India Pakistan : పాక్ కాదు భారత్ పై చైనా, అమెరికా కుట్రలు.. ఎందుకో తెలుసా?

ఇండియా-పాకిస్తాన్ మధ్య జరిగిన ఘర్షణలో చైనా యుద్ధ విమానాలు ఘోరంగా విఫలమయ్యాయి. చైనా సరుకుతో భారత్ పై దాడులకు దిగిన పాక్ కు చుక్కలు కనిపించాయి. అయినా భారత్ పై పాక్ .పైచేయి సాధించిందని చైనా తెగ ప్రచారం చేస్తోంది. ఇలా ఎందుకు చేస్తుందో తెలుసా? 

India Pakistan : ఇండియా-పాకిస్తాన్ మధ్య గత రెండుమూడు రోజులవరకు ఉద్రిక్త వాతావరణం నెలకొని ఉంది. ఇరు దేశాల త్రివిధ దళాల మధ్య ఘర్షణలు జరిగాయి.అయితే గత శనివారం ఇదేశాలు కాల్పుల విరమణకు అంగీకరించడంతో పరిస్థితి అదుపులోకి వచ్చింది... ఉద్రిక్తతలు తగ్గాయి. 

ఆపరేషన్ సింధూర్:

కాశ్మీర్‌లోని పహల్గాంలో పర్యాటకులపై ఉగ్రవాదులు దాడి చేశారు. ఈ దాడిలో 26 మంది మరణించారు. ఈ ఘటన ప్రపంచవ్యాప్తంగా సంచలనం సృష్టించింది. ఈ ఉగ్రదాడి తర్వాత పాకిస్తాన్, ఆక్రమిత కాశ్మీర్‌లోని ఉగ్రవాద శిబిరాలపై ఇండియా క్షిపణి దాడులు చేసింది. ఈ దాడికి ఆపరేషన్ సింధూర్ అని పేరు పెట్టారు. ఈ దాడిలో 9 స్థావరాలు ధ్వంసమయ్యాయి. 100కు పైగా ఉగ్రవాదులు మరణించారని రక్షణ మంత్రి రాజ్‌నాథ్ సింగ్ తెలిపారు.

చైనా JF 17, J 10 విమానాల ఘోర పరాజయం

ఇండియా అత్యాధునిక ఆయుధాలతో పాకిస్తాన్ వైమానిక స్థావరాలను ధ్వంసం చేసింది. పాకిస్తాన్ చైనా నుంచి దిగుమతి చేసుకున్న JF 17, J 10 యుద్ధ విమానాలను ఉపయోగించింది. కానీ ఈ విమానాలు అనుకున్నంత సమర్థవంతంగా పనిచేయలేదు. ఇండియాలోని ఏ ప్రాంతాన్నీ JF 17, J 10లు ధ్వంసం చేయలేకపోయాయి. ఈ విమానాలను ఇండియా S 400 వాయు రక్షణ వ్యవస్థ ధ్వంసం చేసింది. ఇది చైనా విమానాలు సాంకేతికంగా ఎంత బలహీనంగా ఉన్నాయో తెలియజేస్తోంది.

ట్రంప్ ఆకస్మిక ప్రకటన ఎందుకు?

ఇండియా, పాకిస్తాన్ మధ్య యుద్ధం ముగిసిందని అమెరికా అధ్యక్షుడు డొనాల్డ్ ట్రంప్ గత ఆదివారం ఎక్స్‌లో పోస్ట్ చేయడం వివాదాస్పదమైంది. యుద్ధ విరమణ ప్రకటించడానికి ట్రంప్ ఎవరు అని చాలా మంది ప్రశ్నించారు.

చైనా షేర్ల ధర పెరుగుదల:

చైనా, పాకిస్తాన్ ఎందుకు అబద్ధపు ప్రచారం చేస్తున్నాయనే ప్రశ్న తలెత్తుతుంది. తమ క్షిపణులు, యుద్ధ విమానాలు బాగా పనిచేశాయని ప్రచారం చేసుకుంటున్నాయి. తమ ఆర్థిక వ్యవస్థను బలోపేతం చేసుకోవడానికి, యుద్ధ విమానాలకు సంబంధించిన షేర్ల ధర పెంచుకోవడానికి ఈ అవకాశాన్ని ఉపయోగించుకుంటున్నాయి.

చైనా JF 17, J 10 విమానాల షేర్లు ఇటీవల పెరిగాయి. ఈ విమానాలే ఇండియా యుద్ధ విమానాలు, క్షిపణులను ధ్వంసం చేశాయని చైనా గొప్పలు చెప్పుకుంటోంది. కానీ నిజం వేరు. ఈ విమానాలు ఇండియాపై దాడి చేయడంలో విఫలమయ్యాయి. దీనికి ఆధారాలు పాకిస్తాన్ సైన్యం చూపించలేకపోయింది.

పాకిస్తాన్, చైనాకు ఇండియా ప్రతిఘటన:

ఇండియా పాకిస్తాన్‌లోని 11 వైమానిక స్థావరాలను ధ్వంసం చేసింది. ఆ స్థావరాల్లో చైనా PL 15 క్షిపణులను పాకిస్తాన్ ఇండియాపై ప్రయోగించింది. కానీ ఇండియా క్షిపణులను అడ్డుకోవడంలో PL 15లు విఫలమయ్యాయి.

ఇండియా S 400 వాయు రక్షణ వ్యవస్థను చైనా PL 15 క్షిపణి ధ్వంసం చేసిందని పాకిస్తాన్ అబద్ధపు ప్రచారం చేసింది. కానీ అది నిజం కాదు. పాకిస్తాన్ హైపర్‌సోనిక్ క్షిపణిని ఇండియాపై ప్రయోగించిందని చైనా చెప్పింది. కానీ దీన్ని ఇండియా సైన్యం ఆధారాలతో ఖండించింది.

S 400 - HQ-9 ఏది మేలు?

చైనా తన యుద్ధ విమానాల వైఫల్యాన్ని కప్పిపుచ్చుకోవడానికి అబద్ధాలు చెబుతోంది. S 400 వాయు రక్షణ వ్యవస్థ లాంటిదే HQ-9. చైనా ఈ వ్యవస్థ కూడా విఫలమైంది. చైనా తయారుచేసిన HQ-9 వ్యవస్థ విమానాలు, నౌక క్షిపణులు, డ్రోన్లు, బాలిస్టిక్ క్షిపణులను అడ్డుకునేలా రూపొందించబడింది. దీని పరిధి 120 కి.మీ. HQ-9B పరిధి 300 కి.మీ. ఇది 50 కి.మీ. ఎత్తులో ఉన్న వస్తువులను టార్గెట్ చేస్తుంది. 180 కిలోల బరువున్న అధిక-స్పోటక శక్తి గల ఆయుధాన్ని మోసుకెళ్తుంది. ఇండియా S-400 కంటే తక్కువ సామర్థ్యం కలిగినదిగా ఇప్పటికీ భావిస్తున్నారు.

చైనా PL-15E:

చైనా సరఫరా చేసిన PL-15E దూర పరిధి వాయు-వాయు క్షిపణికి చెందిన రెండు పూర్తి, మూడు విరిగిన భాగాలు ఇండియాలో లభించాయి. ఒక భాగంపై చైనీస్ అక్షరాలు ఉన్నాయి. ఇది Zhuzhou Hongda అనే ప్రముఖ సైనిక సామగ్రి తయారీ సంస్థ ఉత్పత్తి అని గుర్తించారు. అయినప్పటికీ చైనా, పాకిస్తాన్ దీన్ని ఖండిస్తున్నాయి. వాటి అబద్ధపు ప్రచారం తర్వాత పెరిగిన షేర్ల ధర ఇప్పుడు పడిపోయింది.

అమెరికా కుట్రలు

అమెరికా తన f18 super hornet యుద్ధ విమానాన్ని ఇండియాకు అమ్మాలని చూస్తోంది. ఫ్రాన్స్ నుంచి ఇండియా కొనుగోలు చేసిన రాఫెల్ యుద్ధ విమానం అద్భుతమైనది. అమెరికా f 18 super hornetతో పోలిస్తే రాఫెల్ నాణ్యతలో మెరుగ్గా ఉందని నిరూపించబడింది. కానీ రాఫెల్ సామర్థ్యం తక్కువ అనే భ్రమను అమెరికా కల్పించాలని చూస్తోంది. F 35 యుద్ధ విమానాన్ని కూడా ఇండియాకు అమ్మడానికి కుట్రలు పన్నుతోంది.

ఇండియా సైనిక బలం, స్వదేశీ ఉత్పత్తులు:

ఇండియా తన త్రివిధ దళాల బలాన్ని ప్రపంచానికి నిశ్శబ్దంగా చాటి చెబుతోంది. ఆకాశ్, ఆస్ట్రా, S-400, అగ్ని, పృథ్వి వంటి బాలిస్టిక్ క్షిపణులు, బ్రహ్మోస్, నిర్భయ్ వంటి క్రూయిజ్ క్షిపణులు, నాగ్ వంటి ట్యాంక్ విధ్వంసక క్షిపణులు, ఆకాశ్, త్రిశూల్ వంటి భూమి నుంచి ఆకాశంలోకి ప్రయోగించే క్షిపణులు వంటి అనేక ఆయుధాలను ఇండియా తయారు చేస్తోంది. ప్రపంచానికే ఆయుధాలు అమ్మే స్థాయికి ఇండియా సాంకేతికత చేరుకుంది. ఒకరోజు ఆయుధ ఉత్పత్తి, సాంకేతికతలో ప్రపంచానికే ఇండియా సవాలు విసురుతుందనడంలో సందేహం లేదు.