Hamid Ansari Controversy: పాక్ జర్నలిస్ట్ తో మాజీ ఉపరాష్ట్రపతికి లింక్‌..! సీక్రెట్ ఫోటోను బ‌య‌ట‌పెట్టిన BJP

Hamid Ansari Controversy: పాకిస్తాన్ జర్నలిస్టు, ఐఎస్ఐ ఎజెంట్ నుస్రత్ మీర్జాతో మాజీ ఉపరాష్ట్రపతి హమీద్ అన్సారీకి సంబంధ‌మున్న‌ట్టు బీజేపీ ఆరోపణ‌లను గుప్పిస్తుంది. ఈ క్రమంలో కాంగ్రెస్ ను  బీజేపీ టార్గెట్ చేస్తూ మీర్జాకు, హ‌మీదాలు ఒకే వేదిక‌ను పంచ‌కున్నార‌ని ఓ ఫోటోను చూపిస్తూ బీజేపీ ఆరోపించింది.

Hamid Ansari Controversy: పాకిస్తాన్ జర్నలిస్టు నుస్రత్ మీర్జాతో మాజీ ఉపరాష్ట్రపతి హమీద్ అన్సారీకి సంబంధ‌మున్న‌ట్టు బీజేపీ ఆరోపిస్తున్న విష‌యం తెలిసిందే.. ఈ క్ర‌మంలో కాంగ్రెస్ పై బీజేపీ విమ‌ర్శ‌లు గుప్పిస్తుంది. తాజాగా శుక్ర‌వారం నాడు ఈ విష‌యంపై  బీజేపీ త‌న దాడిని పెంచింది. భారతదేశంలో జరిగిన ఒక సమావేశంలో జర్నలిస్టు నుస్రత్ మీర్జాతో మాజీ ఉపరాష్ట్రపతి హమీద్ ఓకే వేదికను పంచుకున్నట్లు ఆరోపించింది. ఇందుకు సంబంధించిన ఫోటోను మీడియాకు చూపించింది. యూపీఏ హయాంలో తాను ఐదుసార్లు భారత్‌కు వచ్చానని, ఇక్కడ సేకరించిన సున్నితమైన సమాచారాన్ని తమ దేశ గూఢచారి సంస్థ ఐఎస్‌ఐకి చేరవేసినట్లు పాకిస్థాన్ జర్నలిస్ట్ నుస్రత్ మీర్జా పేర్కొన్నారు. ఆయ‌న అంత‌టితో ఆగ‌కుండా... హమీద్ అన్సారీ ఆహ్వానం మేరకు తాను భారత్‌కు వచ్చానని, ఆయనను కలిశానని నుస్రత్ మీర్జా ఆరోపించారు.

మాజీ రాష్ట్ర‌ప‌తి హ‌మీద్ అన్సారీ మాత్రం త‌న‌పై వ‌చ్చిన అభియోగాల‌ను తోసిపుచ్చారు. అవి అన్ని అబద్ధపు ప్ర‌చారమ‌ని  కొట్టిపారేశారు. తాను జర్నలిస్టును ఎప్పుడూ కలవలేదని, ఆయ‌న‌ను ఆహ్వానించలేదని చెప్పారు. అంతకుముందు.. మాజీ రాష్ట్ర‌ప‌తి హమీద్ అన్సారీ తనతో చాలా సున్నితమైన, అత్యంత రహస్యమైన సమాచారాన్ని  పంచుకున్నారని పాక్ జ‌ర్న‌లిస్ట్ నుస్రత్ మీర్జా చేసిన వాదనలను బీజేపీ ఉటంకిస్తూ..  ఐఎస్ఐ కోసం గూఢచర్యం చేసిరనీ, మాజీ ఉపరాష్ట్రపతి జ‌ర్న‌లిస్ట్ నుస్ర‌త్ ను భారతదేశానికి ఆహ్వానించారని బిజెపి ఆరోపించింది.

ఈ క్ర‌మంలో బీజేపీ జాతీయ అధికార ప్రతినిధి గౌరవ్ భాటియా శుక్రవారం జ‌రిగిన‌ మీడియా స‌మావేశంలో ప్రసంగిస్తూ..  2009లో భార‌త్ లో ఉగ్రవాదంపై జరిగిన సమావేశంలో హమీద్ అన్సారీ, నుస్రత్ మీర్జాతో వేదిక పంచుకున్నట్లు ఆరోపించిన చిత్రాన్ని చూపించారు. కాంగ్రెస్‌ను ఉద్దేశించి భాటియా మాట్లాడుతూ.. ఇలాంటి కార్యక్రమాలను నిర్వహించడానికి,  విదేశాల నుండి ప్రముఖులను ఆహ్వానించడానికి ఇంటెలిజెన్స్ క్లియరెన్స్ అవసరమని అన్నారు.

రాజ్యాంగబద్ధమైన పదవిలో ఉన్న వ్యక్తి .. ప్రోగ్రామ్ ఏంటీ? అందులో పాటించాల్సిన‌ ప్రోటోకాల్ ఏంటీ?   ఈవెంట్‌లో పాల్గొనే వారి సమాచారాన్ని సేకరిస్తారు. అటువంటి పరిస్థితిలో.. పాకిస్తాన్ నుండి భారత్ లోకి  ప్రవేశించిన వ్య‌క్తి గురించి తెలుసుకోక‌పోతే.. ఎలా అని ప్ర‌శ్నించారు. సమగ్రతను దెబ్బతీయడం సరికాదని ఆరోపించారు.

ఇదిలా ఉంటే.. ఆల్ ఇండియా బార్ అసోసియేషన్ అధ్యక్షుడు డాక్టర్ ఆదిష్ అగర్వాల్ కూడా కాంగ్రెస్, హమీద్ అన్సారీ గురించి బహిర్గతం చేశారు. ఉగ్రవాదంపై అంతర్జాతీయ సదస్సు గురించి వెల్లడించకూడదని  తాము (హమీద్ అన్సారీ, కాంగ్రెస్) నిర్ణయించుకున్నామని, ఈ విషయంపై ప్రభుత్వం దర్యాప్తు ప్రారంభించాలని డాక్టర్ అగర్వాల్ అన్నారు. ఎందుకంటే ఇది దేశ భద్రతకు, గూఢచర్యానికి సంబంధించినది. డాక్టర్ అగర్వాల్ బ‌ట్టి హమీద్ అన్సారీ సమాచారాన్ని దాచిపెట్టి అబద్ధాలు చెబుతున్నారని ఆరోపించారు.

2010, డిసెంబర్ 11, 12 తేదీల్లో విజ్ఞాన్ భవన్‌లో జరిగిన ఉగ్రవాదం, మానవ హక్కులపై న్యాయనిపుణుల అంతర్జాతీయ సదస్సును మాజీ ఉపాధ్యక్షుడు ప్రస్తావించారని, 27 అక్టోబర్ 2009న ఒబెరాయ్ హోటల్ (న్యూఢిల్లీ)లో ఏర్పాటు చేసిన జామా మసీదు యునైటెడ్ ఫోరమ్ గురించి కాదని అదిష్ అగర్వాల్ చెప్పారు. తీవ్రవాద వ్యతిరేక అంతర్జాతీయ సదస్సు  

2009 సదస్సులో హమీద్ అన్సారీ, ఢిల్లీ జామా మసీదు నేషనల్ కాన్ఫరెన్స్ నాయకుడు ఫరూఖ్ అబ్దుల్లా షాహీ ఇమామ్, ఇతర ముస్లిం నేతలు హాజరయ్యారని ఆయన తెలిపారు. జామా మసీదు యునైటెడ్ ఫోరమ్ సదస్సులో హమీద్ అన్సారీ, అతని స్నేహితులు పాకిస్తాన్ జర్నలిస్ట్ నుస్రత్ మీర్జాతో స్నేహం చేస్తున్నారని డాక్టర్ అగర్వాల్ ఆరోపించారు.

పాకిస్థాన్ జర్నలిస్టుకు ఉపరాష్ట్రపతి ఆహ్వానం పంపారు!

ప్రశ్నించకుండా ఉండేందుకు న్యాయనిపుణుల సంప్రదాయాన్ని దాచిపెట్టేందుకే ఈ ప్రకటనలు చేశారని డాక్టర్ అగర్వాల్ అన్నారు. 2010లో జరిగిన ఉగ్రవాదం, మానవ హక్కులపై న్యాయనిపుణుల అంతర్జాతీయ సదస్సుకు హమీద్ అన్సారీ హాజరయ్యారని, అయితే నుస్రత్ మీర్జా ఆహ్వానితులు కాలేదని, ఆయన పాల్గొనలేదని చెప్పారు. సదస్సు నిర్వహిస్తున్నప్పుడు అందులో పాల్గొనాల్సిందిగా భారత ఉపరాష్ట్రపతి హోదాలో హమీద్ అన్సారీకి ఆహ్వానం పంపినట్లు డాక్టర్ అగర్వాల్ తెలిపారు. ఆ సదస్సుకు పాకిస్థాన్ జర్నలిస్టు నుస్రత్ మీర్జాను ఆహ్వానించాలని ఉపరాష్ట్రపతి కోరినట్లు అప్పటి ఉప రాష్ట్రపతి సెక్రటేరియట్ డైరెక్టర్‌గా పనిచేస్తున్న అశోక్ దివాన్ త‌న‌కు తెలియజేశారని తెలియ‌జేశారని వెల్లడించారు.