ఈ నెల 20వ తేదీ నుండి పార్లమెంట్ సమావేశాలు: కేంద్ర మంత్రి ప్రహ్లాద్ జోషీ

ఈ నెల 20వ తేదీ నుండి పార్లమెంట్ సమావేశాలు  ప్రారంభం కానున్నాయి.  పార్లమెంటరీ వ్యవహరాల శాఖ మంత్రి ప్రహ్లాద్ జోషీ ఈ విషయాన్ని ప్రకటించారు.

న్యూఢిల్లీ: పార్లమెంట్ వర్షాకాల సమావేశాలు  ఈ నెల  20వ తేదీ నుండి ప్రారంభంకానున్నాయి.   ఈ ఏడాది ఆగష్టు   11న పార్లమెంట్ సమావేశాలు ముగియనున్నాయి. ఈ విషయాన్ని కేంద్ర పార్లమెంటరీ వ్యవహారాల శాఖ మంత్రి ప్రహ్లాద్ జోషీ  శనివారంనాడు ప్రకటించారు.

పార్లమెంట్ సమావేశాలకు  విపక్షాలను  సహకరించాలని  ప్రహ్లాద్ జోషీ కోరారు.వచ్చే ఏడాదిలో  లోక్ సభ ఎన్నికలు జరగనున్నాయి.  ఈ  ఏడాది చివర్లో ఐదు రాష్ట్రాల అసెంబ్లీ ఎన్నికలు  జరగనున్నాయి

. ఈ తరుణంలో  విపక్షాలు ముందుకు సాగాలని నిర్ణయం తీసుకున్నాయి. పార్లమెంట్ సమావేశాల్లో కూడ అధికార పక్షాన్ని ఇరుకున పెట్టేందుకు  విపక్షాలు  ప్రయత్నించే అవకాశం లేకపోలేదు. యూనిఫామ్ సివిల్ కోడ్  అములపై   ఈ సమావేశాల్లో  చర్చ జరిగే అవకాశం ఉంది. ఢిల్లీ గవర్నమెంట్ ఆఫ్ నేషన్ కేపిటల్ టెరిటరీ(సవరణ) ఆర్డినెన్స్ స్థానంలో ప్రభుత్వం  బిల్లును తీసుకువచ్చే అవకాశం ఉంది.కొత్త పార్లమెంట్ భవనంలో  పార్లమెంట్ సమావేశాలు  జరిగే  అవకాశం ఉంది.