దారుణం: ఆరుగురు వలస కూలీలపై నుంచి దూసుకెళ్లిన బస్సు
By telugu team | First Published May 14, 2020, 8:23 AM ISTఉత్తరప్రదేశ్ రాష్ట్రంలో ఘోర రోడ్డు ప్రమాదం సంభవించింది. కూలీలపై నుంచి బస్సు దూసుకెళ్లడంతో ఆరుగురు మరణించారు. ఇటీవల మధ్యప్రదేశ్ లో ట్రక్ ప్రమాదంలో 8 మంది మరణించిన విషయం తెలిసిందే.
లక్నో: ఉత్తర ప్రదేశ్ రాష్ట్రంలో విషాదకరమైన సంఘటన చోటు చేసుకుంది. ఉత్తర ప్రదేశ్ రాష్ట్ర బస్సు ముజఫర్ నగర్ లో వలస కూలీల మీదుగా దూసుకెళ్లింది. ఈ ప్రమాదం బుధవారం రాత్రి జరిగింది.
ప్రమాదం ముజఫర్ నగర్ - షాహరాన్ పూర్ జాతీయ రహదారిపై రాత్రి 11 గంటల ప్రాంతంలో జరిగినట్లు సమాచారం. వలస కూలీలు బీహార్ చెందినవాళ్లు. పంజాబ్ లో దినసరి కూలీలుగా పనిచేస్తూ వస్తున్నారు. లాక్ డౌన్ నేపథ్యంలో వారు తమ స్వస్థలాలకు బయలుదేరారు.
Latest Videos
undefined
Also Read: ఇంటి దారి పట్టి ప్రమాదాల్లో వలస కూలీల మృతి: మృతుల్లో తల్లీకూతుళ్లు
ఈ ప్రమాదంలో ముగ్గురు గాయపడినట్లు సమాచారం. వారిని ఆస్పత్రిలో చికిత్స నిమిత్తం చేర్చారు. బస్సు డ్రైవర్ పై పోలీసులు కేసు నమోదు చేశారు. ప్రమాదంపై దర్యాప్తు ప్రారంభించారు.
Also Read: హైదరాబాదు నుంచి ఆగ్రాకు, ట్రక్కు బోల్తా: ఐదుగురు వలస కూలీల దుర్మరణం
మధ్యప్రదేశ్ రాష్ట్రంలోని గునాలో ట్రక్కు బస్సును ఢీకొట్టడంతో 8 మంది కార్మికులు మరణించారు. 50 మందిదాకా గాయపడ్డారు. కాగా, మహారాష్ట్రలో రైల్వే ట్రాక్ పై పడుకున్న వలస కూలీలపై నుంచి రైలు దూసుకెళ్లిన ఘటన తీవ్ర విషాదాన్ని మిగిల్చిన విషయం తెలిసిందే. ఈ ప్రమాదం 16 మంది వలస కూలీలు మృత్యువాత పడ్డారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి