ఉపరాష్ట్రప‌తిగా కేరళ గవర్నర్ ఆరిఫ్ మహమ్మద్ ఖాన్?.. రాజ‌కీయ వ‌ర్గాల్లో చ‌ర్చ‌.. !

Arif Mohammed Khan: ప్రస్తుతం రాష్ట్రపతి రామ్‌నాథ్ కోవింద్ పదవీకాలం జూలై 25తో ముగియగా, ఉపరాష్ట్రపతి వెంకయ్యనాయుడు పదవీకాలం ఆగస్టు 11తో ముగియనుంది. అయితే, త‌దుప‌రి ఉపరాష్ట్రప‌తిగా కేరళ గవర్నర్ ఆరిఫ్ మహమ్మద్ ఖాన్ పేరు ప‌రిశీల‌న‌లో ఉన్న‌ట్టు రాజకీయ వ‌ర్గాల్లో చ‌ర్చ న‌డుస్తోంది.   

Kerala Governor Arif Mohammed Khan: మ‌రికొన్ని నెల‌ల్లోప్రస్తుత రాష్ట్రప‌తి, ఉప‌రాష్ట్రప‌తిల పదవీకాలం ముగియ‌నుంది. ఇప్ప‌టికే ఆయా ప‌ద‌వుల ఎన్నిక‌ల గురించి పెద్ద ఎత్తున అధికార‌, ప్ర‌తిప‌క్ష పార్టీలు ప్ర‌ణాళిక‌లు ర‌చిస్తున్నాయి. అధికార బీజేపీ ఇప్ప‌టికే ప‌లువురు అభ్య‌ర్థుల పేర్ల‌ను ప‌రిశీలిస్తున్న‌ద‌ని స‌మాచారం. రాష్ట్రప‌తి ఎన్నిక‌కు సంబంధించి అధికార బీజేపీ, దాని మిత్ర ప‌క్షాలు క‌లుపుకుంటే.. ఎన్నిక‌కు కావాల్సిన బ‌లం లేద‌ని ప్ర‌స్తుత గ‌ణాంకాలు పేర్కొంటున్నాయి. ఈ క్ర‌మంలోనే ప్ర‌తిప‌క్షాలు అన్ని ఏక‌మై.. త‌మ త‌ర‌ఫున రాష్ట్రప‌తి అభ్య‌ర్థిని బ‌రిలోకి దింపాల‌ని చూస్తున్నాయి. 

కాగా, ఉపరాష్ట్రపతి పదవికి గవర్నర్ ఆరిఫ్ మహమ్మద్ ఖాన్ పేరును పరిశీలిస్తున్నట్లు కేరళ రాజకీయ వర్గాల్లో ఊహాగానాలు పెరుగుతున్నాయి. 70 సంవ‌త్స‌రాల ఖాన్ 2019 సెప్టెంబరులో గవర్నర్‌గా నియమితులయ్యారు. అయితే ఇటీవలి కాలంలో అతను గతంలో కంటే చాలా తరచుగా ఢిల్లీ పర్యటనలు చేస్తున్నారు. దీంతో కాబోయే ఉప‌రాష్ట్రప‌తి ఊహాగానాల‌కు బ‌లం చేకూరుస్తున్నాయి. అయితే, ఇటీవ‌ల ఓ మీడియా స‌మావేశంలో ఇదే విష‌యం గురించి ఒక టీవీ జర్నలిస్టు ప్ర‌శ్నించ‌గా..  అతను అలాంటి అభివృద్ధి గురించి తెలియనట్లు నటించాడు. దానిపై పెద్ద‌గా స్పందించ‌లేదు. కానీ ముస్లిం పేరున్న వ్యక్తిని రాష్ట్రపతి లేదా ఉప‌రాష్ట్రప‌తిని చేయడంలో బీజేపీ కేంద్ర నాయకత్వానికి మరికొన్ని లక్ష్యాలు ఉన్నాయి. వచ్చే లోక్ సభ ఎన్నికల్లో ముస్లిం ఓటర్లను పార్టీకి దగ్గర చేయడమే లక్ష్యంగా పెట్టుకున్నట్లు తెలుస్తోంది. ఈ ఏడాది గుజరాత్, హిమాచల్ ప్రదేశ్, వచ్చే ఏడాది తెలంగాణ, కర్ణాటక, రాజస్థాన్, మధ్యప్రదేశ్, ఛత్తీస్‌గఢ్‌లలో ఎన్నికలు జరగనున్నాయి. 2024 ప్రథమార్థంలో లోక్‌సభ ఎన్నికలు జరగనున్నాయి. దీనికి తోడూ ప్ర‌స్తుతం దేశంలోని ప‌లు ప్రాంతాల్లో చోటుచేసుకుంటున్న మ‌త ఘ‌ర్ష‌ణ‌ల‌తో బీజేపీకి ముస్లిం నుంచి వ్య‌తిరేక‌త పెరుగుతున్న ప‌రిస్థితులు ఉన్నాయి. వీటన్నింటినీ ప‌రిగ‌ణ‌లోకి తీసుకుని బీజేపీ ముందుకుసాగుతున్న ప‌రిస్థితులు ఉన్నాయి. 

అయితే, పొరుగున ఉన్న తమిళనాడుకు చెందిన సీనియర్ భార‌తీయ జ‌న‌తా పార్టీ (బీజేపీ) నాయ‌కుడు హెచ్. రాజా త్వ‌ర‌లోనే కేర‌ళ గ‌వ‌ర్న‌ర్ గా రాబోతున్నార‌ని వార్త‌లు కూడా రాష్ట్ర  రాజ‌కీయాల్లో వినిపిస్తున్నాయి. ఇదే గ‌న‌క నిజ‌మైతే.. ప్ర‌స్తుత కేర‌ళ గ‌వ‌ర్న‌ర్ ఆరిఫ్ మహమ్మద్ ఖాన్ స్థానంలో హెచ్.రాజా వ‌స్తే... ఖాన్ ఉప‌రాష్ట్రప‌తి ప‌ద‌వి చేప‌ట్టే అవ‌కాశాలు అధికంగా ఉంటాయ‌ని రాజ‌కీయ విశ్లేషకులు పేర్కొంటున్నారు. ఇదిలావుండ‌గా, తమిళనాడు బీజేపీ మాజీ నేత తమిళై సౌందరరాజన్ తెలంగాణ గవర్నర్‌గా, పాండిచ్చేరి డిప్యూటీ గవర్నర్‌గా ఉన్నారు. మరో సీనియర్ నేత ఇలా గణేశన్ ఈశాన్య రాష్ట్రమైన మణిపూర్‌కు గవర్నర్‌గా ఉన్నారు. అయితే, తెలంగాణ ముఖ్యమంత్రి కేసీఆర్ తో విభేదిస్తున్న తమిళై సౌందరరాజన్‌ను రాష్ట్ర గవర్నర్‌ పదవి నుంచి తప్పించి పాండిచ్చేరి డిప్యూటీ గవర్నర్‌గా మాత్రమే కొనసాగించాలని బీజేపీ నాయకత్వం యోచిస్తున్నట్లు సమాచారం. 

ఈ నేపథ్యంలో కేరళ గవర్నర్‌గా హెచ్‌.రాజాను నియమించనున్నట్లు సమాచారం. బీజేపీ నేత హెచ్ రాజాను ఇటీవల ఢిల్లీకి పిలిపించి సంప్రదింపులు జరిపినట్లు రిపోర్టులు పేర్కొంటున్నాయి. త్వరలోనే దీనిపై అధికారిక ప్రకటన వెలువడే అవకాశం ఉంది. శివగంగై జిల్లా కారైకుడికి చెందిన హెచ్.రాజా యాక్షన్ రాజకీయాలకు ప్రసిద్ధి. 1989లో బీజేపీలో చేరిన హెచ్.రాజా 2001లో కరైకుడి అసెంబ్లీ నియోజకవర్గానికి పోటీ చేసి తొలిసారి ఎమ్మెల్యేగా ఎన్నికయ్యారు. ఆ ఎన్నికల్లో డీఎంకేతో బీజేపీ పొత్తు పెట్టుకుంది. 2019లో జరిగిన పార్లమెంట్ ఎన్నికల్లో శివగంగై నియోజకవర్గం నుంచి పోటీ చేసి ఓడిపోయారు. అంతేకాదు 2021 అసెంబ్లీ ఎన్నికల్లో మళ్లీ కరైకుడి నియోజకవర్గంలో పోటీ చేసి గెలిచే అవకాశాన్ని కోల్పోయారు. 

కాగా, ప్ర‌స్తుతం రాష్ట్రపతి రామ్‌నాథ్ కోవింద్ పదవీకాలం జూలై 25తో ముగుస్తుండగా, ఉపరాష్ట్రపతి ఎం. వెంకయ్యనాయుడు పదవీకాలం ఆగస్టు 11తో ముగుస్తుంది.