మెక్సికో దేశంలోని శాన్ మిగ్యుల్ టోటోలాపాన్‌లోని సిటీ హాల్ సాయుధ బృందం కాల్పులు జరిపింది. ఈ ఘటనలో 18 మంది మరణించారు.
నైరుతి మెక్సికోలో దారుణం జరిగింది. శాన్ మిగ్యుల్ టోటోలాపన్ లోని సిటీ హాల్ పై, సమీపంలోని ఇళ్ల‌పై దుండ‌గులు కాల్పులు జ‌రిపారు. ఈ కాల్పుల్లో దాదాపు 18 మంది మరణించారు. మరో ముగ్గురికి తీవ్ర గాయాలు అయ్యాయి. మరణించిన వారిలో ఆ సిటీ మేయ‌ర్ కూడా ఉన్నారు.
బుధవారం జరిగిన ఈ దాడుల్లో ఒక సాయుధ బృందం గురెరెరోలోని శాన్ మిగ్యుల్ టోటోలాపన్ లోని సిటీ హాల్ లో మొద‌ట‌గా కాల్పులు ప్రారంభించింది. త‌రువాత స్థానికంగా ఉన్న ఓ నివాసంపై కాల్పులు జరిపింది. అయితే ఘ‌ట‌నా స్థ‌లం నుంచి బ‌య‌ట‌కు వ‌చ్చిన ఫొటోల్లో బయటి గోడలలో అనేక బుల్లెట్ రంధ్రాలు ఉన్న‌ట్టు క‌నిపిస్తున్నాయ‌ని BNO న్యూస్ నివేదించింది.
షాకింగ్.. ప్రియుడున్నాడని, వదిలేయమని చెప్పినా భర్త వినకపోవడంతో.. ఆ భార్య చేసిన పని..
ఈ ఘ‌ట‌న స‌మాచారం అందుకున్న వెంట‌నే పోలీసులు సమీపంలోని ఒక ఇంటికి వెళ్లారు, అక్కడ తుపాకీ కాల్పుల వల్ల చాలా మంది చ‌నిపోయార‌ని నిర్ధారించారు. ఆ బిల్డింగ్ ముందు దాదాపు ప‌ది మంది బాధితులు గుంపులు గుంపులుగా ఉన్నారు. వారి శ‌రీరాలపై ర‌క్త స్రావం జ‌రుగుతోంది. ఈ దృశ్యాల‌ను రికార్డ్ చేసి పోలీసులు సోష‌ల్ మీడియాలో షేర్ చేశారు.
Gunmen have killed the mayor of the city of San Miguel Totolapan, in south-western Mexico, and at least 18 others, officials have confirmed.
The attack has been blamed on the Los Tequileros criminal gang.
Police officers and council workers were also killed in the massacre. pic.twitter.com/Ed0SkJo9GQ
ఈ ఘ‌ట‌న‌పై ఆ దేశ అధికార మోరెనా పార్టీ సభ్యుడు గెరెరో గవర్నర్ ఎవెలిన్ సల్గాడో పినెడా స్పందించారు. దీనిపై వెంట‌నే ద‌ర్యాప్తు ప్రారంభించాల‌ని రాష్ట్ర అటార్నీ జనరల్ కార్యాలయాన్ని కోరారు. ఈ ఘ‌ట‌న‌ను తీవ్రంగా ఖండిస్తున్న‌ట్టు ఆ పార్టీ పేర్కొంది. బాధితుల‌కు స‌త్వ‌ర న్యాయం జ‌ర‌గాల‌ని పేర్కొంది.