Nagaland: ప్ర‌తిప‌క్ష‌మే లేని అసెంబ్లీ.. ఏ రాష్ట్రంలో ఉందో తెలుసా!

Nagaland Assembly: దేశంలో ప్రతిపక్షాలు లేని అసెంబ్లీగా నాగాలాండ్‌ నిలిచింది. నాగా పీపుల్స్‌ ఫ్రంట్‌ (ఎన్‌పిఎఫ్‌) శాసనసభ్యుడు వైఎం యెల్లో కొన్యాక్‌ బుధవారం కేబినేట్‌ మంత్రిగా ప్రమాణ స్వీకారం చేయడంతో అక్కడి ప్రభుత్వం.. అఖిల పక్ష ప్రభుత్వంగా మారింది.   

Nagaland Assembly: దేశంలో ప్రతిపక్షం లేని ఏకైక అసెంబ్లీగా నాగాలాండ్ అసెంబ్లీ నిలిచింది.  నాగా పీపుల్స్ ఫ్రంట్ (NPF) శాసనసభ్యుడు YM యోలో కొన్యాక్ బుధవారం క్యాబినెట్ మంత్రిగా ప్రమాణ స్వీకారం చేసిన తర్వాత ప్రభుత్వం ఆల్-పార్టీ ప్రభుత్వంగా మారింది. ఈ ప్రమాణ స్వీకారానికి ముఖ్యమంత్రి నీఫియు రియో, ఆయన మంత్రివర్గ సహచరులు, యునైటెడ్ డెమోక్రటిక్ అలయన్స్ (UDA) చైర్మన్ T.R. జెలియాంగ్ హాజరయ్యారు. ఈ పరిణామం తర్వాత 

నాగాలాండ్‌లోని అన్ని అధికార,ప్రతిపక్ష పార్టీలు కలిసి భారతదేశంలో మొదటి ప్రతిపక్షం లేని, అఖిలపక్ష కూటమి ప్రభుత్వాన్ని ఏర్పాటు చేశారు. ఇందు కోసం.. కేంద్రం, నాగా సంస్థలు మరియు అనేక ఇతర సమూహాల మధ్య నాగా రాజకీయ సమస్యను ముందుకు తీసుకెళ్లడానికి ముందుకు వచ్చాయి. అన్ని పార్టీ క‌ల‌యిక‌తో ఇది సాధ్యమైంది. 

రాష్ట్రంలోని ప్రధాన ప్రతిపక్ష పార్టీ -నాగా పీపుల్స్ ఫ్రంట్ (NPF) 25 మంది ఎమ్మెల్యేలతో అతిపెద్ద పార్టీగా అవతరించింది. ఒకే పరిష్కారం-ఒకే ఒప్పందం' కింద నాగా రాజకీయ సమస్య పరిష్కారం కోసం గత ఏడాది జూలైలో  రియో ​​నేతృత్వంలోని పీపుల్స్ డెమోక్రటిక్ అలయన్స్ (PDA) ప్రభుత్వంలో చేరాలని నిర్ణయించుకుంది.

గత ఏడాది ఐదు అంశాల తీర్మానంలో పాల్గొన్న రాజకీయ పార్టీలు, వీలైనంత త్వరగా రాజకీయ పరిష్కారాన్ని కనుగొనడానికి సానుకూల దృక్పథంతో నాగా శాంతి చర్చలను ప్రోత్సహించడమే లక్ష్యంగా పెట్టుకున్నాయి. దీని నిమిత్తం అందరం ఏకతాటిపై రావాలని నాగా రాజకీయ సమూహాలకు పిలుపునిచ్చాయి.  పరిష్కారం సాధించడానికి కలిసి నిలబడాలని నిర్ణయించుకున్నారు. ఐక్యత, సయోధ్య కోసం ప్రయత్నాలు చేయాలని అన్ని నాగా రాజకీయ సమూహాలకు విజ్ఞప్తి చేశాయి. వీలైనంగా త్వరగా రాజకీయ పరిష్కారాన్ని కనుగొనడానికి సానుకూల దృక్పథంతో నాగా శాంతి చర్చలను ప్రోత్సహించడమే లక్ష్యంగా పెట్టుకున్నాయి.

ఈశాన్య రాష్ట్రంలో అఖిలపక్ష ప్రభుత్వం ఏర్పాటు చేయడం ఇది రెండోసారి. 2015లో ప్రతిపక్ష కాంగ్రెస్‌కు చెందిన ఎనిమిది మంది ఎమ్మెల్యేలు అప్పటి అధికారంలో ఉన్న నాగా పీపుల్స్ ఫ్రంట్‌లో విలీనమైనప్పుడు అఖిల పక్ష ప్రభుత్వం ఏర్పడింది. అయితే గత రెండు పర్యాయాలు కూటమిలోని ఇతర పార్టీలకు ప్రభుత్వంలో మంత్రులుగా పదవులు దక్కలేదు. నాగా గ్రూప్ NSCN(IM) 1997 నుండి కేంద్రంతో సంభాషణలో నిమగ్నమై ఉంది. ఆగస్టు 3, 2015న ఫ్రేమ్‌వర్క్ ఒప్పందంపై సంతకం చేసింది. 60 మంది సభ్యుల అసెంబ్లీలో ఎన్‌డిపిపికి 21, ఎన్‌పిఎఫ్‌కి 25, బిజెపికి 12, ఇద్దరు స్వతంత్రులు ఉన్నారు.