ఆసియాలోనే అతిపెద్ద మురికివాడ ధార‌వి వీధుల నుంచి డబ్ల్యూపీఎల్ వరకు.. సిమ్రాన్ షేక్ స్ఫూర్తిదాయక కథ ఇది..

Mumbai: ఆసియాలోనే అతిపెద్ద మురికివాడ ముంబ‌యిలోని ధార‌వి. అయితేనేం ఇక్క‌డ నుంచి వ‌చ్చిన‌వారు స‌త్తా చాటుతూ అంద‌రికీ ఆద‌ర్శంగా నిలుస్తున్నారు. త‌మకు పేద‌రికం అడ్డుకాద‌ని ఎలుగెత్తి చాటుతున్నారు. ఆ కోవ‌కు చెందిన వారే సిమ్రాన్ షేక్‌.. ధార‌వి వీధుల నుంచి మొద‌లైన ఆమె ప్ర‌యాణం డబ్ల్యూపీఎల్ సాగిన క్ర‌మంతో ఎందో మందికి స్పూర్తినిస్తోంది.   

Simran Shaikh-inspiring story: ప్రపంచంలోనే అతి పెద్ద మురికివాడల్లో ఒకటైన ధారావిలో మానవ ధైర్యసాహసాలు, సంకల్పబలంతో ఎన్నో పరిశ్రమలు వెలిశాయి. ఇక్క‌డ నుంచి వ‌చ్చిన‌వారు స‌త్తా చాటుతూ అంద‌రికీ ఆద‌ర్శంగా నిలుస్తున్నారు. త‌మకు పేద‌రికం అడ్డుకాద‌ని ఎలుగెత్తి చాటుతున్నారు. ఆ కోవ‌కు చెందిన వారే సిమ్రాన్ షేక్‌.. ధార‌వి వీధుల నుంచి మొద‌లైన ఆమె ప్ర‌యాణం డబ్ల్యూపీఎల్ సాగిన క్ర‌మంతో ఎందో మందికి స్పూర్తినిస్తోంది. 21 ఏళ్ల సిమ్రాన్ బాను షేక్ మహిళల ప్రీమియర్ లీగ్ లో చోటు దక్కించుకుంది. మార్చి 4న ప్రారంభమైన డబ్ల్యూపీఎల్ తొలి సీజన్లో సిమ్రాన్ ను యూపీ వారియర్స్ రూ.10 లక్షలకు కొనుగోలు చేసింది.

550 ఎకరాలలో విస్తరించి ఉన్న ధారావి ఆసియాలోనే అతిపెద్ద మురికివాడ‌గా గుర్తింపు ఉంది. సుమారు 10 లక్షల మంది నివసిస్తున్నారు. చదరపు మైలుకు 869,565 మంది జనసాంద్రతతో ప్రపంచంలోనే అత్యంత జనసాంద్రత కలిగిన మానవ స్థావరాలలో ఒకటి. 68 శాతం అక్షరాస్యత రేటుతో  మురికివాడ‌ల‌లో అత్య‌ధికం. తోలు పరిశ్రమను భారీ రీసైక్లింగ్ చేయడంతో ఈ అంశంలో ఎగుమతి కేంద్రంగా ఉంది. ఏదేమైనా, ఈ ప్రాంతం అభివృద్ధి కోసం అనేక పథకాలు కొనసాగుతున్నప్పటికీ, ధారావిలో మౌలిక సదుపాయాలు లేవు. పారిశుధ్యం విష‌యంలో దారుణంగానే ఉంటుంది. ఈ పరిస్థితుల మధ్య సిమ్రాన్ షేక్ కథ ఆవిష్కృతమై తన కలలను సాకారం చేసుకోవడంలో యువతకు ఆదర్శంగా నిలిచింది.

చిన్నప్పటి నుంచి క్రికెట్ ఆడే సిమ్రాన్ అమ్మాయిలు ఆడకపోవడంతో తన ప్రాంతంలోని అబ్బాయిలతో కలిసి ఆడుకునేది. 15 ఏళ్ల వయసులోనే క్రికెట్ అంటే మక్కువ పెంచుకున్న ఆమెకు మహిళా క్రికెట్ ఎదుగుదల, పాపులారిటీ గురించి తెలియదు. స్ట్రీట్ క్రికెట్ ఆడుతున్నప్పుడు, సిమ్రాన్ క్రాస్వే ఆధారిత యునైటెడ్ క్లబ్లో చేరింది. అక్కడ కోచ్ 'రోమ్డియో సర్' మార్గదర్శకత్వంలో, సిమ్రాన్ ఆటలోని మెళుకువలు నేర్చుకుంది. తన ఈ ప్ర‌యాణంలో ఎంతో మంది సాయం చేశార‌నీ, వారిలో సంజయ్ సతం కూడా ఉన్నార‌ని చెబుతూ.. క్రికెట్ కిట్ అందించడంతో పాటు అవసరమైనప్పుడు ఇతర వస్తువులను కూడా తీసుకువచ్చేవార‌నీ, సంజయ్ సతంను నేను ఎప్పటికీ మరచిపోలేన‌ని తెలిపారు.

స్ట్రీట్ క్రికెట్ కు, మెయిన్ క్రికెట్ కు చాలా వ్యత్యాసం ఉంటుంది. మొదటిది టెన్నిస్ బంతితో,  రెండవది భారీ లెదర్ బాల్ తో ఆడతారు. "స్ట్రీట్ క్రికెట్ కు, మెయిన్ స్ట్రీమ్ క్రికెట్ కు చాలా వ్యత్యాసం ఉందని నేను కూడా అంగీకరిస్తున్నాను. కానీ నాకు క్రికెట్ అంటే చాలా ఇష్టం. ఎందుకంటే నా ప్ర‌య‌త్నాలు మ‌రింత‌గా పెంచి.. నేను మార్పును స్వీకరించాను" అని తెలిపిన‌ట్టు ఆవాజ్-ది వాయిస్  నివేదించింది. టెన్నిస్ బంతితో ఆడే క్రికెట్ కంటే మెయిన్ స్ట్రీమ్ క్రికెట్ ఈజీగా ఉంటుంద‌ని కూడా తెలిపారు. నిరుపేద కుటుంబం నుంచి వచ్చిన సిమ్రాన్.. ఆమె తండ్రి వైర్ మెన్, ఆమె తల్లిదండ్రులకు ఏడుగురు పిల్లలు ఉన్నారు. వారిలో నలుగురు అమ్మాయిలు-ముగ్గురు అబ్బాయిలు. 'మేం నలుగురు అక్కాచెల్లెళ్లు, ముగ్గురు అన్నదమ్ములం. మా అమ్మ ఇంటిని చూసుకుంటుంది, మా నాన్న వైరింగ్ లో పనిచేస్తారు. నాకు ఇద్దరు అక్కాచెల్లెళ్లు పెద్దవారు, మిగిలిన వారు నాకంటే చిన్నవారని తెలిపారు. 

తనకు చదువుపై ఆసక్తి లేదనీ, మెట్రిక్యులేషన్ పరీక్షలో ఫెయిలైన తర్వాత చదువు మానేశానని చెప్పింది. అయితేనేం త‌న‌కు ఇష్ట‌మైన క్రికెట్ లో మంచి గుర్తింపు సాధించింది. సిమ్రాన్ షేక్ కుడిచేతి వాటం బ్యాట్స్ మన్, బలమైన లెగ్ స్పిన్నర్. మిడిలార్డర్లో ఆడే ఆమె దూకుడు బ్యాటింగ్ కు పెట్టింది పేరు. ఆమె తల్లిదండ్రులు ఆమెను క్రికెట్ ఆడకుండా ఎప్పుడూ ఆపలేదు. "మా అమ్మానాన్నలే కాదు, మావయ్యలు, అత్తమామలతో కూడిన నా కుటుంబం కూడా ఇలాగే చేసింది. ఇరుగుపొరుగు వారి నుంచి కూడా మద్దతు లభించింది. కాబట్టి ఇంతవరకు మంచిగానే నా ప్ర‌యాణం సాగింద‌ని" తెలిపారు. సిమ్రాన్ ముంబ‌యిలో స్థానిక క్రికెట్ టోర్నమెంట్లు ఆడిన అనుభవం సంపాదించింది. అండర్-19 క్రికెట్ కూడా ఆడింది. ఆ తర్వాత ముంబ‌యి సీనియర్ జట్టుకు ఎంపికైంది. 'నేను బ్యాట్స్ మన్ ని. నాకు మిడిల్ ఆర్డర్ లో బ్యాటింగ్ చేయడం ఇష్టం. కానీ టీ20 క్రికెట్లో నేను ఏ స్థానంలోనైనా ఆడగలను..' అని తెలిపారు. త‌న బలమైన సంకల్పబలం వల్లే నేడు ఈ స్థానానికి చేరుకున్నాన‌నీ, మున్ముందుకు వెళ్ల‌డానికి ప్ర‌య‌త్నాలు చేస్తూనే ఉంటాన‌ని తెలిపారు. 

మహిళల క్రికెట్లో విరాట్ కోహ్లీ బ్యాటింగ్, ఆస్ట్రేలియాకు చెందిన అలిస్సా పెర్రీ అంటే త‌నకు చాలా ఇష్టమ‌ని చెప్పారు. మిథాలీ రాజ్, జులన్ గోస్వామి, హర్మన్ప్రీత్ సింగ్, స్మృతి మంధాన, జెమీమా రోడ్రిగ్స్ వంటి భారత మహిళా ఆటగాళ్లతో ఒక టోర్నమెంట్ సందర్భంగా సంభాషించే అవకాశం తనకు లభించిందని సిమ్రాన్ చెప్పింది. ముంబ‌యి త‌రఫున జెమీమాతో కలిసి ఆడిన అనుభవం తనకు వెలకట్టలేనిదని చెప్పింది. మహిళల క్రికెట్ స్థితిగతులపై ఆమె మాట్లాడుతూ.. 'గత కొన్నేళ్లుగా మహిళల క్రికెట్ ప్రపంచ స్థాయిలో అభివృద్ధి చెందింది. ఇంగ్లాండ్, ఆస్ట్రేలియా తర్వాత ఇప్పుడు భారత్ లో కూడా టీ20 లీగ్ ప్రారంభం కానుంది. కోట్లాది రూపాయల విలువైన బిడ్లను మహిళా క్రీడాకారిణులకు కట్టబెట్టారు. ఇది మహిళల క్రికెట్ ఆర్థిక సామర్ధ్యాన్ని కూడా పరిష్కరిస్తుంది. క్రీడాకారులకు సహాయపడుతుందని'' తెలిపారు. భారత మహిళల జట్టులో ఆడాలనేది త‌న క‌ల అని సిమ్రాన్ చెప్పారు.