిన సందర్భంగా ప్రధాని ఈ వ్యాఖ్యలు చేశారు. తూర్పు, పశ్చిమ పెరిఫెరల్ ఎక్స్‌ప్రెస్‌వేలు, ఢిల్లీ-ఎన్‌సిఆర్‌లో మెట్రో ట్రాక్‌లను రెట్టింపు చేయడం, ఈ ప్రాంత సమస్యలను పరిష్కరించడానికి తన ప్రభుత్వం తీసుకున్న చర్యలు, ఇతర ప్రాజెక్టులలో ఢిల్లీ-మీరట్ హైవే వంటి అనేక కార్యక్రమాలను మోదీ ఉదహరించారు. 

‘సదుద్దేశంతో తీసుకొచ్చిన ఎన్నో మంచి విషయాలు రాజకీయ రంగు పులుముకోవడం మన దేశ దౌర్భాగ్యం.. మీడియా కూడా టీఆర్‌పీ కోసం ఈ రాజకీయాల్లోకి లాగబడుతోంది’ అన్నారు. ఇక సెంట్రల్‌ విస్టా ప్రాజెక్ట్‌, కొత్త పార్లమెంట్‌ భవన నిర్మాణంపై మాట్లాడుతూ వీటి పనులు శరవేగంగా జరుగుతున్నాయని మోదీ అన్నారు. రాబోయే రోజుల్లో భారత రాజధాని గురించి మాట్లాడుకుంటామని, ప్రతి భారతీయుడు గర్వపడేలా ఉంటుందని అన్నారు.