ఐపీఎస్ అధికారి బల్వీర్ సింగ్‌ను సస్పెండ్ చేయాలని అధికారులను ఆదేశించినట్లు తమిళ ముఖ్యమంత్రి ఎంకే స్టాలిన్ ఈరోజు రాష్ట్ర అసెంబ్లీకి తెలిపారు.
చెన్నై : తమిళనాడులోని ఓ ఐపీఎస్ అధికారి సస్పెన్షన్‌కు గురయ్యారు. అనుమానితులను కస్టడీలో ఉంచి చిత్రహింసలకు గురిచేశారనే ఆరోపణలతో బల్వీర్ సింగ్‌ అనే ఐపీఎస్ అధికారి సస్పెండ్ అయ్యారు. అనుమానితుల వృషణాలను చితక్కొట్టి, పళ్లను బయటకు లాగి... అత్యంత దారుణంగా వ్యవహరించారు. ఇది వెలుగులోకి రావడంతో ఆ ఎస్సైని సస్పెండ్ చేయాలని అధికారులను ఆదేశించినట్లు ముఖ్యమంత్రి ఎంకే స్టాలిన్ ఈరోజు రాష్ట్ర అసెంబ్లీకి తెలిపారు.
"అతనిని సస్పెండ్ చేయమని ఆదేశించాను. మెజిస్ట్రియల్ విచారణ నుండి నివేదిక వచ్చిన తర్వాత తదుపరి చర్యలు తీసుకోబడతాయి. పోలీసు స్టేషన్లలో మానవ హక్కుల ఉల్లంఘనపై రాజీ ఒప్పుకోం" అని మిస్టర్ స్టాలిన్ తమిళనాడు అసెంబ్లీలో కాల్ అటెన్షన్ మోషన్‌కు ప్రతిస్పందిస్తూ ఈ మేరకు ప్రకటించారు. పోలీసులు నిన్ సింగ్‌ను తప్పనిసరి నిరీక్షణలో ఉంచారు.
డ్రైనేజ్ పక్కనున్న గోడనుంచి 10 అడుగుల సొరంగం తవ్వి.. నగల దుకాణంలో చోరీ...
సుమారు పది రోజుల క్రితం ఈ ఘటన జరిగింది. తిరునల్వేలి జిల్లాలోని అంబసముద్రంలో అసిస్టెంట్ సూపరింటెండెంట్ ఆఫ్ పోలీస్‌గా పనిచేస్తున్న 2020 బ్యాచ్ ఐపిఎస్ అధికారి బల్వీర్ సింగ్‌. అనుమానితులైన ఐదుగురు వ్యక్తులను కస్టడీలోకి తీసుకున్నారు. కటింగ్ ప్లేయర్‌తో ఈ ఐదుగురు వ్యక్తుల దంతాలను బలవంతంగా పీకేశాడు. అందులో కొత్తగా పెళ్లయిన ఓ వ్యక్తి వృషణాల మీద తీవ్రంగా కొట్టడంతో నలిగిపోయాయి.
ఈ దాడి కేసులో నిందితులుగా ఉన్న వ్యక్తులు బెయిల్‌పై బయట ఉన్నారు. వారిలో కొందరు అధికారిని కస్టడీలో చిత్రహింసలకు గురిచేస్తున్నారని సోషల్ మీడియాలో పెట్టారు. జిల్లా కలెక్టర్ ఇప్పటికే సింగ్‌పై మెజిస్టీరియల్ విచారణకు ఆదేశించారు. అయితే ఇది చాలదని మానవ హక్కుల కార్యకర్తలు అంటున్నారు. పోలీసులు అతనిపై క్రిమినల్ కేసు పెట్టాల్సి ఉందని అంటున్నారు.
ముద్దు చేస్తూనే, వివస్త్రను చేశారు.. వాళ్ల ముఖాలు ఇప్పటికీ గుర్తే : కలెక్టర్ దివ్య సంచలన వ్యాఖ్యలు
2020లో, పొరుగున ఉన్న టుటికోరిన్ జిల్లాలోని సాతంకుళం పోలీస్ స్టేషన్‌లో కస్టడీలో చిత్రహింసలకు గురికావడంతో తండ్రి, కొడుకు (జయరాజ్, బెనిక్స్) మరణించారు. పీపుల్స్ వాచ్ ఎగ్జిక్యూటివ్ డైరెక్టర్ హెన్రీ టిఫాగ్నే - మానవ హక్కుల ఉల్లంఘనలకు వ్యతిరేకంగా పనిచేస్తున్న లాభాపేక్ష రహిత సంస్థ - "అతనిపై క్రిమినల్ కేసు నమోదు చేయబడిందని, చర్యలు ప్రారంభించారని మేం నిర్ధారించుకోవాలి" అని అన్నారు.
మేజిస్ట్రేట్ తప్పిదంపై మాట్లాడుతూ, “శరీరమంతా చిత్రహింసలకు గురిచేసిన ఈ నిందితులను జ్యుడీషియల్ మేజిస్ట్రేట్ ఎలా రిమాండ్ చేశారు? జాతీయ న్యాయవ్యవస్థలోని రిమాండ్ అడ్వకేట్ వ్యవస్థ వైఫల్యాన్ని మనం ఎలా అర్థం చేసుకోవాలి? "అర్ధరాత్రి ఇంటి వద్దకు తీసుకువచ్చిన అలాంటి రిమాండ్‌లను న్యాయాధికారులు ఎందుకు తీసుకుంటారు? రేపు ఉదయం 10 గంటలకు తీసుకురావాలని చెప్పడానికి వారిని ఏం నిరోధిస్తుంది" అని అడిగాడు. సాతంకులంలో కస్టడీ టార్చర్ మరణాలు సంభవించిన తర్వాత పోలీసు స్టేషన్లలో సీసీ టీవీ కెమెరాలను కోర్టు నిర్దేశించిన తర్వాత కూడా చట్టాన్ని అమలు చేసేవారి మానవ హక్కుల ఉల్లంఘనలు కొనసాగుతున్నాయని పలువురు అంటున్నారు.