2024 నాటికి అమెరికా తరహా రహదారులు: కేంద్ర మంత్రి నితిన్ గడ్కరీ

2024 నాటికి భారతదేశ రహదారి మౌలిక సదుపాయాలు అమెరికాతో సమానంగా ఉంటాయని కేంద్ర రోడ్డు రవాణా, రహదారుల మంత్రి నితిన్ గడ్కరీ అన్నారు.

2024 నాటికి భారతదేశ రహదారి మౌలిక సదుపాయాలు USA ప్రమాణానికి సమానంగా ఉంటాయని కేంద్ర రోడ్డు రవాణా, రహదారుల మంత్రి నితిన్ గడ్కరీ అన్నారు. శుక్రవారం జరిగిన 95వ ఫిక్కీ వార్షిక సదస్సులో మంత్రి నితిన్ గడ్కరీ ప్రసంగిస్తూ.. మన దేశంలో ప్రపంచ స్థాయి రహదారి మౌలిక సదుపాయాలను తయారు చేస్తున్నామని, 2024 సంవత్సరం ముగిసేలోపు ..మన రహదారి మౌలిక సదుపాయాలు అమెరికా(  USA ) ప్రమాణాలకు సమానంగా ఉంటుందని హామీ ఇచ్చారు. 

అతిపెద్ద సమస్యల్లో లాజిస్టిక్స్ ఖర్చు ఒకటి

దేశంలో అతిపెద్ద సమస్యల్లో లాజిస్టిక్స్ ఖర్చు ఒకటని కేంద్ర మంత్రి నితిన్ గడ్కరీ అన్నారు. ప్రస్తుతం లాజిస్టిక్స్ ధర  16 శాతంగా ఉందనీ, అయితే.. దానిని తగ్గించి సింగిల్ డిజిట్ లో 9 శాతానికి తీసుకెళ్తామని హామీ ఇచ్చారు. "మా లాజిస్టిక్స్ ఖర్చు పెద్ద సమస్య. ప్రస్తుతం ఇది 16 శాతానికి వస్తుంది. అయితే 24 చివరి వరకు.. మేము దానిని 9 శాతం వరకు సింగిల్ డిజిట్‌కు తీసుకువెళతామని నేను మీకు వాగ్దానం చేస్తున్నాను" అని ఆయన చెప్పారు.

ప్రపంచ వనరులలో 40 శాతం వినియోగిస్తున్న నిర్మాణ పరిశ్రమ గురించి మంత్రి మాట్లాడుతూ.. ప్రత్యామ్నాయాలను అనుసరించడం ద్వారా నిర్మాణ పనులలో స్టీల్ వినియోగాన్ని తగ్గించడానికి ప్రయత్నిస్తున్నామని చెప్పారు. అంతే కాదు.. నిర్మాణ రంగం పర్యావరణ కాలుష్యానికి ఎంతగానో దోహదపడటమే కాకుండా 40 శాతానికి పైగా వస్తువులు, వనరులను వినియోగిస్తోందని అన్నారు. జాతీయ రహదారిపై EV డ్రైవింగ్ సులభం, ప్రభుత్వం 137 ఎలక్ట్రిక్ వాహనాల ఛార్జింగ్ స్టేషన్లను ఏర్పాటు చేయబోతున్నామని అన్నారు. 

గ్రీన్ హైడ్రోజన్ కు భవిష్యత్తు 

ఇంధన ఉత్పత్తిదారుగా స్థిరపడేందుకు భారతదేశం కూడా మెరుగైన స్థితిలో ఉందని, ఇది మాత్రమే కాదు. రాబోయే కాలంలో గ్రీన్ హైడ్రోజన్ కూడా ప్రధాన ఇంధన వనరుగా ఉంటుందని నితిన్ గడ్కరీ ఉద్ఘాటించారు. భవిష్యత్తులో విమానయానం, రైల్వేలు, రోడ్డు రవాణా, రసాయన, ఎరువుల పరిశ్రమల్లో కూడా గ్రీన్ హైడ్రోజన్ భారీ ఇంధన వనరుగా మారుతుందని ఆయన అన్నారు.

ఇంధన ఎగుమతిదారుగా భారత్ ను తీర్చిదిద్దేందుకు అద్భుతమైన అవకాశముందనీ, సమీప భవిష్యత్తులో గ్రీన్ హైడ్రోజన్ ఇంధన వనరుగా మారుతుందని అన్నారు. గ్రీన్ హైడ్రోజన్ భవిష్యత్తుకు ఇంధనమనీ, ఇంధన ఎగుమతిదారుగా భారతదేశం తనను తాను తీర్చిదిద్దుకోవడానికి అద్భుతమైన స్థితిలో ఉందని అన్నారు. భారతదేశంలో గ్రీన్ హైడ్రోజన్  సంభావ్యత వల్ల మాత్రమే ఇది సాధ్యమవుతుందనీ, సమీప భవిష్యత్తులో గ్రీన్ హైడ్రోజన్ మూలంగా ఉంటుందని అన్నారు. 

విమానయానం, రైల్వే, రోడ్డు రవాణా, రసాయన, ఎరువుల పరిశ్రమలకు ఇదోక శక్తి వనరు అని అన్నారు. సమీప భవిష్యత్తులో భారత దేశం గ్రీన్ హైడ్రోజన్ యొక్క ప్రపంచ తయారీ కేంద్రంగా, ఎగుమతిదారుగా మారుతుందని అన్నారు. సస్టైనబుల్ డెవలప్‌మెంట్ గోల్స్ (ఎస్‌డిజి) సాధించడంలో భారతదేశం పాత్రను ఆయన మరింత హైలైట్ చేశారు.

భారత్ .. ప్రపంచవ్యాప్తంగా వేగంగా అభివృద్ధి చెందుతున్న దేశాలలో ఒకటనీ, సుస్థిర అభివృద్ధి లక్ష్యాల ఎజెండా 2030ని సాధించడంలో భారతదేశం కీలక పాత్ర పోషిస్తుందని అన్నారు.  ఎలక్ట్రిక్ మొబిలిటీ గురించి మాట్లాడుతూ ఈ రంగంలో భారతదేశం అగ్రగామిగా ఉండాలని, ప్రత్యామ్నాయ ఇంధనాలతో నడిచే ఈ ఆటోమొబైల్‌లను ఆదా చేయడమే తమ లక్ష్యమని గడ్కరీ అన్నారు.