టీచర్స్ డే 2022: డాక్టర్ సర్వేపల్లి రాధాకృష్ణన్ జయంతిని పురస్కరించుకుని సెప్టెంబర్ 5న భారతదేశంలో ఉపాధ్యాయ దినోత్సవాన్ని జరుపుకుంటారు. విద్యా రంగానికి ఆయన చేసిన సేవలు అద్వితీయమైనవి. రాధాకృష్ణన్ ఉపనిషత్తుల అనువాదకుడు కూడా. డాక్టర్ సర్వేపల్లి రాధాకృష్ణన్ రాసిన కొన్ని స్ఫూర్తిదాయకమైన కోట్స్ గురించి తెలుసుకుందాం పదండి..
డాక్టర్ సర్వేపల్లి రాధాకృష్ణన్ సెప్టెంబర్ 5న జన్మించారు. ఈ జన్మదినాన్నే భారతదేశం ఉపాధ్యాయ దినోత్సవంగా జరుపుకుంటోంది. రాధాకృష్ణన్ ఒక గొప్ప వక్త, ఉపాధ్యాయుడు, పండితుడు, తత్వవేత్త, విద్యావేత్త, రాజనీతిజ్ఞుడు కూడా. ఇతను మొదటి ఉప రాష్ట్రపతిగా ఎన్నో సేవలందించారు.
రాధాకృష్ణన్ సామాజిక, తాత్విక, ఆర్థిక, సాంస్కృతిక, రాజకీయ, ఆధ్యాత్మిక, విద్యా రంగాలతో సహా ఆధునిక భారతదేశానికి చేసిన సేవలు మరువలేనివి. ఆయన బహుముఖ ప్రజ్ఞాశాలి. నిజమైన గురువు, తత్వవేత్త, యావత్ దేశానికి మార్గదర్శకుడు. ఈయన చెప్పిన కొన్ని స్ఫూర్తిదాయకమైన కోట్స్ మీ కోసం