అయోధ్య ప్రాణప్రతిష్ట కార్యక్రమాన్ని సరిగ్గా 57 యేళ్ల క్రితమే ఊహించారా? నేపాల్ పోస్టల్ స్టాంప్ కు అర్థం ఏమిటి?
By SumaBala Bukka | First Published Jan 17, 2024, 9:37 AM ISTరామమందిర ప్రతిష్ఠాపనకు సన్నాహాలు జరుగుతున్న సమయంలో నేపాల్‌కు చెందిన 57 ఏళ్ల నాటి తపాలా స్టాంపు ఒకటి వెలుగు చూసింది. దీనిమీద శ్రీరాముడు, సీతతో కూడిన ఫొటో ఉంది. ఇదిప్పుడు వైరల్ ఎందుకవుతోందంటే...
నేపాల్ : అయోధ్యలో ఇప్పుడు జరుగుతున్న ప్రాణప్రతిష్ట కార్యక్రమాన్ని నేపాల్ 1967లోనే ఊహించిందా? అంటే నిజమని రుజువు చేస్తుంది ఈ స్టాంపు.. ఏప్రిల్ 18, 1967న, రామ నవమిని పురస్కరించుకుని, నేపాల్, భారతదేశంలోని కొన్ని ప్రాంతాలలో ఉపయోగించే విక్రమ్ సంవత్ హిందూ క్యాలెండర్‌లో స్టాంపు 2024 సంవత్సరాన్ని కలిగి ఉంది.
ప్రస్తుత సంవత్సరం రామమందిరం ప్రాణ్ ప్రతిష్ఠను సూచిస్తుంది. దీంతో ఇదిప్పుడు చర్చనీయాంశంగా మారింది. విక్రమ్ సంవత్ హిందూ క్యాలెండర్.. గ్రెగోరియన్ క్యాలెండర్ కంటే 57 సంవత్సరాలు ముందుండడమే దీనికి కారణం. దీంతో, గ్రెగోరియన్ క్యాలెండర్‌లోని 1967 సంవత్సరం విక్రమ్ సంవత్‌లోని 2024కి అనుగుణంగా ఉంటుంది. అలా 1967లో విడుదల చేసిన స్టాంపుపై 2024 సంవత్సరం ఉనికి కనిపిస్తుంది.
Latest Videos
undefined
రామమందిరానికి సంబంధించి ముఖ్యమైన అంశాన్ని అన్నేళ్ల పూర్వమే ఎలా ఊహించారనే దానిమీద విస్మయం కలిగించేలా ఉంది. నేపాల్ స్టాంపుల జారీ సంవత్సరాన్ని ఆలయ ప్రతిష్ఠాపన సంవత్సరంతో సరిగ్గా సమపోల్చడం ఇక్కడ ప్రత్యేకంగా చెప్పుకోవాలి. 2024లో రామాలయంలో ప్రాణప్రతిష్ట కార్యక్రమం జరుగుతుందని, రాముడు తిరిగి ఆలయంలో ప్రతిష్టింపబడతాడని.. 57 సంవత్సరాల క్రితంమే ఊహించినట్టుగా స్టాంప్ ఉండడం ఆలోచింపజేస్తోంది.
అయోధ్య రామాలయం ప్రాణప్రతిష్ట : ప్రాయశ్చిత్త పూజ అంటే ఏమిటి? ఎలా చేస్తారు?
జనవరి 22న మహా దేవాలయం గర్భగుడిలో రాముని ప్రతిష్టించబోతున్నందున భక్తుల 550 ఏళ్ల సుదీర్ఘ నిరీక్షణ ముగింపు దశకు చేరుకుంది. అహ్మదాబాద్ నుండి 56 అంగుళాల పొడవు గల డ్రమ్ అయోధ్యకు చేరుకుంది. ఇది వాయించినప్పుడు సింహనాదంలాంటి శబ్దం వస్తుంది. అయోధ్యలో ఈ డ్రమ్ ను ఊరేగించారు. త్వరలో ఆలయంలో దాని నిర్దేశిత స్థానానికి రానుంది.
రాబోయే ప్రాణ ప్రతిష్ఠా వేడుకలో, రాముడి పాదాల వద్ద ఎనిమిది లోహాలతో తయారైన శంఖం ముఖ్యమైన స్థానాన్ని కలిగి ఉంటుంది. అలీఘర్‌కు చెందిన సత్య ప్రకాష్ ప్రజాపతి ఈ శంఖాన్ని ఆలయ నిర్మాణాన్ని పర్యవేక్షిస్తున్న శ్రీ రామ జన్మభూమి తీర్థ క్షేత్ర ట్రస్ట్‌కు అందించారు. ట్రస్ట్ ఛైర్మన్ మహంత్ నృత్య గోపాల్ దాస్, రాముడు తన జన్మస్థలంలో ఉండటంప్రాముఖ్యతను నొక్కి చెబుతూ, ఈ ముఖ్యమైన చర్యకు ప్రశంసలు వ్యక్తం చేశారు.
శ్రీ రామ జన్మభూమి ఆలయ ప్రారంభోత్సవం జనవరి 22న జరగనుంది, ప్రధానమంత్రి నరేంద్ర మోదీతో పాటు యూపీ సీఎం యోగి ఆదిత్యనాథ్, ఆర్‌ఎస్‌ఎస్ చీఫ్ మోహన్ భగవత్, యూపీ గవర్నర్ ఆనందీబెన్ పటేల్, ఆలయ ట్రస్ట్ అధ్యక్షుడు మహంత్ నృత్య గోపాల్ దాస్ వంటి ప్రముఖులు హాజరుకానున్నారు. 7,000 మంది అతిథులలో ప్రముఖ ఆహ్వానితులలో క్రికెట్ దిగ్గజాలు సచిన్ టెండూల్కర్, విరాట్ కోహ్లీ, బాలీవుడ్ సూపర్ స్టార్ అమితాబ్ బచ్చన్, పారిశ్రామికవేత్తలు ముఖేష్ అంబానీ, గౌతమ్ అదానీ ఉన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి