రాత్రిపూట బస్సు వెంటపడ్డ ఏనుగు.. భయంతో పరుగులు తీసిన సిబ్బంది.. కేరళనుంచి వచ్చి తమిళనాడులో బీభత్సం.. (వీడియో)

కేరళనుంచి టైగర్ రిజర్వ్ ఫారెస్ట్ గుండా తమిళనాడులోకి ప్రవేశించిన అరికొంబన్ అనే ఏనుగు బీభత్సం సృష్టిస్తోంది. ఓ ప్రభుత్వ బస్సును వెంబడించి కలకలం సృష్టించింది. కేరళలో ఈ ఏనుగు కొన్నేళ్ల కాలంలో 10మందిని చంపింది. 

కేరళ : కేరళలో పదిమందిని చంపి భయాందోళనలు సృష్టించిన అరికొంబన్ అనే ఏనుగు ప్రస్తుతం తమిళనాడులోకి ప్రవేశించింది. ఇక్కడి మేఘమలైలో సంచరిస్తూ ప్రయాణికులన్ని, కొండప్రాంత గ్రామస్తుల్ని భయాందోళనలకు గురి చేస్తోంది. ఓ ప్రభుత్వ బస్సును వెంబడించిన వీడియో ఇప్పుడు వైరల్ గా మారింది. 

కాగా, కొద్ది రోజుల క్రితం కేరళ రాష్ట్రంలో పదిమందిని చంపిన ఏనుగును సజీవంగా పట్టుకున్నారు. ఇడుక్కి జిల్లా మున్నార్ సమీపంలోని చిన్నకనాల్ ప్రాంతంలో అరికొంబన్ అనే ఏనుగు సంచరిస్తుంది. ఇది గత కొన్నేళ్లుగా 10 మందిని చంపింది.  ఏప్రిల్ 30వ తేదీన ఈ ఏనుగును మత్తు ఇంజక్షన్ ఇచ్చి కుమ్కీ ఏనుగుల సాయంతో అరికొంబన్ ను సజీవంగా పట్టుకున్నారు.

తదనంతరం, కేరళ అటవీ శాఖ తేక్కడిలోని పెరియార్ టైగర్ రిజర్వ్‌లో రాత్రి పట్టుకున్న అరికొంబన్ ఏనుగును విడిచిపెట్టింది. అలాగే, కేరళ అటవీ శాఖ ఏనుగు మెడకు రేడియో కాలర్‌ను అమర్చి దానిక కదలికలను పర్యవేక్షిస్తోంది.

ఈ కేసులో కేరళ అడవుల్లో వదిలిన ఏనుగు రెండు రోజుల్లో తమిళనాడులోని శ్రీవిల్లిపుత్తూరు-మేఘమలై టైగర్ రిజర్వ్ పరిధిలోని మేఘమలై అడవుల్లోకి ప్రవేశించింది. తేని జిల్లా చిన్నమనూర్ ఫారెస్ట్ పరిధిలోని మేఘమలై ఫారెస్ట్‌లో ఈ గజ రాజు ఇరవంగలార్, మనలార్, హైవేస్ వంటి ప్రాంతాల్లో తిరుగుతుంది. దీని కారణంగా మేఘమలైలో, కొన్ని కొండ గ్రామస్థులకు రాత్రి ప్రయాణం నిషేధించబడింది.

ఈ పరిస్థితిలో ప్రస్తుతం మేఘమలైకి ప్రవేశ మార్గమైన ఉత్ప్రియార్ టీ ఎస్టేట్‌కు అరికొంబన్ ఏనుగు వస్తోంది. ఈరోజు తెల్లవారుజామున ఉత్ప్రియార్ టీ ఎస్టేట్ నుంచి ఓ ప్రైవేట్ హోటల్‌కు మేఘమలైకి వెళ్లిన ప్రభుత్వ బస్సును అరికొంబన్ ఏనుగు వెంబడించింది. దీంతో డ్రైవర్, కండక్టర్ సహా ప్రయాణికులంతా భయాందోళనకు గురవుతున్నారు. దీనికి సంబంధించిన వీడియో ఫుటేజీ వైరల్‌గా మారింది.

అరికొంబన్ ఏనుగు రోడ్లపై సంచరించడం ప్రారంభించినందున పర్యాటకులు మేఘమలైకి వెళ్లడం నిషేధించారు. భద్రత కోసం నాలుగు పోలీసు బృందాలను మోహరించారు.

అరికొంబన్ ఏనుగు మెడలో కట్టిన రేడియో కాలర్ పరికరాన్ని పర్యవేక్షించే పరికరాలన్నీ కేరళ అటవీశాఖ వద్ద ఉండిపోయాయి. దీంతో తమిళనాడు అటవీశాఖ ఏనుగు కదలికను పర్యవేక్షించేందుకు నానా తంటాలు పడుతోంది. ప్రతిసారీ ఏనుగు సంచారం గురించి సమాచారం కోసం కేరళ అటవీ శాఖను అడగవలసి వస్తుంది.

అరికొంబన్ ఏనుగు ఇప్పుడు మేఘమలై ప్రాంతాల్లో సంచరిస్తుండడంతో మేఘమలై, చుట్టుపక్కల ఏడు గ్రామాలకు చెందిన 3000 మందికి పైగా కొండ గ్రామస్థులు తీవ్ర ఆందోళనకు గురయ్యారు.