తీవ్ర తుఫాను మారిన 'బిపర్జోయ్'.. రుతుప‌వ‌నాలపై ప్ర‌భావముంటోంద‌న్న వాతావరణ శాఖ

New Delhi: గుజరాత్ లోని పోర్ బందర్ కు దక్షిణంగా ఆగ్నేయ అరేబియా సముద్రంలో ఏర్పడిన అల్పపీడనం వాయువ్య దిశగా పయనించి తుఫానుగా మారే అవకాశముంద‌ని భారత వాతావరణ శాఖ మంగళవారం తెలిపింది. తాజాగా గురువారం ఉదయానికి తీవ్ర తుఫానుగా, శుక్రవారం సాయంత్రానికి అతి తీవ్ర తుఫానుగా మారుతుందని వాతావరణ శాఖ తెలిపింది.  

Cyclone Biparjoy: 'బిపర్జోయ్' తుఫాను వేగంగా తీవ్ర తుఫానుగా మారిందనీ, రానున్న 12 గంటల్లో మరింత బలపడి అతి తీవ్ర తుఫానుగా మారే అవకాశం ఉందని భారత వాతావరణ శాఖ (ఐఎండీ) బుధవారం తెలిపింది. ఉదయం 8.30 గంటలకు తూర్పు మధ్య, దానిని ఆనుకుని ఉన్న ఆగ్నేయ అరేబియా సముద్రంలో ఉపరితల ఆవర్తనం దాదాపు ఉత్తర దిశగా కదులుతుందని వాతావరణ శాఖ తెలిపింది. 'తూర్పు మధ్య, దానిని ఆనుకుని ఉన్న ఆగ్నేయ అరేబియా సముద్రంలో బిపర్జోయ్ తుఫాను ఏర్పడింది' అని ఐఎండీ ట్వీట్ చేసింది. రాగల కొన్ని గంటల్లో దాదాపు ఉత్తర దిశగా కదులుతూ వీఎస్సీఎస్ లోకి ప్రవేశించే అవకాశం ఉంది.

భారత్ లో రుతుపవనాల ప్రారంభానికి అడ్డంకిగా మారిన బిపర్జోయ్ తుఫాను అరేబియా సముద్రంలో తీవ్ర తుఫానుగా బలపడి ప్రధాన ఓడరేవులు, రిఫైనరీలు ఉన్న దేశ పశ్చిమ తీరానికి సమీపంలో కదులుతోందని కూడా ఐఎండీ తెలిపింది. ప్రస్తుతం ఈ తుఫాను తీవ్ర తుఫానుగా మారిందనీ, రానున్న 24 గంటల్లో మరింత బలపడి ఉత్తర దిశగా కదులుతుందని భారత వాతావరణ శాఖ తెలిపింది. మేఘాలు, తేమను ఎదుర్కొవ‌డం ద్వారా కేరళలో రుతుపవనాల రాకను ఈ వ్యవస్థ తీవ్రంగా ప్రభావితం చేస్తుందని ఏజెన్సీ సంకేతాలు ఇచ్చింది. పసిఫిక్, హిందూ మహాసముద్రాలకు ఉష్ణమండల తుఫాను హెచ్చరికలను జారీ చేయడానికి బాధ్యత వహించే యూఎస్  డిపార్ట్‌మెంట్ ఆఫ్ డిఫెన్స్ ఏజెన్సీ జాయింట్ టైఫూన్ వార్నింగ్ సెంటర్ (జెటిడబ్ల్యుసి) ప్రకారం మంగళవారం ఉదయం నుండి బిపర్జోయ్ తుఫాను 40 నాట్స్ (గంటకు 74 కిలోమీటర్లు) పెరిగింది. 

భారత వాతావరణం, రుతుపవనాలపై ప్ర‌భావం.. 

ఈ ఏడాది అరేబియా సముద్రంలో ఏర్పడిన తొలి తుఫాను బిపర్జోయ్ ఇప్పటికే రుతుపవనాలు ఆలస్యం కావడం ఆందోళన కలిగిస్తోంది. బెంగాలీ భాషలో 'విపత్తు' అని అర్థం వచ్చే బిపర్జోయ్ రుతుపవనాలపై ప్రతికూల ప్రభావం చూపుతుందని నివేదికలు సూచిస్తున్నాయి. కేరళలో తేలికపాటి రుతుపవనాలు ప్రారంభమవుతాయనీ, దాని ప్రభావంతో దక్షిణ ద్వీపకల్పాన్ని దాటి బలహీనమైన రుతుప‌వ‌న‌ పురోగతి ఉంటుందని వాతావరణ శాస్త్రవేత్తలు అంచనా వేశారు. రుతుపవనాల పురోగతిని ఈ వ్యవస్థ ప్రభావితం చేసే అవకాశం ఉందని పేర్కొన్న ఐఎండీ.. దీనిపై బుధ‌వారం సాయంత్రం మ‌రిన్ని వివ‌రాలు వెల్ల‌డిస్తామ‌ని తెలిపింది. అలాగే, "అరేబియా సముద్రంలోని శక్తివంతమైన వాతావరణ వ్యవస్థ లోతట్టు ప్రాంతాల్లో రుతుపవనాల పురోగతిని దెబ్బతీస్తుంది. వీటి ప్రభావంతో రుతుపవనాలు తీర ప్రాంతాలకు చేరుకోవచ్చని, కానీ పశ్చిమ కనుమలను దాటి చొచ్చుకుపోవడానికి అనుకూల ప‌రిస్థితులు త‌క్కువ‌గా ఉంటాయ‌ని" ప్ర‌యివేటు వాతావరణ సంస్థ స్కైమెట్ మంగళవారం తెలిపింది.