ఢిల్లీ అసెంబ్లీ ఫలితాలు 2020: ఆరు జిల్లాల్లో ఆప్ హవా
By narsimha lode | First Published Feb 11, 2020, 10:03 AM ISTఢిల్లీ అసెంబ్లీ ఎన్నికల్లో ఆరు జిల్లాల్లో ఆప్ దూసుకుపోయింది.కాంగ్రెస్, బీజేపీ అభ్యర్థులపై ఆప్ అభ్యర్థులు ఆధిక్యంలో ఉన్నారు. ఈ ఆరు జిల్లాల్లో ఆప్ స్వీప్ చేసే దిశగా ఫలితాలు కన్పిస్తున్నాయి.
న్యూఢిల్లీ: న్యూఢిల్లీ అసెంబ్లీ ఎన్నికల్లో ఆప్ అభ్యర్థులు దూసుకుపోతున్నారు. ఆరు జిల్లాల్లో ఆప్ అభ్యర్థులు తమ సమీప ప్రత్యర్థుల కంటే ముందంజలో ఉన్నారు. ఎగ్జిట్ ఫలితాలకు అనుగుణంగానే తొలిదశ ఫలితాలు కన్పిస్తున్నాయి.
న్యూఢిల్లీ రాష్ట్ర అసెంబ్లీకి ఈ నెల 8వ తేదీన ఎన్నికలు జరిగాయి. ఈ ఎన్నికల్లో 64 శాతం పోలింగ్ నమోదైంది. న్యూఢిల్లీ, ఉత్తర ఢిల్లీ, దక్షిణ ఢిల్లీ, సెంట్రల్ ఢిల్లీ, షాహదారాతో పాటు మరో జిల్లాలో కూడ ఆప్ అభ్యర్థులు ముందంజలో ఉన్నారు. ఐదేళ్లలో ఢిల్లీ రాష్ట్ర ముఖ్యమంత్రిగా అరవింద్ కేజ్రీవాల్ చేపట్టిన కార్యక్రమాలు ఆ పార్టీని విజయపథంలోకి తీసుకెళ్లినట్టుగా రాజకీయ పరిశీలకులు భావిస్తున్నారు.
Latest Videos
undefined
Also read:కాంగ్రెస్‌ను ఊడ్చేసిన ఆప్: ఢిల్లీకి ఇప్పటివరకు సీఎంగా పనిచేసింది వీరే
అధికారంలోకి వచ్చిన తర్వాత కేజ్రీవాల్ సర్కార్ ప్రజల కోసం తీసుకొన్న అనేక కార్యక్రమాలు ప్రజలకు ఆ పార్టీని మరింత చేరువగా తీసుకెళ్లాయి. పేద ప్రజలు ఆప్ వెంట నిలిచారు. ఆప్ మరోసారి అధికారంలోకి వస్తే ఈ పథకాలు కొనసాగుతాయని భావించి పేద ప్రజలు ఆ పార్టీకి ఓటు చేసినట్టుగా రాజకీయ పరిశీలకులు భావిస్తున్నారు.
ప్రతి ఒక్క ఇంటికి మంచినీటి సౌకర్యం, విద్యుత్ బిల్లులు, విద్య విషయంలో ఆప్ సర్కార్ తీసుకొన్న విధానపరమైన నిర్ణయాలు ఆ పార్టిని విజయతీరం వైపు తీసుకెళ్లాయి.పేద, మద్యతరగతి ప్రజల ఆకాంక్షలకు అనుగుణంగా కేజ్రీవాల్ ప్రభుత్వం పనిచేసింది. ఈ మేరకు ఆ పార్టికి ప్రజలు పట్టం కట్టినట్టుగా రాజకీయ విశ్లేషకులు భావిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి