ఎనిమిదేళ్లలో ప్రపంచంలో భారత్ గౌరవాన్ని మోడీ ప్రభుత్వం పునరుద్ధరించింది : అమిత్ షా

గడిచిన ఎనిమిదేళ్లలో భారత్ లో ఎంతో అభివృద్ధి జరిగిందని కేంద్ర హోం మంత్రి అమిత్ షా అన్నారు. ఏ దేశం కూడా ఇవ్వని విధంగా భారత్ కేవలం 3 సెకన్లలోనే కోవిడ్ -19 వ్యాక్సిన్ సర్టిఫికెట్ ను అందజేశాయని అన్నారు. అభివృద్ధి చెందిన దేశాలు కూడా ఈ ఘనత సాధించలేకపోయాయని చెప్పారు. 

గత ఎనిమిదేళ్లలో నరేంద్ర మోడీ ప్రభుత్వం ప్రపంచంలో భారతదేశం గౌరవాన్ని తిరిగి స్థాపించిందని కేంద్ర హోం మంత్రి అమిత్ షా అన్నారు. ఐఎన్ఎస్ ఖుక్రీ యుద్ధ స్మారక చిహ్నంతో పాటు వివిధ ప్రాజెక్టులను ఆయ‌న శనివారం  ప్రారంభించారు. ఈ సంద‌ర్భంగా డయ్యూలో జరిగిన బహిరంగ ర్యాలీలో అమిత్ షా మాట్లాడారు. భార‌త్ లో కోవిడ్-19 వ్యాక్సిన్ వేసిన మూడు సెకన్లలోపే పౌరులంద‌రూ త‌మ ధృవీకరణ పత్రాలను అందుకున్నారని గుర్తు చేశారు. అభివృద్ధి చెందిన దేశాలలోని ప్రజలు కూడా తమ కోవిడ్ సర్టిఫికేట్లను సకాలంలో పొందడానికి చాలా ఇబ్బందులు కష్టపడుతున్నారని తెలిపారు. 

130 కోట్ల మంది ప్రజలు ఎలాంటి గందరగోళం లేకుండా రెండు డోసుల కోవిడ్ - 19 వ్యాక్సిన్ ల‌ను అందుకున్న సాంకేతిక పరిజ్ఞానాన్ని ప్రధాని నరేంద్ర మోడీ ఎలా ఉపయోగించారని చాలా దేశాలు ఆశ్చ‌ర్యం వ్య‌క్తం చేస్తున్నాయ‌ని తెలిపారు. 58 ఏళ్ల పాలనలో పేదరిక నిర్మూలన పేరుతో పేదలను కాంగ్రెస్ తొలగించిందని, గత ఎనిమిదేళ్లలో ప్రధాని మోడీ పేదరిక నిర్మూలనకు కృషి చేశారని ఆయ‌న తెలిపారు. 

2014లో కేంద్రంలో అధికారంలోకి వచ్చినప్పటి నుంచి మోదీ ప్రభుత్వం సాధించిన విజయాలను ప్రస్తావిస్తూ.. మహమ్మారి సెకండ్ వేవ్ సమయంలో కేవలం 45 రోజుల్లో మెడికల్ ఆక్సిజన్ ఉత్పత్తి పదిరెట్లు  అమిత్ షా అన్నారు. 50 సంవత్సరాల తరువాత కూడా మహమ్మారి విజృంభిస్తే విదేశాల నుండి ఒక లీటర్ ఆక్సిజన్ కూడా పొందాల్సిన అవసరం లేదని తెలిపారు. పీఎం కేర్ ద్వారా మోదీ ఆరోగ్య మౌలిక సదుపాయాలను నిర్మించి ప్రతీ గ్రామాన్ని స్వావలంబన సాధించారని అన్నారు. కేంద్ర ప్రభుత్వం ప్రారంభించిన యువత కోసం వివిధ ప్రాజెక్టులను కూడా అమిత్ షా ఈ సంద‌ర్భంగా ప్రస్తావించారు.

‘‘ గతంలో మనం క్రీడల్లో ఒకే ఒక్క పతకం గెలిచినా దేశం మొత్తం సంబరాలు చేసుకునేది. పారాలింపిక్స్ అయినా ఒలింపిక్స్ అయినా పది కంటే తక్కువ పతకాలు గెలవాలని నేడు భారత్ అనుకోవడం లేదు.'క్రీడా మౌలిక సదుపాయాలు, కోచింగ్ సౌకర్యాలు, క్రీడాకారుల పారదర్శక ఎంపిక, వారిని ప్రోత్సహించడం ద్వారా ప్రధాని మోదీ ఎలాంటి ప్రోత్సాహం ఇస్తున్నారో గుర్తుంచుకోండి. పతకాల పట్టికలో ప్రపంచంలోని మొదటి ఐదు స్థానాల్లో భారత్ నిలిచే రోజులు ఎంతో దూరంలో లేవు ’’ అని అమిత్ షా ధీమా వ్య‌క్తం చేశారు. రహదారి, రైల్వే మౌలిక సదుపాయాలను ప్రభుత్వం వేగవంతం చేసిందని ఆయ‌న చెప్పారు. కేంద్ర పాలిత ప్రాంతమైన దాద్రా, నాగర్ హవేలీ, డామన్, డయ్యూలలో గ్రామీణ, పట్టణ పేదలకు ఉచిత రేషన్, ఇళ్లు, నీటి సరఫరా, ముద్రా రుణం, వితంతు పింఛను, ఇతర సౌకర్యాలు లభించేలా కేంద్రం చూసుకుందని ఆయన తెలిపారు. అలాగే పర్యాటకులను ఆకర్షించేందుకు కేంద్ర పాలిత ప్రాంతానికి సంబంధించిన విధానాలను కూడా షా ప్రస్తావించారు.