Karnataka: ముస్లిం దేశాలు అలా చేస్తే.. ఎంత మంది భార‌తీయుల‌కు ఉద్యోగాలిస్తారు?

Karnataka: హిందూ ఆలయ పరిసరాల్లో ముస్లింలు వ్యాపారం చేయడానికి అనుమతి లేదన్న కర్ణాటక ప్రభుత్వ ప్రకటనను బీజేపీ నేత, ఎమ్మెల్సీ ఏహెచ్‌ విశ్వనాథ్‌ ఖండించారు. ఒక వేళ‌.. ముస్లిం దేశాల్లో మన భారతీయులు ఎందరో ఉపాధి పొందుతున్నారు. ఆ దేశాలు మన వాళ్లను వెనక్కి పంపిస్తే ఎలా? అలా వచ్చే వాళ్లందరికీ బీజేపీ ఉద్యోగాలు ఇస్తుందా? అని ప్ర‌శ్నించారు.  

Karnataka: కర్నాటకలో హిజాబ్ వివాదం మ‌రిచిపోక ముందే.. మ‌రో వివాదం తెర మీద‌కు వ‌చ్చింది. మ‌రోసారి దేశ స‌మైక్య‌త‌ను దెబ్బ తీసేలా ఈ వివాదం ఉంది.  తాజాగా... ఆలయాల్లో, జాతరల్లో ముస్లిం వ్యాపారాల బహిష్కరించాలంటూ.. కొత్త ఆంశం ప్ర‌బ‌లింది. తొలుత ఉడుపి, దక్షిణకన్నడ జిల్లాల్లో తలెత్తిన ఈ వివాదం ఇప్పుడు రాష్ట్రంలోని వివిధ ప్రాంతాలకు వ్యాపించింది.

తాజాగా హిందూ ఆలయ పరిసరాల్లో ముస్లింలు వ్యాపారం చేయడానికి అనుమతి లేదన్న కర్ణాటక ప్రభుత్వ ప్రకటనను బీజేపీ నేత, ఎమ్మెల్సీ ఏహెచ్‌ విశ్వనాథ్ తీవ్రంగా మండిపడ్డారు. ఏ దేవుడూ, ఏ మతం ఇలా చెప్పలేదు. ముస్లిం దేశాల్లో మన భారతీయులు ఎందరో ఉపాధి పొందుతున్నారు. ముస్లిం దేశాలు మ‌న‌వారిని బహిష్కరిస్తే.. వారంద‌రికీ ఉద్యోగాలు ఇచ్చే పరిస్థితిలో రాష్ట్ర ప్రభుత్వం ఉందా? అని ప్రశ్నించారు. "ప్రపంచ వ్యాప్తంగా ఉన్న ముస్లిం దేశాలు భారతీయులెవరూ తమ దేశంలో ఉండకూడదని నిర్ణయించుకుంటే, వారు ఎక్కడికి వెళతారు? తిరిగి వచ్చిన ప్రతి ఒక్కరికీ మీరు ఉద్యోగాలు ఇస్తారా? అది సాధ్యమేనా?" అని విశ్వనాథ్ ప్రశ్నించారు. 

అలాగే..  "ఇంగ్లండ్, అమెరికాలో ఎంత మంది ఉన్నారు? ప్రపంచవ్యాప్తంగా ఉన్న దేశాలలో.. ముఖ్యంగా ముస్లిం దేశాలలో చాలా మంది హిందువులు పని చేస్తున్నారు. ఒకవేళ వారు భారతీయుల‌ను వెనక్కి పంపాలని నిర్ణయించుకుంటే.. వారు ఎక్కడికి వెళతారు? ఈ పిచ్చితనం ఏమిటి?" దీనిని "సారీ స్టేట్ ఆఫ్ అఫైర్స్" అని తీవ్రంగా ఆగ్ర‌హం వ్య‌క్తం చేశారు. ఈ సమస్యపై ప్రభుత్వం ఎందుకు నోరు మెదపలేదు. ‘ఏ దేవుడూ ఇలా అనలేదు.. ఏ మతం ఇలా అనలేదు’ అని విశ్వనాథ్ ప్రభుత్వం వెంటనే జోక్యం చేసుకోవాలని కోరారు. 

మతమార్పిడి నిరోధక బిల్లును అసెంబ్లీలో ప్రవేశపెట్టే అవకాశం ఉందని బిజెపి అప్రమత్తంగా ఉంద‌ని అన్నారు. "వారు కన్నడిగులు కాదా? ఈ దేశంలోని ముస్లింలు, భారతదేశం, పాకిస్తాన్ విడిపోయినప్పుడు, వారు ఇక్కడే ఉండిపోయారు. వారు భారతీయులే.. వారు మరెవరో కాదు.. భారతీయులే అని ఆయన అన్నారు. రూ.500 పెట్టుబడితో చిరు వ్యాపారం చేస్తూ పొట్టపోసుకొంటున్నారు. దాన్ని కూడా లాగేసుకుంటారా?’ అని మండిపడ్డారు.

ముస్లిం వ్యాపారుల పట్ల సానుభూతి చూపుతూ, వారి ఆదాయ వనరును లాక్కుంటే వారు ఏమి తింటారని బిజెపి నాయకుడు ప్రశ్నించారు. "అదే వాళ్ళ జీవనాధారం. వాళ్ళ పెట్టుబడి ఏంటి అనుకుంటున్నారా? 500 రూపాయలకు మించి ఉండదు. వాళ్ళ దగ్గర నుండి లాక్కుంటే వాళ్ళు ఏం తింటారు? అని నిల‌దీశారు. "ఆహారం అన్నింటికీ  ముఖ్య‌మ‌నీ.. మీ మతం, కులం మరియు పార్టీ తర్వాత వస్తుంది," అని విశ్వనాథ్ అన్నారు, రాష్ట్రంలో పెద్దగా ఆలోచించకుండా అనేక నిర్ణయాలు తీసుకుంటున్నారని అన్నారు. "ఇది అంటరానితనం తప్ప మరొకటి కాదని ఆగ్ర‌హం వ్య‌క్తం చేశారు. 

ఇదిలా ఉంటే.. బిజెపి శాసనసభ్యుడు అనిల్ బెనకే సోమవారం మాట్లాడుతూ.. ప్రతి ఒక్కరూ తమ వ్యాపారాన్ని ఉపయోగించుకోవచ్చని, ఎక్కడ కొనాలో ప్రజలే నిర్ణయిస్తారని అన్నారు. బెలగావి నార్త్‌కు చెందిన ఎమ్మెల్యే ఈ విషయాన్ని ముగించే ప్ర‌య‌త్నం చేశారు. ఆలయ జాతర సమయంలో ఎటువంటి ఆంక్షలు విధించే ప్రశ్నే లేదనీ, మేము విధించము, కానీ ప్రజలు కోరితే..  మేము ఏమీ చేయలేము. మేము చేస్తాము. దానిని అనుమతించవద్దు (పరిమితులు విధించడం)" అని బెనకే విలేకరులతో అన్నారు. ఎక్కడ కొనుక్కోవాలి, ఎక్కడ కొనుగోలు చేయకూడదు అని చెప్పడం సరికాదని, రాజ్యాంగం అందరికీ సమాన అవకాశాలను సూచిస్తోందని అన్నారు. 

"ప్రతి ఒక్కరికి వారి కార్యకలాపాలను నిర్వహించడానికి అవకాశం ఉంది, కానీ ప్రజలు తెలివిగా ఉండాలి. ఎక్కడ ఏమి కొనాలో ప్రజలు నిర్ణయించుకోవాలి," అన్నారాయన. హిందూ దేవాలయాల రక్షణ కోసం రాష్ట్ర ప్రభుత్వం ఇటీవల అసెంబ్లీలో 2002 కర్ణాటక హిందూ మత సంస్థలు, ధర్మాదాయ చట్ట నిబంధ‌న‌ల‌ను అమ‌లు చేయాల‌ని ప్ర‌య‌త్నిస్తోంది. ఈ చ‌ట్ట‌ నిబంధనల ప్రకారం.. హిందువేతరులు వార్షిక పండుగల చుట్టూ వ్యాపారం చేయరాదని, స్టాళ్ల వేలం, షాపుల ఏర్పాటులో హిందువులు మాత్రమే పాల్గొనవచ్చని పేర్కొంది. న్యాయశాఖ మంత్రి జేసీ మధుస్వామి మాట్లాడుతూ ఎస్‌ఎం కృష్ణ ముఖ్యమంత్రిగా ఉన్న సమయంలో కాంగ్రెస్ ప్రభుత్వ హయాంలో రూల్స్ రూపొందించారన్నారు.