మే నుండి18 ఏళ్లు దాటిన ప్రతి ఒక్కరికీ కరోనా వ్యాక్సిన్: కేంద్రం సంచలన నిర్ణయం
By narsimha lode | First Published Apr 19, 2021, 7:42 PM ISTఈ ఏడాది మే 1వ తేదీ నుండి 18 ఏళ్లు పైబడిన ప్రతి ఒక్కరికి కరోనా వ్యాక్సిన్ వేయాలని కేంద్ర ప్రభుత్వం నిర్ణయం తీసుకొంది.
న్యూఢిల్లీ: ఈ ఏడాది మే 1వ తేదీ నుండి 18 ఏళ్లు పైబడిన ప్రతి ఒక్కరికి కరోనా వ్యాక్సిన్ వేయాలని కేంద్ర ప్రభుత్వం నిర్ణయం తీసుకొంది. దేశంలో కరోనా స్థితిగతులపై ప్రధాని మోడీ డాక్టర్లు, ఫార్మా కంపెనీలతో ఇవాళ వీడియో కాన్పరెన్స్ ద్వారా చర్చించారు. ఈ చర్చల తర్వాత కేంద్రం ఈ నిర్ణయాన్ని ప్రకటించింది.
మే 1వ తేదీ నుండి దేశంలో మూడో విడత వ్యాక్సినేషన్ ప్రక్రియను కేంద్రం ప్రారంభించనుంది. ఈ వ్యాక్సినేషన్ ప్రక్రియలో భాగంగా 18 ఏళ్లు దాటిన ప్రతి ఒక్కరికీ వ్యాక్సిన్ వేయాలని నిర్ణయం తీసుకొంది. దేశంలో కరోనా కేసులు రోజు రోజుకి పెరిగిపోతున్న నేపథ్యంలో కేంద్రం ఈ నిర్ణయం తీసుకొంది. వ్యాక్సిన్ వేసుకోవాలనే వారంతా కోవిన్ వెబ్‌సైట్ ద్వారా తమ పేర్లను నమోదు చేసుకోవాని కేంద్రం సూచించింది.
Latest Videos
undefined
వీలైనంత తక్కువ సమయంలో ఎక్కువ మందికి వ్యాక్సిన్ అందించాలనే ఉద్దేశ్యంతో కేంద్రం ఈ నిర్ణయం తీసుకొంది. కరోనా వ్యాక్సిన్ డోసులను నేరుగా ఫార్మా కంపెనీల నుండి సేకరించేందుకు ఆయా రాష్ట్రాలకు కేంద్రం అవకాశం కల్పించింది. ఈ మేరకు సోమవారం నాడు ఉత్తర్వులు కూడ జారీ చేసింది.
వ్యాక్సిన్ ఉత్పత్తిని భారీగా పెంచాలని కేంద్రం నిర్ణయం తీసుకొంది. వ్యాక్సిన్ ఉత్పత్తి చేసే సంస్థలకు కేంద్రం రుణాలు అందించనుంది. సీరం సంస్థకు కేంద్రం రూ. 3 వేల కోట్ల రుణం అందించనుంది. నెలకు 7 కోట్ల వ్యాక్సిన్ ఉత్పత్తి చేస్తామని సీరం సంస్థ ప్రకటించింది.భారత్ బయోటెక్ కు రూ. 1500 కోట్ల రుణం అందించనుంది కేంద్రం. ఈ ఏడాది చివరి నాటికి 70 కోట్ల వ్యాక్సిన్లు తయారు చేస్తామని భారత్ బయోటెక్ ప్రకటించింది.ఉత్పత్తయ్యే వ్యాక్సిన్లలో 50 శాతం ఓపెన్ మార్కెట్లోకి అనుమతిచ్చింది కేంద్రం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి