New Delhi: దేశ రాజధాని ఢిల్లీలోని ఒక స్కూల్‌లో 3వ తరగతి బాలికపై లైంగిక వేధింపులకు పాల్పడినందుకు ఒక టీచర్‌ను పోలీసులు అదుపులోకి తీసుకున్నారు. సంబంధిత క్రీడా ఉపాధ్యాయుడు 2016 నుండి తూర్పు ఢిల్లీలోని న్యూ అశోక్ నగర్ ప్రాంతంలోని పాఠశాలలో ప‌నిచేస్తున్నాడు.
teacher arrested for sexually assaulting 8-year-old girl: తూర్పు ఢిల్లీలోని ప్రభుత్వ పాఠశాలలో ఒక ఉపాధ్యాయుడు పాఠశాల ఆవరణలో ఎనిమిదేళ్ల 3వ తరగతి బాలికపై లైంగిక వేధింపులకు పాల్పడ్డాడనే ఆరోపణలపై అదుపులోకి తీసుకున్నట్లు పోలీసులు బుధవారం తెలిపారు. క్రీడా ఉపాధ్యాయుడు 2016 నుండి తూర్పు ఢిల్లీలోని న్యూ అశోక్ నగర్ ప్రాంతంలోని పాఠశాలతో సంబంధం కలిగి ఉన్నార‌నీ, ఇప్పుడు అతన్ని ప్రశ్నిస్తున్నట్లు ఒక అధికారి తెలిపారు. చిన్నారిని ఆ వ్యక్తి ప్రలోభపెట్టి పాఠశాలలోని ఏకాంత ప్రదేశానికి తీసుకెళ్లి లైంగిక వేధింపులకు పాల్పడిన ఘటన గత వారం జరిగిందని పేర్కొన్నారు.
వివ‌రాల్లోకెళ్తే.. న్యూ అశోక్ నగర్ లోని ఓ పాఠశాలలో ఎనిమిదేళ్ల బాలికపై 45 ఏళ్ల స్పోర్ట్స్ టీచర్ లైంగిక దాడికి పాల్పడ్డాడు. నిందితుడిని పోలీసులు అరెస్ట్ చేశారు. గత వారం జరిగిన ఈ ఘటన గురించి తెలియజేస్తూ బుధవారం చిన్నారి తండ్రి నుంచి తమకు పీసీఆర్ కాల్ వచ్చిందని పోలీసులు తెలిపారు. న్యూ అశోక్ నగర్ పోలీస్ స్టేషన్ కు చెందిన బృందం సంఘటనా స్థలానికి చేరుకుని బాధితురాలి తల్లిదండ్రులను పరామర్శించింది. బాలిక తండ్రి ఓ ప్ర‌యివేటు సంస్థలో పనిచేస్తుండగా, తల్లి గృహిణి. తమ కుమార్తె న్యూ అశోక్ నగర్ లోని ఓ పాఠశాలలో మూడో తరగతి చదువుతోందని తల్లిదండ్రులు చెప్పారు. నాలుగైదు రోజుల క్రితం స్పోర్ట్స్ టీచర్ ఆమెపై లైంగిక దాడికి పాల్పడ్డాడని వారు చెప్పారని ఓ అధికారి తెలిపారు.
నిందితుడు బాలికను ప్రలోభాలకు గురిచేసి పాఠశాలలోని నిర్మానుష్య ప్రదేశానికి తీసుకెళ్లి లైంగిక దాడికి పాల్పడ్డాడని పోలీసు వర్గాలు తెలిపాయి. ఆ తర్వాతి రోజుల్లో బాలిక తల్లి ప్రవర్తనలో మార్పు కనిపించింది. ఏదైనా తప్పు జరిగిందా అని అడగ్గా, బాలిక మొదట ఏమీ చెప్పలేదు కానీ తరువాత జరిగిన విషయాన్ని వెల్లడించింది. ఈ విషయాన్ని ఎవరికైనా చెబితే తీవ్ర పరిణామాలు ఉంటాయని ఉపాధ్యాయుడు బెదిరించాడని బాలిక తన తల్లిదండ్రులకు తెలిపింది. మైనర్ బాలికకు కౌన్సిలింగ్ ఇచ్చి ఆసుపత్రికి తరలించామనీ, వైద్య పరీక్షల్లో లైంగిక దాడి జరిగినట్లు నిర్ధారణ అయిందని డిప్యూటీ కమిషనర్ ఆఫ్ పోలీస్ (తూర్పు) అమృత గుగులోత్ తెలిపారు. ఐపీసీ సెక్షన్ 376 (అత్యాచారానికి శిక్ష), 506 (నేరపూరిత బెదిరింపులకు శిక్ష), పోక్సో చట్టంలోని సెక్షన్ 6 కింద కేసు నమోదు చేసి నిందితుడిని అరెస్టు చేశారు.
కేసు న‌మోదుచేసుకున్నామ‌నీ, ఈ ఘ‌ట‌న‌పై మ‌రింత లోతుగా విచార‌ణ జ‌రుపుతున్నామ‌ని పోలీసులు తెలిపారు. నిందితుడు గడోలి గ్రామానికి చెందినవాడ‌ని పేర్కొన్నారు. మీరట్ లోని ఒక విశ్వవిద్యాలయం నుండి గ్రాడ్యుయేషన్ పూర్తి చేసి 2009 లో పాఠశాలలో చేరాడు. 2016లో పాఠశాలలో ప్రాథమిక ఉపాధ్యాయుడిగా నియమితుడై స్పోర్ట్స్ టీచర్ గా విధులు నిర్వహిస్తున్నాడు. పోలీసు బృందం కూడా పాఠశాలను సందర్శించింది. మరెవరైనా బాలికపై లైంగిక వేధింపులకు పాల్పడ్డారా అనే కోణంలో పోలీసులు దర్యాప్తు చేస్తున్నారు. ఇతర సిబ్బందితో మాట్లాడుతుండగా ఆ ప్రాంతంలో సీసీ కెమెరాలు ఏర్పాటు చేశారా? అని పోలీసులు ప్రశ్నించారు. మరిన్ని వివరాలు త్వరలో వెల్లడిస్తామన్నారు.