సోషల్ మీడియా దిగ్గజం ఫేస్ బుక్ కు కర్ణాటక హైకోర్టు స్ట్రాంగ్ వార్నింగ్...

Bangalore: భారత్ లో ఫేస్ బుక్ కార్యకలాపాలను నిలిపివేయాలని ఆదేశిస్తామంటూ సోషల్ మీడియా దిగ్గజాన్ని కర్ణాటక హైకోర్టు హెచ్చరించింది. ఒక కేసు దర్యాప్తులో మంగళూరు పోలీసులకు సహకరించనందుకు భారతదేశంలో సోషల్ మీడియా దిగ్గజం ఫేస్ బుక్ కార్యకలాపాలను మూసివేసేలా ఆదేశాలు జారీ చేయాలా? అంటూ కర్ణాటక హైకోర్టు ఫేస్ బుక్ ను హెచ్చరించింది.  

Karnataka HC warns Facebook: సోషల్ మీడియా దిగ్గజం ఫేస్ బుక్ భారత్ లో తన కార్యకలాపాలను మూసివేసేలా ఆదేశాలు జారీ చేస్తామని కర్ణాటక హైకోర్టు హెచ్చరించింది. సౌదీ అరేబియాలో ఖైదు చేయబడిన భారతీయ పౌరుడికి సంబంధించిన కేసు దర్యాప్తులో కర్ణాటక పోలీసులకు సోషల్ మీడియా దిగ్గజం సహకరించడం లేదు. జైల్లో ఉన్న భారతీయ పౌరుడి భార్య కవిత దాఖలు చేసిన కేసును విచారణకు స్వీకరించిన జస్టిస్ కృష్ణ ఎస్ దీక్షిత్ బెంచ్ ఫేస్ బుక్ ను హెచ్చరించింది. ఈ కేసులో తదుపరి తీసుకోవాల్సిన చర్యలపై సమాచారం ఇవ్వాలని కేంద్రాన్ని ఆదేశించింది.

సరైన దర్యాప్తు చేపట్టడానికి పూర్తి నివేదిక సమర్పించాలని మంగళూరు పోలీసులను ఆదేశిస్తూ విచారణను జూన్ 22కు వాయిదా వేసింది. తన భర్త శైలేష్ కుమార్ (52) సౌదీ అరేబియాలోని ఓ కంపెనీలో 25 ఏళ్లుగా పనిచేస్తున్నాడని కవిత తన పిటిషన్ లో పేర్కొన్నారు. 2019లో పౌరసత్వ సవరణ చట్టం (సీఏఏ), నేషనల్ రిజిస్టర్ ఆఫ్ సిటిజన్స్ (ఎన్ఆర్సీ)లకు మద్దతుగా ఫేస్ బుక్ లో సందేశం పెట్టారని ఆమె పిటిషన్ లో పేర్కొన్నారు. కొందరు దుండగులు అతని పేరుతో నకిలీ ఫేస్ బుక్ ఖాతా తెరిచి సౌదీ అరేబియా రాజు, ఇస్లాంకు వ్యతిరేకంగా అభ్యంతరకర పోస్టులు పెట్టారు. విషయం తెలుసుకున్న శైలేష్ కుటుంబ సభ్యులకు సమాచారం అందించారు. 

మంగళూరు సమీపంలోని బికర్ణకట్టేకు చెందిన అతని భార్య కవిత మంగళూరు పోలీసులకు ఫిర్యాదు చేసింది. కాగా, శైలేష్ పేరుతో ఫేస్ బుక్ లో అసభ్యకర పోస్టులు పెట్టిన కేసులో సౌదీ పోలీసులు అతడిని అరెస్టు చేసి జైల్లో పెట్టారు. ఈ మేరకు మంగళూరు పోలీసులు సోషల్ మీడియా దిగ్గజానికి లేఖ రాసి నకిలీ ఫేస్ బుక్ ఖాతా తెరవడంపై సమాచారం కోరారు. అయితే పోలీసులు రాసిన లేఖపై ఫేస్ బుక్ స్పందించలేదు. దర్యాప్తులో జాప్యాన్ని సవాల్ చేస్తూ కవిత కర్ణాటక హైకోర్టును ఆశ్రయించారు. సౌదీ జైలు నుంచి తన భర్తను విడిపించేందుకు కేంద్రం జోక్యం చేసుకోవాలని మృతుడి భార్య కోరింది.